الفصل العاشر
من قدري انت
بقلمي نيفين بكر
مراجعه لما حدث ......
وصل قدري المشفي وتوجه في سرعه الي الداخل
وجد ندي تبكي والسائق الذي شحب وجهه عندما راي قدري
قدري بلهفه هي فين وعامله ايه ...
ندي ببكاء مش عارفة لسه ماحدش طمنا
دخل الغرفه التي بها علياء انقبض قلبه عندما راها
الدكتور ..انت مين ...
قدري ..انا انا جوزها هي فيها ايه ...هي ب خير ؟؟
الدكتور مبدأيا عملنالها اشاعة عل المخ وعل راسها الحمد لله مفيش اي نزيف داخلي او كسر بالجمجمة ....
في جرح براسها ودا تم اقتطابه ايدها اليمين فيها شرخ
ورجلها مكسورة الحاله ماتخوفش
قدري ...الحمد لله ثم تابع ..اومال هي نايمه ليه ....
الدكتور...الخبطة في دماغها كانت جامدة وارتطامها عل الارض
فاحنا ادينالها منوم مع المسكن عشان الالم
يعني نومها دا طبيعي ....
ايوة حضرتك ماتقلقش .....
طب انا هقعد معاها هنا ..
اوك بس ي ريت ما تصحيهاش عشان ماتتألمش
حاضر ي دكتور .....
ثم غادر الغرفه
التفت قدري لها وجدها ممددة عل السرير ويلف راسها الشاش الطبي ويدها مربوطه ومعلقه برقبتها
اما قدمها فملفوفه بالجبس للركبه
اعتصر قلبه من الالم عل منظر محبوبته...جلس بجوارها
وهو ممسك بكفه يدها قبلها ثم قال
حبيبتي وحياتك عندي لاندم ال عمل فيكي إكده مش هرحمه
بعد مدة سمع صوتها وهي تتململ بألم
اه انا انا فين .
قدري ..بلهفة ..انا هنا ي حبيبتي معاكي ماتخافيش
علياء ببكاء قدري اه انا تعبانه اوي الالم ف كل حته ف جسمي
قدري طيب اهدي ي حبيبتي هنادي الدكتور حالا
خرج قدري لمناداه الدكتور توجه اولا ل ندي التي كانت ماذالت واقفه تبكي
ممكن تدخلي ليها خليكي معاها انا هنادي الدكتور وجاي
ندي حاضر حاضر ...
اسرعت هي الي الداخل ونادت عل علياء
علياء حبيبتي انتي كويسة
علياء ببكاء ..الحمد لله ي ندي هو ايه ال حصل
ندي ...عربيه خبطتك ووقعتي عل الارض وجبناكي عل هنا بس الحمد لله قدر ولطف
علياء الحمد لله ..قاطعهم صوت رنين الهاتف
ندي ..دااا اسر ...الوو اسر
اسر وقد انتابه شعور بالقلق ...مالك ف ايه بتبكي ليه
ندي ...علياء ي اسر خبطتها عربيه واحنا خارجين من الكليه
طيب اهدي ممكن ..انتوا ف مستشفي اي
ندي ...مستشفي ......
طيب مسافة السكة وجاي ثم اغلق الهاتف قبل ان ترود
دخل عليهم قدري ومعه الدكتور ....
الذي استاذنهم كي يتم فحص علياء مرة اخري
خرج قدري وبقيت ندي والممرضه
بعد الفحص ..الحمد لله كله تمام هتستني معانا النهاردة
وبكرة بأذن الله هتخروجي ...
ندي ...يعني الحمد لله مفيش اي قلق ي دكتور
لا الحمد لله انا هديها منوم مع المسكن هتنام عشان ماتحسش بالالم
ندي شكرا ل حضرتك ي دكتور ..ثم فتح الباب فاقبل عليه قدري ..كيفها دلوقت
الدكتور زي ما قولت للانسه هتبقي معانا النهاردة وان شاء الله هكتبلها عل خروج بكرة بس طبعا مع الراحة التامة
والالتزام بمواعيد الدوا والتغذيه السليمه هتتعافي بأذن الله في اقرب وقت
قدري حاضر ي دكتور ال تشوفوا صح هنعملوا
الدكتور تمام ...ولو حضرتك ممكن ابعتلها ممرضه تديها الحقن والادويه في مواعيدها
لتقاطعة ندي ..لا ي دكتور انا هكون معاها اي حقن او ادويه انا هديهالها ماتقلقش
الدكتور ..طيب استأذن انا
قدري ...مش عوزين نتعبوكي معانا
ندي...لا ابدا لا تعب ولا اي حاجة انا هتصل ب بابا وهعرفه وبعد اذنك انا هكون متواجدة مع علياء الفترة دي احنا كدا كدا خلصنا الامتحنات
قدري ..بامتنان اكيد طبعا تنورينا
هستأذن انا هروح اجيب شنطتي واعرف بابا وجايه تاني عشان هبات معاها هنا
قدري ...لا خليكي انا ال هبات معاها
طب اوك هروح اعرفهم واحضر شنطتي وبكرة بأذن الله من الصبح هبقي معاها
استأذن انا .....
