S.S Bf

Ch - 9

Lalpa leh a va han mawi em em ve le..... Tuipui cham dul mai chu ka thlir vang vang a. Ka nu ka ngai takzet, tuipui kam a kal kan chak theih zia kha. Kan suangtuah dun fo ṭhin kha nia, kan awmna in a hlat vang khan kan kal thei ngai lo. Ka len deuh huna hruai kha ka tum ani thin mahse ka hruai hman ta lo chu nia... Ka mittui a tling puau mai

Ka kawngah chuan Jungkook chuan min rawn kuah a

"A mawi a ni tiraw Tae" a. Tih chuan ka bu nghauh nghauh a

"I mawi daih zawk" a tia,. Ka nghawng ah chuan a fawp zeuh a. Ka lo mur chuai mai

Kan pahnih chuan kan ding dûn reng....

Ka mittui chu ka hru zeuh a,

"Tae i ṭap a mi, tinge a"

"JungKook ka nu ka ngai takzet.... tuipui kam a kal kha a chak ve thei sin. Tinge min kalsan hma em em le, a tello chuan ka hlim lo sin, hetiang zawng zawng tuar tur hian min duh bik miah lo ang min kalsan hma lo se chu hlim takin kan awm awm sia... Ka ngai takzet a ni" ka tia ka mittui a tla zawih zawih bawk

"Shh shhh a tawk a tawk e.. ṭap tawh suh le Tae i ṭah chuan hreawm ka ti nia. I nu chuan he khawvel ṭang hian kalsan che mahse i kiangah a awm ve reng ang tunah pawh hian chu chu I hria tiraw. Tuna ṭang chuan eng hreawm mah i tawrh ka phal tawh ngai lo ang, ka venghim tlat ang che. " Jungkook min hnem na chuan min ti hahdam suai suai thei, min kuah vang vang a ka hreawm tawrh na te pawh an reh duak mai in ka hria...

Jungkook nen chuan hun nuam tak kan hmang dun a... Ka hlim takzet a ni, a nui hmel cute lutuk hi a va han inhmeh chiang tak. He a nui hmel hian min ti tuiral zawih zawih in ka hria, midang bulah chuan nui tam vak lo se a ṭha ang

"Tae engkim vangin i chungah ka lawm e"

"Engvângin nge lawmthu i sawi a, keimah zawk hi sawi tûr lawm ka nih. Awmlo la chu engtin nge ka awm ang le" ka ti a

"Awmlo i lang chuan khapa kha i ngaihtuah ang"

"Maithei" ka ti sap a

"Enga, keimah lo chu tumah ngaihtuah phalsak i ni lo nia hre reng rawh" a ti leh hmak

"Ka hria e, chutiang bawkin nangpawh."

"Ka hmuh tirh ni ṭang che khan nang lo chu ka ngaihtuah tawh ngai lo..." A ti leh a

"Lisa nen in awmdun tho lawm"

"Tae kha te chu....."

"Ka sawi mai mai nih kha... Kan hun nuam tak hi Lisa vanga tihchhiat ka phal lo nia" ka ti leh sap

Min rawn kuah a

"Ka duh lutuk che hi ka â thei mai dawn in ka hria"

Jungkook bulah chuan thawveng tak leh hahdam takin ka awm a... In lam rêng ka ngaihtuah  tawh lo

***********

A dar ah chuan ka bei a, ka chhing vang vang tuipui ri te chu ka ngaithla a thli a thaw heuh heuh bawk.

"Tae a tlai tawh sia kan kal tawh mai dawn em ni"

"Dar engzat nge a"

"Dar 4 a pel tawh" a tih chuan ka harh zawk.

"Maw maw,, dar 4 maw. Awiii Jungkook hmanhmawh ang kal vat ka ngai. Ka lo theihnghilh daih mai" ka tia Jungkook pawh ka kai dawr dawr

Chak deuh hlek a khalh tûrin ka ti bawk a...

Jungkook chuan ka buaina neih chu min zâwt sek a mahse engmah ka hrilh lo... Ka kut ka khawih neuh neuh ni mai, engmah sawithei pawh ka ni hrih lo. Ka hmanhmawh lutuk tlat