نبدأ بالبارت الجديد
صمودي
بقلمي
Warda _jasim
🌼🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹
جان يطلع حاتم
ضربني راشدي ودفعني حيل
وكعت للكاع
انهضمت بس مبجيت
وهو صار يعيط
_ها اجيتي وجه الفكر ردت اخليج عند معلكة و مثل الجلب عند ابوج ، بس اخخخ من ابوية لازم تجيبها لبيتك ميصير العالم تاكل وجوهنا ،
يابة شعلينا بالناس
لا ميصير لازم تجيبها .
كل هالحجي واني مدنكة ومكان وكعتي
رفعت عيني وكتلة .
_تدري اذا وكعت حيل جان خسرت طفلي بسببك .
اهنا هو سكت وضل مصدوم ومستغرب .
_لتباوع هيج اهنا واشرت على بطني
اهنا طفلك مدري طفلتك جان راح بسبب دفعتك اللي .
دنج عليه _صدك حامل،يعني راح اصير اب .
هزيت راسي . باس راسي وحضني حيل ._اسف ،اسف عمري معرفت والله اسف .
مجاوبته لان اصلا ماالي طاقة اجاوبة ، ولا عندي طاقة اعترض تأملت يتغير كلت يمكن الطفل يغيرة .
هو حاول يرضيني بالكلام واني بس اهز برآسي الصبح كمت ساعة 6 ونص كلت شعجب مكعدتني عمتي من الفجر .
كمت غسلت وشفت سمية تجهز فطور كلت صباح الخير جاوبت من ورة خشمها
_صباح النور .
رحت للصالة شفت الكل كاعد عمتي عمي وحاتم وفيصل جهالهم الاثنين .
عمي كام باس راسي _مبروك بنتي .
_الله يبارك بيك عمو
عمتي جانت طبيعية واذا هي طبيعية يعني بس عاكدة حواجبهة وكاعدة
كالت من بعيد _مبروك
_الله يبارك بيج عمة ,ولو شلون بركة يجي من وراج كلت بكلبي
فيصل هم باركلي وحاتم بس يوزع ابتسامات ممصدك راح يصير أب اتمنة يتحسن و يترك الشرب.
واني اكول ليش مكعدتني عمتي اول الناس ،اتاري عمي وحاتم ممخليها تكعدني
رحت للمطبخ اجيب الصفرة وافرش .استغربت سمية تشتغل ومتسمع حجي و لا باركتلي مهتميت كملنة الفطور وعمي راح لشغلة وفيصل وياه وحاتم راح يشوف بيتنا بيه عمال ابتسمت من كلت بيتنا .
وسمية لملمت الصفرة وكاتليلي اذا تكدرين غسلي المواعين . هزيت راسي ورحت اغسل ، حيل ارتاحيت عمتي متحجي كاعدة بغرفتها وجهال سمية يكمزون منا ومنا كملت غسل المواعين رحت الاعب الجهال.
جنت اصحك وية مريم بنت فيصل الصغيرة رفعت وجهي صارت عيني بغرفة جميلة قشعر جسمي من الخوف الله يساعدج محد يسئل عنج شسوين شماسوين لا دكتور لا شيخ .
صار بساعة تسعة ونص عجنت لان الغدة سمية تسوي بال11 سويت الخبز كملته صفططتهم ودخلت للبيت الحر يكتل صايرة حمره اجو عمي والولد للبيت صبينة الغدة وكعدنة ناكل من خلصنا رحت لغرفتي تمددت من التعب رغم هذا الشغل نعمة بالنسبة للي شتغلتة ببداية زواجي غفيت ومدريت بنفسي غير لآذا العشاء حيييييل هلكد نمت
حتى المغرب والعصر مصليت كعدت غسلت ورحت صليت
مرت الايام ونفس النمط يتكرر عمتي بعض مرات تبسمر بس اكثر شي ساكتة
وهسة اني اول يوم الي ببيتي وبطني كبران شوي ، فرحانة ادور بالغرف اشوف شلونها ، ابتسامتي مفاركتني يعني راح يصير الي بيت شكد حلو .
اول مفتت للبيت جان اكو مساحة للسيارة ، وراهة بابين باب للمطبخ المتصل بالصالة وباب للاستقبال ، واللي همين متصل على الصالة الصالة شوية طويل اكو بيها باب واحد فتحتها شفت غرفة نوم حلوة مرتبة ويمها باب للحمام ، وبنهايتها درج للطابق الثاني بيها ثلث غرف بس مصبوغة ما ماثثة كلت غرفة اسويها للمخزن والبقية اسدهم .
تفيد للمستقبل .مرت شهور وهسة احنة1998 وهسة بيدي بنوتي الصغيرة دالية اللي عمرها اربعين يوم ،جان يفوت حاتم وبيدة مسواك _نزلت حبيبتي
_هلا حياتي نورت .
نزع بسطالة العسكري وركض ، للغرفة ضحكت عليه ، اول مولدت دالية روحه صارت بيها ، مشبع منها وبسرعة التحق .تنهدت من شلنة للبيت ،ارتاحيت حيل واحس هو هم ارتاح وخصوصا اني جنت حامل . بعض مرات من ينزل بعض ايام يبات ببيت ابوه اعرفه يشرب وميريد يجي حتى مااتعصب احاول اغيره يس يحتاجلة وكت
فجأة سمعت صوت عياط
ركضت للغرفة شهكت _يمة بنتي .
يتبع .........
*********************************************
هلا وغلا احبائي واعزائي
شنو رأيكم بالبارت .النشر راح يكون يومي والموعد من 12 الى 12 ونص
طبعا هسة راح نترك حياة الام وراح نبدي بأبطالنة
ومن هنا بدأت الحكاية......
🌹🌹🌸
أنت تقرأ
صمودي
General Fictionقصة حقيقة لفتاة تعيش في مستنقع الوحوش تسمع لا تتكلم "لربما يكونن في لساني عيبا لكن اهون من عيب القلب " بقلميwarda_jasim✒✒
