2011
سنة جديدة و يوم جديد....
فات اليوم كامل و فراس يجهز ل أمل كيف ح تسافر و تواصل مع خوالها ل اتضح انهم ناس طيبة جدا ❤️ بس هوا دس حاجة معينة و ماقال عليها ل حد 🤭.... و ما جت العشية الا و كل شي جاهز و مخطط 😁
فراس : جهزي روحك طيارتك الصبح
أمل : بفرحة و توتر... جديات 😭
فراس : ابتسم و قعد مركز فيها شوي و نزل راسه... ايي اييي وتي روحك مانبوش نعطلو
فيروز : شن بتقول ل امي و بوي؟
فراس : خلاص هدكا هوا روحو ماليها و بنردها حوشهم.... اما فيروز و أمل ارتاحو
و هذا كله مزال وليد و أنور ما يعلمو ب شي.... أنور صارله موضوع شغله... سبحان الله ربي يسخرلها كل شييي لين سافرت ❤️ بس امها ضحت بكل شي ع خاطر بنتها 💔 الأم هيا الأساس في كل شي... الأم تضحيتها ديما كبيرة ❤️
_________________
زهرة : تشرب ف شاهي... تمشي فيا بالدوة فرخ حمزة وله 😒
حمزة : يضحك... يام اصبري علياااا مزال ما زهتش ف عيني بنية
زهرة : تو بتقنعني ان ماعندكش بنية ياصايع 🙄
حمزة : والله مافي حويجة 😂😂😂... و قعدو خواته يضحكو
" ركزو معاي ف الاسامي مرات ملخبط 😂😂"
______________
حليمة : تمسح ع راسها... خلاص يا بنيتي هذا قضاء الله وقدره لازم ترضي بيه اني والله ما نبي غير مصلحتك
ناريمان : تبكي... امي تعرفيه انتي فاضل والله كويس و ولد ناس 😭😭😭
حليمة : وجعتها بنتها ع الاخير... اخخخ يا بنيتي حسبي الله ونعم الوكيل فيهااا كسرتلي فرحة بنيتي و هيا يتمية 💔
_____________
و جي موعد طيارة أمل... طبعا أمل حكت ل أمها ل صار كله و أمها طلبت منها ان معاش تتواصل معاها 💔
أمل : محتشمة... سامحني يا عمي ثقلت عليكم ☹️
أحمد : ابتسم.. وين ثقلتي يا بنتي انتي حتي حسك ما نسمعش فيه 😌... الله يشفيها أمك و ردي بالك ع حالك ❤️ الله يسترك و يحميك
أمل : دمعتها نزلت من دعواته.. سلمت عليهم كلهم... صحيتو هلبا والله مش عارف كيف نشكركم ❤️
فراس : بقلة صبر... هيااااا معاش وقت 😩
أحمد : رد بالك عليها ولدي
فراس : ما تخافش يا بوي.. بنقولكم اني بنقعد عند صاحبي اليومين هادو ع خاطر عرسه ما تشغلوش روحكم
غالية : ربي معاك ❤️
و طلعو و ركبو في السيارة و طوول للمطار....
فراس : نزل من سيارة... و نزل شنطة معاه و امل استغربت
أمل : أول مرة نسافر خايفة 💔
فراس : ضحك و شد يدها و مشي بيها... ما تخافيش و خليك عادية لا يقولو هادو يهربو ف مخدرات 😂😂
أمل : تحشمممت كيف شاد يدها و يمشي و كان قلبها عنده 😩
_____________
ع تلفون...
نورا : والله خوك راجل و قدع الله يفتحهااا عليه فرحتيني ❤️❤️❤️❤️
فيروز : ادعي ربي يهديه بس و يبعد ع طريق ل هوا فيه
نورا : آمين يارب ❤️ قوليلي شن صار جديد مع فاضل
فيروز : ما صار شي قاعد مسكر راسه 💔 قال فراس ان بيدير حل و ان شاء الله خير
نورا : والله قصتكم واعرة 💔
___________
أمل : كييييف 😳😳😳😳😳
فراس : زي ما سمعتي 🤭😌
___________
محمد : شن رايك نقعدو بعد الفاتحة ايام ف زوارة نغيرو جو؟
حمزة : شن نغيرو جو هادي و دنيا صقع
محمد : ضحك 😂 بالك نحصلو شكون يدفينا
حمزة : قلب وجهه
محمد : خيرك نفسية اليوم زي البنية
حمزة : تييي امي كل يومين تجبدلي ف موضوع الزواج و حاطة ف راسها بنت و اني قداش نكرهها
محمد : بعد الزواج يجي الحب 😂😂
حمزة : ضربه.. تتسهوك يا *****
محمد : تييي وسع بالك 😂😂 بالك تحصل وحدة زوارية 🤤🔥
حمزة : تقول هكي انت
محمد : ما يعطوش للعرب 😂
حمزة : " ما كانش يعرف ان في ناس هكي" شن قصدك!
محمد : غايب ع الدنيا انت هيييي قداش بنحكيلك 😂
حمزة : قلب وجهه و سكت
YOU ARE READING
فيرو 💙
Romanceلقد كان فِراقاً عادياً يزول أثره مع الوقت، لكن السؤال الذي دائماً أحاول أن أطرِدهُ من رأسي ولا يذهب، كُنت دائما أضيئك، كيف أستَطعت إطفائِي؟."💙
