بشكر الناس الجميله بجد اللي بتقدرني
وبتصوت او بتتفاعل معايا وبتقول رايها
ياريت التصويت قبل القراءة من فضلكم
🌷🌷🌷🌷🌷🌷🌷🌷🌷
الفصل الثامن والعشرون
من قدري انت
بقلمي نيفين بكر
#تعلم ان تقدر ما تملك حتي لا تجبر عل ان تقدر ما كنت تملك ... #
ذهب قدري لسرايه العزايزة
القي التحيه
عسران ...اهلا ي قدري بيه اتفضل
قدري وهو يتنحنح ...يذيد فضلك ي عسران بيه اني كنت جاي عشان اخد عليا وارجعها بيتها ....
عسران ...بيتها انهي ي قدري بييه ؟؟
قدري ..السراي هيكون اييه
عسران ...بت اخوي مش هترجع المكان اللي اتهانت فيه تاني ....
قدري وهو يتنفض ...تقصد ايه ي عسران بيه
عسران ..اللي فهمته ي قدري بييه علياء مش عاوزة ترجع تاني
قدري ..اني عاوز اتكلم معاها وهستسمحها اني فعلا غلط في حقها وجاي عشان اصلح الغلط ده واللي هي عوزاه اني هعمله ....
عسران ضاحكا بسخريه ..للاسف حتي دي هي حرمتك منيها
قدري مستفهما ...تقصد اييه
عسران ..علياء مشت من اهنه وودعت كل حاجة وراها
قدري بغضب ...مشيت كيف ده وراحت فين
عسران مشيت يعني رحلت من اهنه ودعت عذابها وقله الكرامه
قدري ..كيف تمشي من غير اذني دي مرتي
ولما هي كانت مرتك ليه ما حفظتش عليها ليه ما جبتلهاش حقها ليه ي قدري بييه
قدري صارخا بغضب ....قولت هجيبه اني عرفت كل حاجة وجاي استسمحها وارجعها ...
عسران . عرفت متأخر قوي .....للاسف جيت بعد فوات الاوان
مفيش حاجة اسمها بعد فوات الاوان هي فين واني اكلمها
عسران ..ماخبرش
قدري ...كيف ده ماخبرش عليا فين ي عسران بييه
عسران ...اللي عندي قولته واني مااعرفش مكانها
واللي هي قالته قولتهولك هي مش راجعه إهنه تاني ...
قدري صارخا ...لاه عليا مرتي وهترجع حتي لو راحت اخر الدنيا سامع ي عسران بييه لو راحت لاخر الدنيا..
وتركه وغادر في غضب ....
تجمع عل صوته في صحن السراي كل من فيها
مرعي ..
اييه في ايه هي الحرب قامت ولا ايه
عسران ..دا قدري بييه اللي كان بيزعق ....
كان اهنه بيعمل اييه وليه الصراخ ده
عسران كان جاي ياخد مرته
مرعي ما تغور وانت باجي عليها في اييه وهي مافيهاش منفعه دي حتي الارض تحت يده
عسران ...كل اللي همك الارض والورث مش إكده
احب اطمنك انت ومرتك علياء مشت من إهنه ومهياش راجعة تاني
وخليك في كرهك وغلك لما يخلصوو عليك
مرعي... راحت فين دي والارض والفلوس هنسيبهم في ايد الغريب
عسران ..لاه في ايد جوزها ولو جدع روح خدهم منيه
مرعي ..وهو يتأكل في غيظ
اني خارج عشان مااسمعش كلامك اللي فور الدم ده
عسران ...بالسلامة ي خوي .....
🌷🌷🌷🌷🌷🌷🌷🌷🌷🌷🌷🌷
في بيت جابر
ظل حال زاهر وهنا كما هو ليل ونهار شجار هو لا يستمع اليها
اما هي فقد فاض بها منه فهو لا يتعامل الا بالاساءه اليها او بالسب والضرب
هنا ..اني عوزة اروح عند ابوي اقعدلي يومين
زاهر ..لاه مفيش مرواح في اي مكان
هنا ...زاهر اني مخنوقه وعوزة اروح اقعد مع امي
زاهر اها عشان تشتكيلها مش اكده
هنا. .لاه ي زاهر اني بس عوزة ابعد شويه بدال مااحنا كل شويه في نقار
زاهر....قلت لاه يعني لاه
هنا ..زاهر اني رايحة حتي لو قولت لاه
هدر زاهر بغضب...يعني هتكسري كلمتي
هنا بتحدي ..ايوة هكسرها ي زاهر بدال انت ماعندكش الا الضرب والحبسه ايوه هكسرها
نزل بصفعها عل وجهها بقوة فارتمت ارضا ...
