S.S Bf

Ch - 2

"Coffee i in duh em" ka ngawih vang vang hnu chuan ka zawt a

"Ka duh viau na a, ka kal a hun tawh a nidang ah ni mai rawh se aw. Ka kal phawt ang" a tia a ding a kawngka lam a pan a.  Ka kal ve vat

Kawngkhâr thleng chu ka thlah a, kan en zui vawng vawng kha. A pian te chu a vân nalh tak, mipa tam takin neih an chak ang tak a ni ngei ang

Zânah chuan Tihtur ka hriat em em loh vang in Jimin te inah ka kal ta ringawt a.

Vawiin a ka mipa tawn vel chu ka hrilh malh malh a

"Wow, ka hmu ve chak mange.  Kan Kim Taehyung meuh in hmeltha a tih em em chu tunge niang aw. Min la inhmelhriat tîr ve ang che"

"Nia" ka ti ringawt, Lisa bialpa a ni tih ka hrilh tel lo thung

"Takin keipawh vawiin chu mipa hmeltha deuh ka tawng sin, a pa rap mai. A sual hmel viau na a mahse a cute ka ti rap mai."

"Hmmm, i duh mak thei em mai"

"I zak em" a. Rawn ti vak a

Ka haw peih tawh loh vang chuan Jimin inah chuan ka riak ta daih a.

Jimin hian a in hi luahpui ah min sâwm thin a, duh chu ka duh mahse ka nu in a phal loh vang in ka pa a fuihpawrh a. Khami ṭum a ka ngei zia kha ni mai, a chhiahhlawh a min hman duh vang mai mai lehnghâl. Chhûngkhat nu awmdan hian a awm thlawt lo, a fanu hi a duat over hlur a chuzawng chu ni mai....

Jimin hi a maha inchawm ve ngat a nia, ka ngaisang letling nia. A chhungte hi a  ṭûl te ah lo chuan a tibuai ngai lo. Rim takin hna a thawk a, lehkha zir lam ah lah a hnufual pâwl a ni ngai chuang lo. Engtin chiah nge maw a tih thin ni, ka hriat loh hian a lo bei nasa thei ngawt ang....

A tuk ah chuan Jimin hnathawh na ah ka kal ve a. Kan college atang hla lo te a library ah part time in a thawk ve a. Fel pawh an ti hlawm khawp mai. A fel ve em alawm

Weekend-ah hi chuan a full time in an thawh tîr thung. 

Jimin chuan a tih tur ang ang chu a ti mawlh mawlh a, keichu lo thut tawp ai in  lehkhabu chhiartur ka lo en kual dan dan thung.

Pakhat chuan ka mit a rawn la zar mai. Ka la nghal chat a, ka duh chi anih ngei ka beisei. Romance lam a ni bawk, ngaihnawm dawn hi tiin ka la a.

Ka nu vang hian ka duhzawng te ka bansan phah nual, Love story lam hi a hma chuan ka duh in ka en nasa thei khawp mai, a changtute an inhmangaih na ang hmangaih tu neih ve te chu ka chak ve thei em em, ka dream boy ka lo suangtuah ve fo thin. Mahse ka nu chuan ka thi duhzawng te chu min nuihsawh nan a hmang thin. Ka ngainat zawng te pawh ka tithei lo a, khang hun kha ka nuna hreawm ka tih ber lai a ni ngei ang.

Bansan angin in ngai mah ila ka hmuh leh hian ka la bansan mai loh zia ka hria.

****

Ka lehkhabu lak chu ka keu a ka chhiar deuh malh malh.  A tîr tanna tangin ka duh nghal, a ziaktu hming chu ka en vat a. Kim Namjoon a ni a kum 25 a lo in ti kuau mai, wow a va la naupang em em. Thu leh hla lamah chuan an thlen san hmel khawp mai

"Taehyung... Hey Kim Taehyung....."

Jimin lo kal lai pawh hre miahlo in ka lo chhiar tui ni ngei ang

"Aw enge ka beng a chhet lo nia"

"A chhet niang, koh pawh hre theilo reng reng mai. Enge i lo chhiar ve a"

"Lehkhabu"

"Khawmaw" a tia min lak sak a

"I Need You To Hate Me" hi maw,. Wow Tae hetiang lam te tinge I chhiar daih daih a. Nimin a tang khan em ni romance hi i tui pui tak a. Min fiam pah chuan a ti kher nih chu