اتفضلي ...
توجه قدري للسائق ..ماشوفتش مين ال عمالها
لا جنابك العربيه كانت متفيمه وكمان جت فاجئه ومحدش عرف ياخد الرقم او يشوف السواق
طيب لما نشوف التحقيق هيوصل لايه ....
💦💦💦💦💦💦💦💦💦💦💦💦💦
بخارج المشفي كانت ندي واقفه
جاء عليها اسر ....ندي علياء عامله اي دلوقت
ندي الحمد لله احسن الدكتور طمنا
اسر ...طب الحمد لله انتي واقفة كدا ليه
ندي ..انا كنت رايحة البيت اعرف بابا اني هبات كام يوم مع علياء لحد كورس الحقن والعلاج ما يخلص ...
اسر...طيب تعالي لما اوصلك ...
ندي... لا مش هينفع ...
اسر ....هو ايه ال مش هينفع تعالي بقولك ..
ندي ..عربيتي عند باب الكليه هاخد تاكسي يوديني لهناك
اسر ..تاكسي !!!
ندي ..ايوة
بدون اي مقدمات سحبها اسر من يدها ووفتح باب السيارة ودفعها برفق
ي اسر كدا ...
هووووس ...
ركب السياره وانطلق بها وهم بالطريق ...
اسر ...كورس العلاج دا كام يوم
ندي حوالي اسبوع
اسر طيب ..في اي وقت تتصلي بيا تطمنيني عليكي
ابتسمت ندي ..حاضر
اسر عندما لمح بسمتها ...مالك مبتسمه كداا ليه
ندي ...لا ابدا ال يشوفك كدا يقول اخويا او ابويا
اسر ...ي سلام وليه مايقولش خطيبك ..حبيبك
ندي ... ي سلام اي خطيبك دي ..
اسر ...انتي تطولي تبقي خطيبتي ...
ندي ..لا ي سيدي مش عوزة اطول
اصلا انتي ماطوليش عشانك اوزعة
ندي باغتياظ ..انا اوزعة ..وانت انت غلس
اسر ..بت اتلمي
ندي ..بته
اسر...ايه بتقولي ايه
ندي ..مابقولش وربعت يدها امام صدرها ....
استمر الصمت بينهم حتي وصلوا امام الكليه
همت بفتح الباب اوقفها صوته ...
استني ...انا كنت عاوز ااقولك حاجة
ندي... حاجة ايه
اسر ..انا هسافر اسكندريه كمان 4 ايام
ندي .. بحزن هتسافر ..تسافر ليه
اسر ...اجازة
ندي ..هتغيب ؟؟
اسر...يعني تقريبا كداا اسبوع
ندي ........
اسر ..ساكته ليه
ندي.. وهقول ايه
تقولي هتوحشني ...ماتغبشي كداا يعني
ندي ..لا مش هتوحشني وغيب براحتك
اسر ..يعني مش فارق ي ندي !!
ندي بارتباك ..اسر ا انت غريب النهاردة
مالك ؟؟
اسر ..لا مفيش تقدري تنزلي وهبقي اتصل بيكي اطمن عليكي دا لو مش هيضايقك
ندي بابتسامة رقيقة ...لا طبعا مش هضايق خالص
وسلام بقي
اسر ...سلام ي ندي ....
