S.S Bf

Ch - 21

Jungkook nen chuan kan ṭha kaltluang leh ta phian mai, ka hlim takzet bawk

Jungkook pawn Ramdang a a awm duh loh thu a nu leh pa te a hrilh tawh a, mahse hepa hian kan chungchang pawh a lo sawi tel nih chu. "I kal duh loh chhan ṭha tak i sawi ngai ang" tiin a pa in a lo zawt ni awm a. Chuvang chuan kan inkar a lo hrilh ta vek. 

A nu leh pa pawn an fapa neih chhun in mipa a ngaizawng tih an hriat chuan mak an ti khawp mai, mahse engmah an sawi loh danah min pawm a niang chu kan ti a. Keimah ni tâwkah kan hlim ve hle mai ni.

Ramdanga kal tîr chu an la duh tho na in kan Laljungkook bawk hian tun kan exam awm turah hian Mark ṭha tak ka hmu ang tiin a tiam a, a nu leh pa te chuan kan en chhin ang chu an ti ve mai..  an fapa lehkha zir thatchhe em em maiin a zir phah dawn chuan kal luih tîr an tum bik lo a ang ..

Chutia Jungkook lehkha zir a ṭan ta chu keipawh ka lawm khawp mai... Mahse zirdun a ti kher ṭhin leh tawh tunṭum erawh ka hnial lo, a chang chuan zir a har deuh thin na in kan zir ve zel mai... Men te pawh kan meng rei thei khawp.

Jungkook nena lehkha zir lah chu nuam ka ti telh telh lehnghâl, hepa hi a rilru a lo chak tak tak ka zir zatve pawh a la zir lo chungin a hre nghal zung zung bik mai. Hetiang a thiam thei te chu han inthup kher ni keichu ni ila ka topper char char ang ka ring te ti ila hahaha

"Tae..." A vawi sarih na atân chuan min han ko leh a,,, a ninawm nia ka la zir duh ka ti chung pawh in min ko char char nia mawle

"Amak Jungkook i mut duh tawh chuan nangmah khân va mu ve mai la. Ka la zir duh lawm" ka ti leh a, Lehkhabu ka la bih ngat ngat,. Karleh mai ṭang in exam kan ṭan dawn a ka thiam viau a ngai ni mai

"Keimah in ka peih lo, chubâkah en la dar 11 a pel tawh nia. Nangpawh zir tawh suh i chau ang"

"I van mak tak,,,, dar 12 ka thleng law law dawn. Tuna ka zir lai te hi ka thiam leh nga ka lo mu ve nghal ang va mu rawh kha i mit te pawh a sen râm tawh nia" amah va en pah chuan ka ti a

"I tello in ka mu peih hleinem" a ti hmuk

"Nih chuan tikhan lo ṭhu hrih mai rawh" ka ti chu thaw hawk

"I bialpa mutchhuak em em in ka awm a, i zirlai chiah i ngaihtuah thei nia" a ti bar, a che naupang chhia leh thut ṭhin

"Aww lo va mu la ka ti rêng lawm mawle"

"Ka rualin i mu dâwn lo chiah maw" a ti leh hmak

"Heichiah ka thiam nga ka lo mu nghal ang, min tibuai lo la la thiam ṭêp lawm" ka ti leh sap a

"A ṭha nih chu, ka tibuai tawh lo ang che... Tah khan riak nghal law law rawh" tih deuh hraw pah chuan a tho nawlh a, khum lamah a kal a a mu nghal hmak.

Ka lo en deuh tawp mai, heichiah hi ka zir nga ka mu ve vat ang keipawh ka mut chhuak deuh tawh chubakah Jungkook a titau daih sia nuam ka ti bik chiah lo...

Ka zir leh malh malh a, darkar chanve vel ka chhiar leh hnu chuan khum lam ka pan ve chha chha. Jungkook pawh chu a lo hnâr tawh, hetia a hnar ri sek sek hi ngaihnawm ka ti nia aw.

A chalah leh hnârah ka fawp sap a, Amah kuah Chung chuan ka mu ve nghal a. Rei vak lo ah chuan ka lamah rawn hawi in min rawn kuah bet nghal hmak... A harh emaw ka ti mahse a la muhil reng tho, ka nui suk a. Muttui tia phun sep in Jungkook kuah chung chuan ka muhil ve ta siai siai a...

😴😴😴😴😴😴😴😴

Ka hmui rawn tawk tu an awm chuan ka harh deuh a, mahse ka mut la chhuak bawk nen ka muhil zui leh mai