S.S Bf

Ch - 15

Jimin p.o.v

Kha mi ni ṭang khan Nithum a liam tawh a awmzia chu Tae hi nithum college a kal tawh lo tihna.. zanah a rukin a ṭap ziah tih ka hria a, heti khawp hian a lo hmangaih chu ni sia. Ka khawngaih mahse tihtheih dang pawh ka nei in ka hrelo. College ah Jungkook chu ka hmu leh zeuh thin a mahse biak theih pawh a nilo hmuh zeuh tak tak ang kha ni mai.

Taehyung hian ka  ngaih a ti ṭha lo, a ṭha em ti a zawh lah hian a ṭhat thu a sawi mai zel bawk a, chuthil chu ka awih loh ber a ni bawk. Nithum chhûng lek pawh hian a mizia a thlâk hman em em mai lehnghal a, a ṭawng tlêm in a che te hi a zawi ngawih ngawih zêl. Thil a ei tlêm bawk si, college kal peih lo mahse a hna lam ah erawh a kal hram hram thung tinge maw a awm man chu min pêk ṭalh a tum le. Ṭûl lo ka tih tehreng nen mahse a duh tlat sia ka sawisel lem lo. A tan ka hmang vek tho ang

Hepa Jungkook pawh hi Tae rilru na takin a siam a, hetia engmah thleng lo ang mai a a awm hi mak ka ti letling zawk. Yoongi chungah pawh ka thinrim engmah min hrilh duh loh vang in hetia Jungkook a awm chhan hi a hria tih ka hre reng... Sawilo tawp rawh se ka la zawngchhuak khawp ang

**********

Vawiin a ka thil hmuh vang Khan ka ngaih a tha lo, khanu hmeli leh Vang bawk kha em ni Jungkook hian Tae hi hetia a tih chhan ni ta ang.

Ka thinrim bawk si nen, in lam ka pan pawh ka kal hlawk hlawk a. Ka so ni ber mai. Amah vanga Tae a tawrh nasat tehreng nen ani ve chu lungngaih a hnek in a ex a lo hmu leh vela maw. A la chaklo ang nge ni a an lo inkawp leh teh tawh zâwk em ni...😠😠😠

In ka haw chu a reh ruih mai, Tae chu a hna ah a kal a nih ka ring ka inthlak sawk sawk a Yoongi min lo call pawh ka reject hmak. Yoongi thleng thleng hian ka ngei vek tawh

Rawng ka bâwl lai vêl chuan Tae chu a lo lût hlawl a, a hmel chu a la dâng em em zui.  Ka va pan hnai vat a

A bul ka thlen chuan a tlu hnawk mai, ka lo man hman hram

A taksa te chu a sa ṭha khawp mai, a khawsik a sâng hle nih hi.

Khumah chuan ka nghat a, tihtur ṭûl ṭûl chu ka ti sawk sawk... Tuilum la vat in puan in a chal ka dep bawk a

Hetiang a nih chuan Jungkook leh Lisa ka hmu tih ka hrilh thei lo ang, ka va khawngaih tâk che em Tae. Hlim hi midang zawng aiin i phu sin tinge tun thleng a hreawm i la tawrh zêl le. Lungngai suh i ṭhianṭha ber hian ka thlahthlam ve hauh lo ang che i bulah ka awm reng ang.

(｡•́︿•̀｡)(｡•́︿•̀｡)(｡•́︿•̀｡)(｡•́︿•̀｡)(｡•́︿•̀｡)

Lisa p.o.v

"Bawihi kha i va hlim hmel ve a" ka nu chuan a rawn ti a

"Hlim tak ka ni, i hria em Nu Jungkook ka nei let leh ṭêp tawh sin" nui var var chuan ka ti a

"Maw a ni maw, a ṭha i neih theih nân chuan i theihtawp chhuah rawh. An hausak zia chu I hriat kha Jeon chhungkaw monu i nih theih chuan engkim i nei ni mai."

"Ni e nu,. Lo lungngai suh khapa Kim Taehyung ve mai mai lakah kha chuan ka chân dâwn lo reng reng" ka ti ve salh a

Jungkook khan Ka dawt sawi a lo awih mai kha amak ka ti zawk. A thin kha rim nghal em em si a, a chhuah hnu ṭang khan Taehyung chu ka chhui reng a ka tum ber chu Jungkook nena an inkar tihchhiat a ni tawp mai, chuan tûnah hian a thleng mek bawk.

Bogum pawh a awm lo ang tih hlauhawm, ka plan min tih awlsam sak tu a ni. Awmlo se chu midang hman te kha ngai ang a, an inṭhian ṭhatna chu keiin ka lo hmang ṭangkai daih a, a fuh phian mai.(Bogum hi Lisa nen an ṭang dun maw in lo ti nge aw, an ṭang dun lo ania. Lisa thil tih vek a ni)