نزلت هي لتذهب الي سيارتها وتركبها وتنطلق بها الي فيلتها
💦💦💦💦💦💦💦💦💦💦💦
في سراي المنشاويه
فردوس ..ياساتر استر يارب. وهي عامله ايه ي ولدي دلوقت
قدري ...بخير ي حجة بس هتبات النهاردة وبكرة بأذن الله الدكتور هيكتبلها عل خروج
فردوس طيب ي ولدي انا جايه انا واختك
قدري لا مالهوش لزوم ي حجة هي كدا كدا واخدة منوم ونايمه مش بتفوق الي دقايق وبترجع تنام تاني
ي ولدي ما يصحش اسيبها اكده
ي حجة والله لو كان ليها عازة مجيتك كنت قولتلك تعالي
هتيجي عل الفاضي
فردوس ...حاضر ي ولدي ربنا يطمن قلبك عليها
اللهم امين سلام عليكم
و عليكم السلام ورحمة الله وبركاته
وما ان اغلقت الهاتف حتي اسرعت بالنداء عل ابنتها
حنين ..ي بت ي حنين
جاءت اليها مسرعة
خير ي اما في ايه
الحقي مرت اخوكي ضربتها عربيه وهي في المستشفي
حنين ... ي حبيبتي وهي عامله ايه ي اما جرالها حاجة
لا قدري بطمني بس اني كنت عوزة اكون معاهم
همي البسي بسرعة انا لازم اكون معاهم مايصحش
حاضر ي اما ثواني وهكون جاهزة
صعدت الحجة فردوس وذهبت لتغير ملابسه وهي تدعو...
اللهم لطفك في قضاءك وقدرك.....
💢💢💢💢💢💢💢💢💢💢💢
في سراي العزايزة
انتفض عسران عندما علم بامر ابنه اخيه وتوجه بالنداء ل
مرعي وفواز الذين ما ان علموا حتي توجهوا مباشره الي المشفي ...
بعد دقائق كان عسران واخوته امام المشفي اللذين اسرعوا بالدخول والسؤال عن غرفه علياء
وجدو قدري وخالد امام الغرفه توجهه اليه
عسران ...حصل ايه ي قدري بيه علياء حصلها ايه
قدري ..الحمد لله هي كويسة بس في كسور بسيطة والحمد لله قدر ولطف ...
عسران الحمد لله ....
مرعي وهو يتصنع الحزن ...وماعرفتش مين ال عملها ي قدري بيه
قدري ...لا لسة رئيس المباحث كان معاي وخد منها كام سؤال
مرعي ...ال عمالها مش هنسبوا
يقاطعة قدري بصرامة ...علياء مرتي تخصني ال اتعدي عليها اتعدي علي يعني حفر قبره بيده بس اعرفوا
وقسما بالله لا اندمه عل اليوم ال اتخلق فيه
فواز ...اكيد ي قدري بيه مرعي ما يقصدش حاجة
الحكايه واحدة وزي ما علياء تخصك تخصنا بردك
هي في الاول بتنا لحمنا ودمنا
قدري ...معلوم ي فواز بيه ...
قاطعهم صوت الحجة فردوس ..قدري ي ولدي هي فينها علياء
بردك ي حجة جيتي مش جلتلك خليكي
كيف ي ولدي اسيبك انت وهي اكده
تعالي ي حجة ادخليلها
دخلت الحجة فردوس لغرفة علياء وكانت تتبعها حنين
التي كانت تسترق النظرات ل خالد الواقف بعيد عنهم ...
انهمرت الدموع من عين الحجة فردوس عندما طالعت علياء وهي غارقة في النوم واثار الاجهاد عليها ومظهرها
الذي اعتصر له قلبها ...
ي حبيبتي ي بتي ...ربنا يجازي ال كان السبب
اما حنين فشهقت عندما راتها وانسدلت الدموع بغزارة من عينيها ....
ي قلبي ي عليا من عمل فيكي كدا ..
يارب يشفيكي يااارب ي حبيبتي
دخلت الممرضة فوجدتهم ...من فضلكم بلاش ازعاج
فردوس ..هي كويسة ي بتي
الممرضة ..والله كويسة الحمد لله اطمني ...
هي فاقت واتكلمت يعني
ايوة والله هي بس نايمه من المخدر ماتقلكوش
هي هتخروج بكرة بأذن الله
فردوس...بأذن الله
الممرضة.. معلش هستأذنكم بالخروج دلوقت
فردوس... طيب هنقعد معاها شوي
الممرضة...معلش ي حجة كدا هتقلق و هيبقي فيها تعب عليها
حنين ...خلاص ي اما تعالي نطلع هي نايمه وجودك مالهوش عازة
فردوس حاضر ي بتي ...
ثم همو بالخروج لعند قدري
قدري ..مش قولتلك ي حجة ...بس انتي ماسمعتيش كلامي
معلش ي ولدي .البنت يتيمه ومالهاش حد
يقاطعها عسران ...ماتواخذنيش. ي ستنا واحنا روحنا فين
الحجة...ماقصديش والله ...
لا ي حجة انتي عل دماغنا ...
