فيرو 💙

فيرو 1 💙

كانت طالعة ملكة في الفيلو و التسريحة 👑 متوترة ع الاخير مش عارفة كيف تتصرف...
دماغها يرفع و يجيب و هيا تفكر شن ممكن يصير فيها... وفي عز تفكيرها

طق طق.. نخلعت
بصوت يرجف : تفضل!
خش قعد يشوفلها و يفصل فيها.. اما هيا خايفة و ترعش..
اسمعيني يا بنت الناس : .....
قلبها ح يطيح بين رجليها من ل تسمع فيه بطنها تغلي بحكم ان هيا من ناس ل تعاني من اعصاب المعدة 💔 ولا دمعة نزلت وقتها.... تسمع فيه و بس لين طلع و سكر الباب وراه !

___________________________

2010 _ طرابلس

ناضت ع صوت اذان الفجر و المنبه متاعها 🌸 كانت تحب تقعمز تستني الاذان يتم بش تصلي
كانت الوحيدة في عيلتها المختلفة في كل شي 🌸❤️

بنت بين 3 ولاد ... فيروز 💎

صلت الفجر و قعدت مقعمزة تدعي و تفكر ... قداش مزالي بنتخرج ؟ سنة ولا سنة و نص هدكا هوا لازم نلحق نفسي فيسع

جهزت نفسها للجامعة و نزلت للدور الاول .. كانت تحب تجهز الفطور و تطلع بيه للجنان و تفطر ب رواق لين تطلع عليها الشمس 🌞 كان الجو ربيع و قنين في نص شهر 4 🌿

ساعة 7:00

فهد فهد نوض معاش وقت محاضرتي 8 ره 😩
فهد : 😴😴😴
فيروز : تشبحله ب خبث 🌚 خابث شيشة المية و بدت تقطر عليه 😂 و فجأه صبتها كلها
فهد : نااض مخلوع.. حييييي عليييك تو نوريييك و ناض يجري وراها 😤
وهيا تجري هاربة... والله اخرر مرة هييي 😂 فيييسع معاش وقت بالله عليك

غالية :بقلة صبر .... ياااسر و انتو تتكالبو ع صبح ربي 🤦🏻‍♀️
أحمد : بضحكة.. يحسابو روحهم مزال صغار 😂 و كمل يشرب في قهوته .... اييي قوليلي فراس بايت برا الحوش ولا شن؟
غالية : توترت 😰.. مانعرفش يا حاج
أحمد : يشبحلها و هوا عارف انها تكذب
غالية : تحاول تخفي توترها.. نزيدك قهوة ؟
أحمد : لا... و ناض طلع
غالية : افففف الفرخ هذا ح يديرلي غير المشاكل مع بوه 😰 و قعمزت تفطر
فيروز : باست امها 💋 صباح الورد والياسمين
غالية : ابتسمت.. صباحك مبروك يابنيتي هي افطري معاش وقت ع محاضرتك
فيروز : امي وين فراس؟
غالية : تنهدت... وين نندري عليه اني الهي في روحك
فيروز : سكتت و كملت تفطر و هيا عارفة ان امها داسة عليهم و تعرف 🙄
فهد : صباح الخير ياحبي 😂😘
غالية : بعد من عليا يا صايع
فهد و فيروز 😂😂😂😂

و طلعو يجرو بش يلحقو ع محاضرتهم ...

: امي اني طالع ما تبي شي؟
غالية : تي ع وين يا ولدي تعالا افطر قبل
فاضل : والله الا مستعجل و عندي خدمة هلبا توصي ع شي؟
غالية : نبيك في موضوع لما تروح
فاضل : قام حاجبه.. ان شاء الله خير و غير مش هدكا الموضوع بس!!
غالية : شبحتله بحدة... قتلك بعدين برا لخدمتك توا.... حرك راسه يمين يسار و طلع

خل نتعرفو ع عيلة أحمد ... 
- أحمد راجل كبير في السن عنده محل كبييير متاع اقشمة و هذا راس ماله و كان يحب خدمته هلبا بس عنده مشكلة في قلبه ديما يعاني منها
- غالية مرته كان يحبهاااااااا هلبااااااااااااااا بالرغم ان ما يتفقوش مع بعض في ولا حاجة بس حبه ليها عامي عيونه ع كل شي .... غالية تحب المظاهر و الفلوس و بس
عندهم 3 صغار..
- فاضل... اكبر ولاده عمره 30 سنة و دكتور و مش متزوج بسبب موضوع معين ح تعرفوه مع الوقت... طبعه ما يحبش الدوة و الدوشة و رسمي هلبا مع كل الناس حتي عيلته!
- فراس... صايع ضايع درجة اولي 😂 متاع مشاكل عمره 28 سنة متخرج بس حاليا ما يخدمش!
- فهد... 26 سنة متخرج من النفط و يشتغل في شركة.. خاطب ليه شهور و فرحان بيطير بيها 😂❤️
- و اخر العنقود 💎 فيروز تقرا هندسة كيميائية و قريب تتخرج عمرها 21 سنة مختلفة عليهم كلهم... كانت ملتزمة شوي و تحب تخصصها هلبا و عندها صاحبة وحدة بس