صمودي

9

ومن هنا بدة معاناة امي وابوي ينتظرون بفارغ الصبر تشفى جمان ، حتى احنا من شفنا الجو المتوتر والقلق بالبيت كل وحدة لزمت زاوية . وجانت جمان تكوم تتلوى من الالم واستمرت عالمسكنات اللي بس تنومها اجت المدارس وعدت الاول ، وكل وحدة من خواتي لازمة كتابها بس جمان بعدهي واخذت اجازة من المدرسة والمديرة تعاطفت وية حالها .

بس جان اللي متوقعناه هي حمل ماما ، وهالمرة جان بابا وياهة متركها لان جدي كال شفت بالحلم ومدري شنو .

واجة ساعة ولادة امي ونور اخوي وسندي اللي كل الناس عافوني وتنمروا عليي الا اهو .
اجة زين العابدين ونور حياتي ويا .

جان عبارة عن كطنة بيضة جابتة امي عيونة زرك جنة البحر خدود جنها طماطة ، خوب شفايفة جنهة حلك عصفور من صغرها . حملت المسوؤلية عن امي من جابته ، مثلا من يبجي اكعد اسكته والعب وياه وصرت اغذي واشربه من صار عمره سنة اغذي اشربه . خلصت السنة الدراسية ونجحت فرجتي جانت متنوصف وخواتي هم نجحوا وجمان صارت احسن ومثل مكال ابوي صارت تعرج شوي بمشيتها .

استمرت حياتي تمشي بين تنمر ناس وتعيرهم وبين نظرات شفقة ناس وبين عدم نظر الناس لوجهي حتى ميجرحوني .رغم يجرحوني اكثر

(وهسة اخليكم تكملون القصة وية اختي دالية )

************************

هاااي اني دالية

يمكن قل ذكري ومجان عندي حوادث قوية مثل خواتي ، والمدللة كون اني الاخت الجبيرة والكلمتي تمشي وشأريد وشسوي يصير ، والشطورة بالمدرسة والكل يحبني كبار وصغار .
وجنت من المتنمرين بأختي فتووم ارد اكوللها اسفة 😅

حاليا عمري 15 سنة ، يعني جمان صارت 14 وهالفترة جنت مقربة منها وخيرية وامينة جانن11 سنة لان تقريبا بنفس العام صارن واخوي زينوني عمره 5 سنوات وجان متعلق بفتوم حييييلل وصرت اغار عليه منها لان اني الجبيرة ويحبها اكثر مني حتى نوبات من الزمه يبجي وهالشي زاد من تنمري عليهة واعيرها بلسانها رغم نطقها جان شوي احسن من قبل وحتى شكلها صار لونها افتح بعد مجانت مفحمة صارت برونز و عيونها هية كبار يعني صارت احلى من قبل بقاطات بس هيج صارت عادة التنمر عليها وادري ادري هالشي غلط والانسان ممعصوم من الغلط .

هسة نجي عليه اكيد الكاتبة نزلت شبيهتي ووصفتني لذلك ميحتاج احجي جمالي اللي خلى الرايح والجاي بعمر 15 يعترفلي ويخطبوني بس اني ارفض لان احب اكمل دراستي .

بيوم من الايام

امي كالت راح نروح لبيت خوالكم جهزوا غراضكم .
كل وحدة بينا كامت ركض تجهز جنطتها وتحط غراضها لان نادر ما نروح لبيت خوالي .
رحت لامي ركض  جانت بالمطبخ تسوي ريوك ،ساعة بيش نروح يوم ؟ وجم يوم نظل هناك ؟؟.

كالت _ساعة ب2 نطلع ونظل اسبوع هناك لان جانت عطل نصف السنة . رحت جهزت غراضي .
وجمان وياي ونحدد شنلبس وشنتسوك هناك .
جتي خيرية بكفشتها وشعرها الكيرليي _دادااا سويلي شعري الله عليج
_اووووي خيرية وخري مني ماالي واهس.
جنت كاعدة اسوي بملابسي واختار .
جان تعيط
_ماااااا الة هسة تسويلي .
_خب دروحي لو تموتين مااسوي حتى لتعيطين بعد
بجت وراحت على امي
جتي امي ويمها خيرية تبجي .
_ماما ليش متسوين شعرها