الحجة..تسلم وتعيش انا ال ااقصده انها يتيمه الام وانا وربي يعلم حبيتها كيف حنين ربنا يشفي عنها ويحفظها يااارب
توجه قدري بالكلام يلا ي حجة عشان ترجعوا اديكوا اطمنتوا عليها
حاضر ي ولدي ...
ثم نادي هل خالد ... ي خالد
خالد..ايوة ي قدري
قدري...معلش وصل الحجة وحنين للسراي
فردوس ..لا بلاش نتعبوه احنا هنرجعوا مع السواق
يقاطعها خالد ..لا طبعا مفيش تعب تعالوا اتفضلوا
بالاذن احنا ي ولدي والقت عل اعمام علياء السلام وغادرت
كان طوال الطريق يسترق النظرات عل تلك الجالسه بالخلف وهي ايضا ولكن لم ينتبه لنظراتها ولا حتي هي
حتي اوصلهم وتركهم وغادر ......
💦💦💦💦💦💦💦💦💦💦💦💦💦
في بيت الطرشنا ...
هانم...والله عفارم عليك ي واد ابوي
جابر...مش قولتلك اصبري
بس ماتعرفش حالتها عامله كيف
لاه مش هينفع نسال عشان محدش يشك فينا
طيب خلاص وانا بقي هبين قد ايه لهفتي عليها وهبكي واولول
لاه ولا إكده بردك ...انتي تخليكي طبيعيه زي ما بتعامليها
فاااهمة ي هانم
فاهمة فاهمة .هقوم اني عشان اعرف حصل ايه وهبقي ابلغك اول باول..
وبعد ان غادرت جاءت الخادمة ..
مرعي بيه بيستأذن جنابك
دخليه بسرعة
مرعي ...السلام عليكم
جابر ..وعليكم السلام هااا ايه ال حصل
مرعي ...زي القطط بسبع ترواح اتكسرت بس
جابر يبقي نكملوا باقي الخطة
مرعي عبد الرحمن جاي كمان يومين هو قالي
تمام يبقي زي مااتفقنا
المهم كنت عاوزك في موضوع اكده
مرعي ...قول
جابر ..كنت عاوز اطلب يد بتك لابني
مرعي ....
ها مارديتش يعني مش موافق ولا ايه
مرعي... لاه الحكايه مش اكده انا كنت عارف ان ابنك كان عاوز بنت اختك
جابر...ايوة انا ال طلبتها اكتر من مرة بس البت مش عاوزة تتجوز ولا حتي الواد كان عاوزها
مرعي ....طيب هشور عل البت وامها
خد وقتك...
مرعي ...البيه الكبير كلمني وبيقول في شغل جديد هنفتح عليه وبيقولك حضر الرجاله عشان نبدأو
جابر ...علي خيره الله ماشي شوف هنبدأو امتي وبلغني
مرعي... ماشي اول ما يدينا الاوامر هنتحرك
استأذن اني سلام عليكوو
وعليكو السلام ورحمه الله وبركاته.....
💦💦💦💦💦💦💦💦💦💦💦💦
في صباح اليوم التالي كانت تستعد علياء لمغادرة المشفي
كان معها قدري وندي وحنين وزوجات اعممها هنيه وصباح
لم تستطع السير فقام قدري بحملها كي يغادر المشفي
علياء بهمس قدري نزلني انا مكسوفه
قدري ..مكسوفه من ايه وبعدين انتي ماقدراش تمشي اسيبك كيف اني
طيب نزلني و هسند عليك الناس بتبصلنا
قدري هووووش ملوش عازة الكلام مش هنزلك
واعملي حسابك مش هتتحركي خطوة واحدة الا لما تخفي خالص
دفنت راسها بعنقه بقله حيله يكفيها خجلها من نظرات الناس وهو حاملها ..سار بها حتي وضعها بداخل السيارة
وركبت ندي سيارتها ومعها حنين اما زوجات عمها كانت مع علياء بسيارة قدري
وانطلقوا للسراي......
💦💦💦💦💦💦💦💦💦💦💦💦
ف بيت العزايزة ...
مرعي ...وانتي ما روحتيش معاهم ليه
رسميه ..هنخروج كلنا ونسيبوا السراي لحالها
كنتي روحتي معاهم عشان المنظر بس
رسميه...مهما راحو وعملوا الواجب وبعدين كل ما بشوفها في العز ال هي فيه ببقي مفروسه وبتمني بتي هي ال كانت مكانها
مرعي ...نصيب ي رسميه كت عاوز اقولك جابر عاوز بتنا لولده وانا شايفه مناسب
رسميه...بس البت ممكن ما توافق
يضرب مرعي عل الارض بعصاه ويهب واقف
بجولك انتي وبتك انا ببلغكو وبس يعني تعملي حسابكوا مش اكتر ...