هنا وهي تبكي ..مهو داا اللي انت فالح فيه عشان ما تحسش بعجزك
طلقتي ي زاهر اني تعبت من العيشة معاك
زاهر ..اخرسي بدل ماادفنك مكانك ي بنت الكلب
ومش هطلقك وحسك ده لو اتفتح ماتلوميش الا نفسك
سااااامعه
هنا بصراخ ...لاه مش سامعه ي زاهر واني هقول لاهلك ولاهلي يشوفوا معاك حل عشان العيشه دي ماترضيش ربنا
زاهر وهو يهجم عليها .. هتقوليلهم اييه .هتقوليلهم اني عاجز واني مش راجل اني راجل غصب عنك وعن اهلك
كان يقول كلامه هذا وهو يضغط علي عنقها
كانت تقاومه وتحاول ان تتملص منه لكنه تمكن منها
ظل يهدر بالالفاظ والسباب وهو علي حالته...
لم يفق لنفسه الا وهي تكف عن مقاومته وقد ارتخي جسدها كله .....
نظر لها وجدها قد تحول لونها للون الازرق ولا تتحرق
انزلها اارضآ وجلس بجوارها ...
زاهر بيد مرتعشه وهو يخبطها عل وجهها ...
هنا هنا قومي ما تمثليش علي هناااا
وضع يده الاثنين علي راسه وظل يلطم بها
يانهار اسود هعمل اييه في المصيبه دي
حملها من علي الارض ووضعها علي الفراش
ونزل لوالده مسرعا .....
جابر الذي لم يعلم بهروب ابنته زينب بعد ....
زاهر ..الحقني ي بوي ...
جابر ..في ايه مال وشك مخطوف اكده
اني اني ...
جابر . انت اييه انطق ....
زاهر كنت شديت مع هنا في الكلام بس مكانش قصدي
والله ما كان قصدي يا بوي .......
جابر بقلق ..قصدك ايه ما تنطق
زاهر بتلجلج ...هنا ي بوي هنا ماتت
انتفض جابر من مكانه بفزع ..اييه ماتت ماتت كيف
زاهر ...اني كنت بتخانق معاها وو
جابر....وايه انطق ....
زاهر ...ماكانش قاصدي ي بوي اني كنت متعصب وهي غلتطت فيا وطولت لسانها علي ...
هي فين
فوق في اوضتها
تعالي معاي
صعد لغرفته وجدها عل الفراش ااقترب منها وتحسس نبضها
جابر عندما وجدها قد فارقت الحياه
اعمل ايه ي ربي في المصيبه اللي انت عملتها دي
ابوها لو عرف هيقلب الدنيا وهتروح في داهيه
زاهر ...هربني ي بوي واني هسافر برة البلد
جابر ....والمصيبه دي هنعملوا فيها اييه ....
زاهر ...نرموها في اي حته ونقولوا انها خرجت ومانعرفش راحت فين
جابر ...لا اقفل الباب عليها كويس وتعالي ننزلوا المكتب. ...
نزل بعد ما نفذ كلام والده ....
اني رايح ل كامل بييه وهنشوف معاه حل ما تقلقش كامل بيه دماغه توزن بلد
حاضر ي بوي
جابر ..انت تقفل بالمفتاح عليها عشان محدش يكتشف حاجة وتعالي معاي
حاضر ي بوي ونفذ ما قاله له والده وذهب ل فيلا كامل الحديدي
الذي ما ان حكي له عما فعله ولده
كامل .اييه .قتلها انت بتستعبط ي جابر ....
جابر ..هو مكانش قصده هو كان بيتعارك وياها وجت إكده
انا جايلك تنجدنا مرعي لو عرف هيطربقها فوق دمغتنا
داا غبي ودي بته الوحيده
كامل ...اهدي بس وخليني اعرف افكر
حاضر ي كامل بييه حاضر
بعد مده من التفكير ..
