#فيرو 16
فراس : بنغازي!!! 😳
ناريمان : ايي هوا قالي بيمشي
فراس : اسمعي نقدر نشوفك نهدرزو احسن من تلفون
ناريمان : تقدر تجيني مكان خدمتي نطلعلك نقعمزو.
فراس : تمام هيي وين؟
ناريمان : في ****.... سكر منها و مشالها طول و كل تفكيره في خوه
____________
خش للمستشفى....
محمد : اني لازم نمشي طرابلس
الطاهر : ان شاء الله خير شن في
محمد : في موضوع لازم نتمه... نتلاقو و تلفت بيمشي شد يده...
الطاهر : جوك مش ع بعضه احكيلي و بعدين امشي
محمد : تنهد... و بدي يحكيله ل صار...
___________
مقعمز ع كرسي يراجي فيها... ما عمره ركز فيها ما يزبطهاش كويس... بس هيا تعرفه و طول زبطاته و مشتله
فراس : اوووف ع الجمال عندك حق دير العار هذا كله 😩😂... وصلت فيه و هيا محتشمة
ناريمان : السلام عليكم
فراس : و عليكم السلام... قعمزي
ناريمان : قعمزت... سامحني شحطك والله مش عارف وبن نطمن عليه
فراس : ابستم... لالا عادي... احكيلي شن في... اني مابيتش نحكي ع تلفون مرات يراقبو ف مكالمات و هكي تشوفي ف جو كيف متوتر
ناريمان : ايي عندك حق... من لما بدت ثورة بعدها ب ايام كلمني قالي ان ح يمشي ل بنغازي
فراس : علاش؟
ناريمان : قال ان عنده صديق غادي و طلب منه ان يجي و يقدم مساعدات بحكم خدمته
فراس : قام حاجبه... علاش مافيش دكاترة غادي 🤨
ناريمان : والله ما نعرف اني هذا ل قاله ليا و ع قد ما شديت فيه سكر راسه و اخر شي كلمني يوم 24 و منها معاش نندري عليه
فراس : قعد يفكر و ساكت
ناريمان : توترت... اليوم 7 في الشهر
فراس : بشك.... فهميني كيف يتصل بيك كان اني ل امس نتصل بيه تلفونه مقفل و كل يوم نتصل بيه ما يردش عليا !!!
ناريمان : خافت و سكتت
فراس : قعد مركز معاها.... تكلمميييي 🤨
____________
في نفس الوقت من جيهة تانية.....
وصل ل طرابس و طول ل حوشهم....
محمد : يماااااا تعالي نبييك...
فاطمة : جت تجري... شن في امتا جيت
محمد : قعمزي نبيك... قعمزت
فاطمة : شن في والله شغلتني 😰
محمد : الكلام هذا بيني و بينك يموت
فاطمة : شن في يا ولد خوفتني و اني ل من بنحكي ماعندي غيرك 😰💔
محمد : جيرانا حوش حمزة
فاطمة : خيرهم
محمد : نزل راسه... بوهم تزوج
فاطمة : ضربت وجهها... يا نهار اغبر 😱😱
محمد : هذا ل صار و اصلا حتي حمزة كان حاسس من كثر سفرياته اخر شهور
فاطمة : ياااحليلي ع زهرة 😱 ياحيي شن صاير فيها يا ناري من يومها و هيا شاقية
محمد : ينفخ... يماااا مش حاي نقولك بش تقعدي تندبي فوق راسي
فاطمة : سكتت
محمد : يما هما ما عندهم حد و تشوفي ف خوهم غيبوبة و ابصر امتا ينوض ولا هذا كان ناض اصلا
فاطمة : بعيد الشر عليه 💔💔💔 وين عمامهم و خوالهم باهي ؟
محمد : عمامهم نظام بوهم مراهقة متأخرة و هما زوز عمام وماعندهمش عمات و عندهم خال واحد و خالة... خالهم يجيهم مرة مرة بس عندهم صغار و مسؤليات و ظروفه صعبة شي و جدودهم من الجهتين متوفيين
فاطمة : حطت يدها ع خدها... يا ناري عليهم اخييي ع الدنيا ياوليدي 😥
محمد : سكت و هوا يفكر
فاطمة : شن بدير به راهو انت محسوب زي خوهم حمزة و اكثر
محمد : تنهد... كنت زي خوهم و احني عيلتهم راهو
فاطمة : عقدت حواجبها... شن قصدك !!!!