رسميه..حاضر حاضر ي خوي وانا قولت ايه بس
في حاجة كده وانت في الحمام عبد الرحمن اخو عليا اتصل رديت اني بيقولك اتصل عليه ضروري
مرعي....طيب هتصل وزي ماقولتلك هبلغ جابر ال انا موافق
رسميه...حاضر وحد ليه قول بعد كلامك ......
💢💢💢💢💢💢💢💢💢💢
ذهب مرعي لبيت جابر كي يخبره بموافقته عل زواج ابنته من ابنه
جابر ...ربنا يتمم بالف خير ي مرعي
مرعي ان شاء الله قبل ماانسي عبد الرحمن اتصل
وقال انه هيتاخر في نزول البلد اسبوع كمان
جابر ...ماانا عارف انا ال اخرته
مرعي ...كيف ده
جابر مش هو اتصل وجالك ان شقته اتعرضت للسرقه وهو هيتاخر عشان يشوف التحقيق
مرعي ..ايوة حصل هو قال إكده صح
جابر ...مهو اني ال بعتله الناس تسرق شقته وتبهدلها
مرعي ...ليه كل دااا
جابر ...عشان الترتيب ال بنرتبوا يمشي زي ماانا عاوز
مرعي ...انا مش فاهم حاجة
جابر ...انا هقولك بس بعد ما نقابل الرجل الكبير في المكان اياه
مرعي هنجبلوه ميتي .
جابر ...دلوقت يا دوبك نروح هناك مش عاوزه يوصل قبلنا
مرعي ...ماشي يلا .......وذهبا لمقابله الرجل الكبير
............
بعد وقت وصلوا للمكان المتفق عليه
مرعي ...البيه الكبير لسه ماوصلش
جابر....زمانه عل وصول
وما من ثوان حتي وصلت سيارته
اسرع كلا من مرعي وجابر اليه
اهلا ي باشا اتفضل
نزل بهيبته وتقدم منهم حتي دخلوا بداخل شئ يشبه الكهف في هيئته من الخارج ولكنه مفروش بافخم الاثاث من الداخل فهو المكان الذي يتم فيه الاتفاق عل اي عمل جديد.....
الرجل الكبير ....مرعي انت وجابر جهزوا الرجاله الحفر هيبداء من دلوقتي المشتري كلمني واتفق معايا عل معاد التسليم وادانا مهله اسبوعين
مرعي ...حاضر جنابك كله هيبقي تمام في المعاد مظبوط
الرجل الكبير....ابن اخوك مش هيرجع قبل ١٠ ايام عاوز كل حاجة تتم في سرعة
مرعي ...هو جنابك عندك علم ؟؟
جابر ..طبعا جناب البيه هو اللي دبر كل حاجة
حادثه العربيه وسرقه شقه عبد الرحمن
الراجل الكبير ...لازم ادمرهم زي ماابوهم دمرني زمان وخطف مني الست الوحيدة اللي حبيتها دااا غير انه كان السبب في كشف شغلنا ل حربي المنشاوي..
مرعي ..ال حصل فيه مش شويه بردك جنابك
انه يبقي مطرود من بلده ويبقي متهم في قضيه قتل
مالهوش يد فيها .....
الرجل الكبير .....زعلان عليه ولا ايه .؟؟؟
مرعي.... لاه طبعا ماكنتش ساعدتكم انت عارف جنابك
كرهي ليه قد ايه .....
جابر ....اكيد ي مرعي المصلحة واحده ولو ماكناش جتلنا
حربي جوز اختي هانم كان كلنا دلوقت في السجن
الرجل الكبير ...قفلوا عل الكلام دااا وكل واحد عارف هيعمل اي مش عاوز غلطه
مرعي وجابر حاضر جنابك .....
جابر ...هنبداء في موضوع علياء امتي ....
الرجل الكبير .....مش هنعمل اي حاجة في موضوع علياء غير لما بنتي تروح من هناك
وقف الرجل الكبير الذي لم يكن سوي كامل الحديدي والد ندي .........
❤❤❤❤❤❤❤❤❤❤❤❤❤❤
خلص الفصل ي عسولات
رايكوو بقي ايه وايه توقعاتكووو ف ال جاي
love you 💕💕💕💕