كامل بشر هامس ....اللي هقولك عليه تعمله فورا ...
ابنك هيروح ويغيرلها هدومها وهيلبسها قميص عريان ...
جابر .ليه ليه ي كامل بييه
اسمع الكلام من غير اي سؤال وتعمله في الحال ..سااااامع
جابر .. حاضر حاضر ي كامل بييه
ثم تابع كامل . لجابر .انت هتدي فلوس لواحد من الغفر وتوجه بالكلام ل زاهر وقال ....هتقول انه كان معاها فوق وانت لما لقيتها في وضع مخل
الدم هرب منك وماعرفتش بتعمل اييه قتلتها ....
انت مش هتاخد فيها حاجة وابوها كمان مش هيعرف يفتح بوقه معاك ...
زاهر ..بس ي ي كامل بيبه
ليهدر جابر بغضب ... اسمع كلام كامل بييه ولا انت عندك استعداد تتعدم ...
وضع زاهر يده فوق عنقه وهو يقول ...لاه ي بوي اعدام لاه
جابر بصرامة ..يبقي تنفذ دلوقت في الحال ...
واني هشوف حد زي ما قال كامل بييه وهنتصل بعدها بالحكومة
زاهر ..الي تشوفوا ي بوي اهم حاجة اني مااتعدمش .....
🌷🌷🌷🌷🌷🌷🌷🌷🌷🌷🌷🌷🌷🌷
ذهبت صابرين لبيت خالها جابر فلم تجده فتوجهت لقسم الشرطة وطلبت من اسر بان يسمح لها برؤيه والدتها
صابرين ...اكده ي اما عجبك اللي انتي فيه دلوقت
هانم ..واني كنت بعمل كل ده لييه مش عشانك
انتي واخوكي
صابرين ببكاء ..عشاني احب ااقولك اني اطلقت من قدري
واخوي اللي كنتي بتعملي عشانه مش لقينه
عجبك إكده ضيعتي حالك وضيعتيني معاكي
لتصرخ هانم ..اييه طلقك كيف دااا وامتي طلقك اني لازم اخليه يرجع تاني انتي لازم تبقي ست الدار والبلد كلها
واني كلمتي لازم تتسمع زي الحجة فردوس بالظبط
صابرين ببكاء ..احلمي احلمي ي اما واديكي صحيتي عل كابوس اني مطلقه وهاشم ضايع وانتي اترميتي في السجن
لتصرخ هانم بهستريا ...لاه لاه مش كابوس اني ما بحلمش
كل حاجة هتتصلح قولي بس ل قدري يخرجني من اهنه
وكل حاجة هتتصلح
صابرين ..اهدي ي اما اهدي
لاه مش ههداي انتي تعملي اللي بقولك عليه .
وروحي لخالك وقوليلوا يطلعني من اهنه والا هقول علي كل حاجة ....
صابرين ...حاجة اييه
لتهدر هانم ..اعملي اللي قولتلك عليه يلا بسرعة
صابرين ..اني لسه جايه من عند خالي وهو ماكنش في بيته
هانم ..روحيله تاني وتالت وعاشر لازما يخرجني من إهنه
صابرين .حاضر ي اما هروحله تاني .....
🌷🌷🌷🌷🌷🌷🌷🌷🌷🌷🌷
رجع قدري علي السرايا واتصل علي خالد كي يخبره بسفره الي القاهرة فاتي له عل الفور ....
