روحنا للحوش....
نورا : شن صار؟؟
فيروز : سارحة...
نورا : هييي وين سارحة 🤨
فيروز : حكتلها ل صار كله... تعرفي كلمتها ترن ف وذني لتوا 💔 متأكدة ربي ح يعاقب امي بينا 💔
نورا : تنهدت بحزن... ان شاء الله لا 💔
______________
سكينة : حطت شنطة صغيرة قدامها.... هادي فيها ذهب متاعي كله و جواز سفرك الليلة ما تباتيش ف الحوش
أمل : اميييي شن تقولي!!!! 😰😰😰😰
سكينة : بالعبرة تبكي... مانبيش يصير فيك زي عمتك و اني ماعندي ما ندير انتي اطلعي و امشي ل خوالك ح يتقبلوك مهما كان ف الاخير حفيدتهم انتي 💔 اهو ف الاخير علاقتك كويسة معاهم و تهدرزو
أمل : تشبح ل امها و مش قادرة تتكلم
سكينة : عارفة كل شي ح يكون صعب شوفي حد من صاحباتك يساعدك اني هذا ل نقدر عليه يابنتي سامحيني 😭😭
أمل : حضنت امها و قعدت تبكي... وانتي شن بيصير فيييك يا أمي 😭😭
سكينة : بعدت من عليها و قعدت تمسح ف دموعها... اني مداما انتي تبدي بخير اني بخير بري يا بنتي راضية عليك دنيا وآخره 💔
و فعلآ صار ل صار 💔 و أمل قعدت تفكر ف من بتتصل و كيف بدبر اوضاعها... مقعمزة ع سريرها تتأمل في كل شي... زعما ل بنديره صح؟ ولا بنعالج الغلط ب الغلط
" اغلب الأحيان كلنا ناخدو قرارات ف لحظات ضعف و غضب و مانعرفوش شن ح تكون نهايتها ! ... زعما شن ح تكون نهايتك يا أمل .... "
_____________
حمزة كان يدور بش يشري كيكة بش يحتفل هوا و عيلته و طبعا محمد حاشي راسه ف كل مناسبة 😂
______________
اما نورا فضلت ان تبات عند صاحبتها و تساندها ع ان بدت انسانة محافظة و مابتش تخليها تحس بالغُربة ❤️
و في عز هدرزتهم و ضحكهم.... ترن ترن 🎶🎶
فيروز : نورا شوفي تلفونك خل بنوض نتوضي المغرب قريب ياذن... و ناضت
نورا : ايوا... نعمممم 😰😰😰😰... كيييف و شن صايرررر.... سكرت و هيا مصدومة و ترعش 😰
فيروز طلعت من حمام و جت تجري بعد شافت حالتها.... شن فييي خيرررك ؟؟؟ 😳
نورا : كلمتني أمل قتلي بالله عليك نبي نقعد عنذك و تبكي 😰😰
فيروز : بصدمة... خيرها 😳
نورا : مش عارف قتلي كلمتين و سكرت
فيروز : قعدت ساكتة تفكر... و ناضت طلعت تجري...
نورا : تييي خيرك 😳
لحقت ع فراس قبل لا يطلع...
فيروز : وخييي الغالي 😄
فراس : تلفت 🤨🤨... شن تبي ؟؟
فيروز : نبيك ف موضوع 😩
فراس : احكي بسرعة طالع..
فيروز : و قعدت تحيكله و تفسرله...
فراس : قرب منها... و احني شن دخلنااا ؟؟ الهي ف عمرك و مادخلكش ف حد... من قالك ان هيا مش هاربة او مدايرة مصيبة هااا
فيروز : نعرفوها البنت كويس يا فراس ارجوك 😩
فراس : قعد ساكت و يفكر
فيروز : هااا شن قلت
فراس : البسي و اطلعي وراي عندك دقيقتين و اقسم بالله با فيروز تطلع بنت مش تمام ولا وراها مصيبة نقطعلك راسك 😤 انتلفي فيسع
فيروز : فرحت... شن بنقول ل بوي
فراس : قوله طالعة مع فراس بناخدو كيكة
فيروز : شبحلته و مش عاجبها...
فراس : عيط عليها... يلااااا.... ركبت تجرري تلبسس
نورا : بجديات 😭 حمد الله
فيروز : اييي خل نمشي و انتي خليك عادية ردي بالك حد يشك... لبست و بعدين شبحتلها... ان شاء الله غير مش وراها مصيبة والله فراس يفرمني اني وياك
نورا : ضحكت... اجرييي انزلي بلا كثرت دوة...
فيروز : نازلة ف دروج و لقت بوهاا
أحمد : وين ع خير بنيتي
فيروز : توترت... " ماتحبش تكذب".. بنطلع مع فراس قالي نشرو كيكة
أحمد : تي عيب تخلي صاحبتك هكي بروحها
فيروز : ضحكت 😄 بابا هادي مش غريبة و احني مش ح نعطلو قتلها اطلعي قالت ما تبيش
أحمد : لاحظها ان متوترة... متاكدة مافي شي
فيروز : خافت... هذا فراس يعيط من بكري نخاف نعطل عليه
أحمد : به تمام ردو بالكم... و طلعت تجري
ركبت ف سيارة... ريحتها دخان مع برفان تجلط 🤤
فراس : وين قاعدة؟؟
فيروز : في ****
فراس : هاتي اعطيني نكلمها.....
و في الليلة هديكا و المكان **** شهدت طرابلس ع اسوء المشاهد ل ممكن تعيشها بنت عمرها 21 سنة 💔
______________
وصلو للمكان... نزلو الزوز و هيا كانت ترعش و بجديات خافت ان تكون في مصيبة.. ع قد ما فرحت ان خوتها ديما يوقفو معاها ❤️... " محلاهم الخوت ل هكي سندك بجديات ❤️ "
اول ما شبحتهم مشت تجرييي حضنت فيروز و قعدت تبكي 😭😭😭... اما فراس لاحظ الشنطة ل ف يدها
فراس : لو بتهربي مع صاحبك و مشي و خلاك راهو ماليناش علاقة بيك
أمل : تبكي... لاااا هاربة من عمييي و امي هربتني 😭😭
فراس و فيروز : 😳😳😳😳
أمل : والله نعطيك حتي تكلم امي الله يسترك 😭😭😭
فراس : بعد من عليهم وقعد يفكر كيف يتصرف ... اما فيروز قعدت تحضن فيها و مصدومة....
طول الطريق و كلهم ساكتين... مافيش صوت غير بكي أمل 💔 هيا تبكي في جيهة و امها في جيهة 💔... اما فراس يبي يفهم شن قصتها و يفكر شن يقول ل اهله.....
YOU ARE READING
فيرو 💙
Romanceلقد كان فِراقاً عادياً يزول أثره مع الوقت، لكن السؤال الذي دائماً أحاول أن أطرِدهُ من رأسي ولا يذهب، كُنت دائما أضيئك، كيف أستَطعت إطفائِي؟."💙