_____________
فراس : ناريمان تكلمي ما تحرقيليش دمي 🤬🤬
ناريمان : بتوتر... ماهو مداير شفرة تانية و مايبيش يقولكم عليها ولا يبي يقولكم ان ماشي ل بنغازي لان عارف ان ح تقفو في طريقه
فراس : بشك... فهميني و جاوبيني من غير كذب
ناريمان : شن
فراس : في بينكم شي؟؟؟ متزوجكك من ورانا؟؟
ناريمان : نزلت راسها... والله لا... امي حالفة ان ما ناخده
فراس : و تتواصلي معاه ؟؟
ناريمان : تنهدت... ايي مقدرتش نسيبه 💔💔
فراس : ناض من جنبها ولع دخانه... ما تعرفيش وين مشي غادي ولا من صاحبه
ناريمان : لااا
فراس : تعفلق.... مالا شن تبييي علاش متكلمة توا. ؟؟؟ علاش ساكتة فترة ل فاتت كلهااا تجي تقولييلي معلومة ناقصة شن بندير ب امها انييي 🤬
ناريمان : وقفت... اني قتلك بش تردو بالكم الوضع متوتر و توقع لو يعرفو شي ان حتي شادين خوك ح يجو يدورو عليكم هذا علاش كلمتك
فراس : مسح وجهه ب يده و يشبح يمين و يسار... به تمام بري خشي توااا عطلت عليك
ناريمان : طمني لو عرفت شي... و خشت
اما هوا قعمز و مت بطلش تفكير ف الاخير قام تلفونه....
فهد : ايواااا
فراس : وينك
فهد : في الحوش
فراس : تعالا ل حوشنا نبيك ف موضوع
فهد : شن رايك تجيني انت ما عنديش خلوق نطلع
فراس : عيط عليه... تييي تعالا بلا كثرت دوة
فهد : خير فيتك انت تعيط 😑😑
فراس : تعالا و جيب مرتك ما تخليهاش ف الحوش
فهد : شن فييي؟؟؟
فراس : اسمع كلامي... و سكر عليه
_____________
فاطمة : نعمممم 😳😳😳 مصح وجهك و خلاص
محمد : يمااا شن قلت اني
فاطمة : ب عصبية... خوها في غيبوبة و انت تقولي نتزوج وحدة من خواته
محمد : امي شن بندير ترااا راهو ف الاخير راجل غريب ع الحوش اني و تشوفي ف الوضع كييف متوتر لقدر الله يصير شي من بيهم بعدين ما تعبيش لا ع خال ولا عم ره كل حد بيقول نفسي نفسي و بعدين حمزة مأمنهم عليااا
فاطمة : سكتت
محمد : هااا شن قلتي بش بنكلموها بش نشوف خالها ولا عمها نطلبه متها
فاطمة : تشبحله.... كيف قلت... اما وحدة من خواته ان شاء الله 😥😥
محمد : توتر... هالة ❤️
" محمد ولدها الوحيد... و بوه متوفي ليه سنين... يسكنوا قدام حوش حمزة و كانو عيلة وحدة مش جيران بس ❤️ فترة ل حمزة برا البلاد كان هوا واقف ع عيلته تقول ليه ❤️ "
_________
في حوش أحمد كلهم مقعمزين مش فاهميين شي و يستنو ف فراس ل تأخر عليهم و مايرد ع حد...
فهد : اياه علينا ساعة 10 و ليا من 6 اهني وينه ولدك هذا
أحمد : شن في علاش قالك تجي انت و مرتك
فهد : والله ما عارف
فيروز : طول جي ف بالها خوها فاضل و خافت ان يكون صارله شي 💔💔
نفتح الباب و كلهم تلفتو...
فراس : خش... شبحلهم و ضرب جبهته... اقسسسم بالله الا نسيتك هييي 😂😂😂😂
YOU ARE READING
فيرو 💙
Romanceلقد كان فِراقاً عادياً يزول أثره مع الوقت، لكن السؤال الذي دائماً أحاول أن أطرِدهُ من رأسي ولا يذهب، كُنت دائما أضيئك، كيف أستَطعت إطفائِي؟."💙