فهو متوقع بانها رجعت لدارها هناك حيث كانت تسكن هي واخيها
خالد ...في حاجة انت ناسيها
قدري ...حاجت اييه دي
خالد ..لو كانت سافرت يبقي حولت ورقها لاي جامعه
قدري ..واحنا هنعرفوها ازاي دي
خالد ماتقلقش ..انا ليا اتصالاتي
قدري ...طيب اتصل حالا
اتصل خالد ب عميد الكليه الذي اخبره بانها قد سحبت اوراقها
اذا عمها صادق وهي غادرت
اغلق خالد الهاتف ووجه الكلام ل قدري
هي فعلا سحبت ورقها من الجامعه هنا
قدري ..ما تعرفش حولته فين
خالد ...لاء
قدري اني نازل القاهرة وهبيت هناك عشان اروح الجامعه واسال لو كانت نقلته هناك
خالد ...طب لو هي مش بالقاهرة هتعمل اييه
هسافر اسكندريه ولو ماكنش هناك هسافر المنصوره
هسافر اخر الدنيا ي خالد عشان الاقيها واراضيها وارجعها
خالد مستفهما حالته ...اهدي ي قدري اهدي ي صاحبي
قدري ...خايف مالقيهاش وتضيع مني
خالد.... لا ان شاء الله وحد الله كدااا و استبشر خير
قدري.... لا اله الا الله
رجعت صابرين بعد ان غادر فذهبت الي بيت خالها جابر
🌷🌷🌷🌷🌷🌷🌷🌷🌷🌷🌷🌷
في بيت جابر كانت عربات الشرطة والاسعاف
تقف امام الدار
وبعض النسوه التي تلتحي بالسواد والكثير من الرجال
اسر ل جابر ...احنا هناخده معانا عشان هيتعرض عل النيابه
جابر ..بس داا كان بيدافع عن شرفه ي اسر بييه وهو اللي مسلم نفسه ي اسر بييه
اسر ..لازم يجي معانا وتمشي الاجراءت
قطع كلامه دخول مرعي كالاعصار هو ورسميه وعسران وهنيه وفواز وزوجته صباح
مرعي ...بتي حصل ايه فيها ي جابر
الحكومة بلغتنا اننا نيجي عل اهنه
جابر وهو يربط عل كتفه ...اهدي ي مرعي ي خويا انت مؤمن وموحد الله
رسميه عندما سمعت كلماته بصراااخ ...بتي هنا فيها اييه
واييه الاسعاف ده والحكومة لييه
جابر ..البقاء لله ي ام هنا
صرخت هي وكلا من معها
عاوزة اشوفها بتي وديني عند بتي ي مرعي
اسر ...ممنوع ي هانم لما الطب الشرعي يجووو
مرعي طب شرعي لييه هو حصل ايه ؟؟
اسر ....تعالي معايا ي مرعي بيه انت وجابر
وكان تحفظ من قبل علي زاهر الذين اخذوه
مرعي ...اجي معاك عل فين وايه اللي حصل
ثم قال بصراح ...حد يقهمنا في اييه ؟؟؟
جابر ..مش هينفع إهنه ي مرعي كفيانا فضايح
عسران والذي كان مصدوم ...فضايح اييه ي جابر
اني عوزك تفهمنا اييه اللي حصل والا الدنيا هتجلب حريقه وماهتعرفوش تتطفوها ....
جابر ....بتكم خاطيه وولدي ردلكم شرفكم
عسران وهو يهجم علي جابر ...قطع لسانك اكتم حسك لهجيب خبرك
رسميه ...بتي ااااه ي بتي اااه ي حرقه قلبي عليكي ي حبيبتي
مرعي وهو يبكي ...اني عاوز اعرف الحقيقة ي حضرة الظابط
وايه الكلام اللي جابر بيقوله ده
اسر ...زاهر قتل مراته وفي غفير بيقول انه عاشقها مسكهم مع بعض في وضع مخل
الغفير اتحفظ عليه لكن هي ماقدرش يمسك اعصابه عليها
هنا وقعت رسميه ارضا
عسران بغضب ...اني عاوز احضر التحقيق ي اسر بييه
واني بتهم زاهر وجابر بقتل بت اخوي
جابر ...ماقتلنهاش بتكم تستاهل الحرق
هجم مرعي علي جابر وقال .....قتلت بتي ي جابر اني لازم احرق قلبك علي ولدك زي ما قتل بتي وحرق قلبي عليها
فض اسر وقوات من الشرطة ذلك الشجار واتي الاسعاف واخذو جثه هنا وتوجهوا الي المشفي
بعد مده كانوا في المشفي وكان يتم الغسل
كان عسران وفواز ومرعي وبعض من رجال العزايزة
والنساء هناك
حتي تم كشف الطب الشرعي وتم التكفين واخذوها الي مثواها الاخير دفنت في مقابرهم
جاء بعض الرجال للعزاء علي باب المدافن ولكن عسران رفض
عسرا صائحا مفيش عزاا في بت اخوي جبل ما ناخد حقها
وذهب هو وبعض الرجال الي النيابه حيث زاهر وجابر
اما مرعي فقد لجمت الصدمة لسانه
ولم يقوي عل الكلام.........
