من جيهة التانية.... زوارة ❤️
خديجة " ام رنا ".... نصدمت لما عرفت ان هما عرب و معاش عرفت شن تقول...
زهرة : والله وليدي عجباته بنيتكم و هيا ماشاء الله عليها 😍❤️ قال شبحها في فاتحة الطاهر... رنا مقعمزة تسمع و فرحانة كل تفكيرها ان وصلت للي تبيه بس 🙂...
خديجة : انتو اصلكم شن؟
زهرة : فهمت بطريقة غير مباشرة... احني من طرابلس راجلي طرابلسي و اني طرابلسية...
خديجة : ربي يقدم ل فيه الخير ان شاء الله
زهرة : حست ان مش مرغوب فيهم.... ان شاء الله
في المربوعة... كانو خوتها الولاد و بوها يشبحو ل بعض.... حس بيهم و توتر هلبا و قعد يشبح ل بوه
محمد " اب رنا " : ب احراج... و الله شن بنقولك يا ولدي احني عاداتنا و تقاليدنا غييررر منقدروش نطلعو عليها
فيصل " اب حمزة " : كيف يا حاج!
محمد : نجيبهالك من الاخير.. احني ما نعطوش للعرب.... شبح ل ولده نظرة عتب و كانه يقوله جينا ع الفاضي
حمزة : احني جايين ع سنة الله ورسوله و طالب بنتك بالحلال مافيش في ديننا الشي هذا يا عمي
محمد : بجدية.... هادي عاداتنا و كان من الاول قلت انك عربي راهو قتلك ما تعبش روحك.... نصدمو ب كلامه ل كان واضح و صريح.... و قرر فيصل ان ينوض...
فيصل : سامحونا ع تعبكم... هيا ولدي الدنيا نصيبات... نادو العويلة ترا... ناض واحد من خوتها ينادي فيهم...
" هلبا تفاصيل تغاضو عن ذكرها و مايبوش يحكوها... "
طول الطريق يسوق و هوا يغلي و يفكر شن يتصرف... و امه ما سكتتش ابدا و هيا تهزب فيه.... كان موقف ماحد يتمناه لحد 💔
___________
فيروز : بصدمة تشوف للباكو.... انت من وين حصلتها هادي 😳😳😳😳
خالد : ابتسم... غلطت و اهو جيت نادم... اعطيها ل امك قولها هادي متاعك مش اختها ولا تشبهها... فيروز تتفحص فيها و كانت بجديات متاع امها...
خالد : توا خلينا فينا احني... شن رأيك
فيروز : تشبحله و قاعدة مش مستوعبة... نفكر و نرد عليك.... و ناضت بتطلع شدها من يدها...
خالد : فيروزي نحبك ❤️... هيا قلبها يررررف و ينبض بسرررعة " ياعنبو هالقلب 😂💔"... طلقت يده و طلعت....
روح هوا و امه.... مشت ل امها....
طق طق... تفضل "
خشت فيروز و هيا متوترة... شن رايك في الضيوف يا امي
غالية : شبحتلها بربع عين... بتسكني فوق ماليه 🙄.... قربت منها و حطت جنبها الباكو.... غالية تشبحله ب استغراب
غالية : شن هوا هذا....
فيروز : افتحي شوفيه... شداته و فتحاته و شههقت بصوت عاالي 😰😰 حديدتي... و قامت راسها لفيروز
غالية : من وين جبتيها!!!!
فيروز : نزلت راسها.... هوا جابهالك...
غالية : قلبت وجهها... ما تحطيش ف بالك ان باللطقة هادي ح ترفضيهم... بتاخديه و انتي ساكتة... قعدت تشبحلها و مابتش ترد عليها و طلعت...
مشت ل دارها و هيا تفكر شن بدير... صلت استخارة هلبااااااااااااااا و كل ديما تدعي و كانت خاااايفة... تعرفو من شن؟؟... لان كانت تحبه.... لان مش قادرة تعترف ب غلطتها زيه... مش قادرة تعطي ل نفسها فرصة قبل لا تعطيه هوا... كانت تشوف في روحها ديما صح... و ديما تجربة بوها بين عيونها....
YOU ARE READING
فيرو 💙
Romanceلقد كان فِراقاً عادياً يزول أثره مع الوقت، لكن السؤال الذي دائماً أحاول أن أطرِدهُ من رأسي ولا يذهب، كُنت دائما أضيئك، كيف أستَطعت إطفائِي؟."💙