🌷🌷🌷🌷🌷🌷🌷🌷🌷🌷🌷🌷
في اليوم التالي كان قدري في القاهره
ذهب لبيتها القديم وسال بعض الجيران عنها
ولكن لم يحصل عل اجابه
ذهب ايضا لكليتها فلم يجد لها اوراق هناك
ظل يبحث عنها هنا وهناك ولكن دون جدوي
اتصل عليه خالد الذي خبره بموت بنت مرعي وحبس زاهر
فحضر نفسه للرجوع مرة اخري للصعيد ......
🌷🌷🌷🌷🌷🌷🌷🌷🌷🌷🌷🌷🌷🌷
في سراي النيابه كان يتم التحقيق مع زاهر
والغفير
وكيل النيابه للغفير ..انت بتشتغل فين
الغفير عند جابر بيه ..
وان تعرف المدعوه هنا منين ...
الغفير ماهو ي سعاة البيه هي ساكنه في نفس البيت .
وكيل النيابه ....يعني انت بتعترف ان كان في علاقه بينك وبينها
الغفير ..ايوة ي بيه كانت بتنادي عليا وقت ما زاهر بييه بيكون بره
وكيل النيابه ...وانت كنت بتطلع لها ازاي والبيت فيه ناس
الغفير ...مهو ي سعاه البيه اني كنت بطلعلها بالليل لان زاهر بيييه بيتاخر كتير
لكن اليوم ده زاهر بييه قالي حضرلي العربيه وحضرتهاله
وبعديها هي نادت علي فطلعتلها و بعد ما حصل اللي حصل لقيت زاهر بييه دخل علينا وضربني ونده عل الغفر الباقيه تمسكني ...
وبعدها بمده سمعت ان الحكومة جت قالو وقتها ان زاهر بييه قتل مرته ....
توجه وكيل النيابه بالسؤال ل زاهر
الكلام اللي بيقولوا الغفير دا صح
زاهر ..ايوة ي بييه
وكيل النيابه ....يعني انت لقيت مراتك مع الغفير في وضع مخل
زاهر .... ايوة ي بييه
طرق الباب فكان عسكري يعطيه تقرير الطب الشرعي
وكيل النيابه للغفير ...انت قولت انها مش اول مرة تحصل علاقه بينك وبينها صح .....
الغفير ..ايوة ي بييه
وكيل النيابه ل زاهر ... انت ومراتك كانت علاقتكم ببعض عامله ازاي ....
زاهر بارتباك .....طبيعيه ي بييه زي اي اتنين متجوزين
وكيل النيابه ...تقرير الطب الشرعي بيقول ان هنا مرعي العزايزي لسه عذراء وبكر
يعني كل اللي قولته كدب ثم اكمل ...
النيابه بتوجه ليك الاتهاب بقتل زوجته مع سبق الإصرار والترصد
زاهر صائحا ..يعني اييه هاخد اعدام اني ماكانش قصدي
هي اللي شتمتني وهانتني
قالت علي مش راجل وطلبت الطلاق
والله ي بييه ماكانش قصدي
نادي علي العسكري الذي كبل يده بالكلبشات واخذه خارج
مكتبه
🌷🌷🌷🌷🌷🌷🌷🌷🌷🌷🌷🌷
خرج المحامي و اخبر مرعي وعسران عن تقرير الطب الشرعي وعن سير الاجراءات
مرعي وهو يهجم عل جابر....قتلتوا بتي وكنتوا عاوزين تحطوا راسنا في الطين
اني هقتلك وهحرق قلبك عل ولدك زي ما حرقت قلبي علي بتي .
جابر ...اعقل ي مرعي
مرعي صارخا ..لاه مش هعجل وهخرب بيتك وهقول للنيابه عل كل حاجة ...ققول عل الاثارات وقتل اخوي
مش عسيبك ي جابر مش هسيبك ....
جابر ..اخرس خالص انت باللي بتقوله ده هتودينا كلنا مش اني بس ...
..
مرعي بحاله هستريه ...نروح في داهيه ماعتش باقي علي حاجة خلاص ......
