غالية : بصدمة... بعد العمر هذا كله تسكت فيا يا حاج
أحمد : لانك مش مدايرتيلي لا قدر ولا احترام خشي للدار و مانبي نسمع صوتك... شبحتله شبحة زي السم و مشت
فراس : كملتو خلاص نقدر نقلب وجهي؟؟؟
أحمد : شبحله و نزل
فراس : والله عيلة مريضة باهي 🤦🏻♂️
فيروز : اول مرة بوي يعيط ع امي و يتكلم معاها هكيي 😰
نورا : اييي واضح انه تعفلق هلبا... بس بجديات بوك يحب امك هلبااااااااااااااا
فيروز : خل نمشي نشوف بوي.. منحباش يضايق ولا يزعل هوا قلبه ضعيف 💔... و طلعت
فيروز : لقت بوها مقعمز ف جنان... باست راسه... صباح الورد يا احلا بابا 😘
أحمد : ابتسم... صباح النور يا بنتي
فيروز : قعمزت... بوي راهو مش باهي ليك العصب 💔
أحمد : نحساب روحي بنكبر نرتاح و نريح بالي عليكم... والله الا كل ما نكبر يزيد الهم 💔 خوك قداش ليا ما نندري عليه كيف عايش؟ شن يدير؟ ياكل كويس؟ والله كل ليلة نقعذ نفكر ف كل حد فيكم
فيروز : قلبها وجعها في نفس الوقت ما تقدرش تقوله اني نكلم فيه... ان شاء الله ح يكون بخير انت ادعيله و اطمن عليه مش صغير اكيدة ح يدبر اموره
أحمد : عارفه مش صغير و الله بس استاحشته يابنتي... و الفرخ فراس من لما سيب الخدمة و هوا مش عاجبني و للي مكبرله راسه امك
فيروز : تنهدت و نزلت راسها... ربي يهديها
أحمد : شبحلها... بري نوضي خشي صاحبتك قاعدة عيب تخليها بروحها... ناضت و خشت
____________________
31/12/2010
فيروز : وينها أمل مختفية؟؟ حتي نتصل بيها ما تردش
نورا : قالو عمتها توفت 💔
فيروز : بجديات 💔 لا حول ولا قوة الا بالله... هادي ل مرة تحكي عليها ممنوع ان تمشيلها
نورا : تشرب ف نسكافي... اييي مافهمتش قصتها.. تخيلي تسكن تحتهم و ما تشوفش فيها الا ب صدفة و حتي عزي تقريبا ما داروش
فيروز : شن سبب وفاتها؟
نورا : قالو هدكا هوا عمرها
فيروز : من قالك انتي ؟؟
نورا : قسمها تكلم عليها... قوليلي بتحتفلو اليوم برأس السنة 😍
فيروز : مدت شواربها بضيق... اني مش ح نحتفل
نورا : علاش خيرك؟؟
فيروز : بكل بساطة مش لينا لان.. احني مسلمين شن دخلنا ف حاجات هادي 🙄... و زيديها نسمع ف بنات يخصصو ف وقت يصلو ركعتين و يدعو ان اليوم هذا و السنة هادي خير عليهم و يديرو ف حاجات لا موجودة لا في كتاب ولا السنة 🙂
نورا : تضحك و حضنتها ... والله محلاك باهي 😂😘 مالا اني بنروح معاك بش نسايرك ف دار من غير احتفال
فيروز : ضحكت... تم 😍 بيروح بينا فراس مالا
نورا : مولي طرف الفرخ 🤤
فيروز : مولي صايع قصدك 😂
اما أمل مشت للكلية و لكن تعمدت ان تروح طول بدون ما تكلم اي حد او تتلاقي مع حد... حاولت ان تحكي ل بوها ل صاير بس امها ما خلتهاش
وصلت قدام شقة عمها... جي ف بالها ان تخش تهدده... دير اي شي تطفي بيه نار قلبها 💔
أمل : طقت الباب... و هيا واقفة و ترعش
أنور : هااا منووو... فتح الباب و ضحك... أمولة دلوعة باباتها... لاحظت ان هيا ترعش... خيرررك شن في ؟؟
أمل : بخوف... اني نعرف كل شي و ح نقول ل بوي
أنور : ضحك و جبدها من يدها دخلها و سكر الباب... اقسسسم بالله تعيطي ولا صوتك يطلع الليلة تلحقيها
أمل : بخوف و تبكي... انت شنننيييي بالزبط؟؟ واحد حقير و واطي علاش قتلتهاااا 😭😭
أنور : اني ما قتلت حد بوك قتلها
أمل : بصدمة... بوي ؟؟ 😰
أنور : بخبث... لانها تستاهل شن تبي من وحدة حامل انتي؟ خانت العيلة و ثقتها و باعت شرفها
أمل : معاش قدرت تتحمل... ضرباته كف... يا حقير يا واطي تي هيااا حاام...
أنور : قطع عليها... تمدي يدك يابنت المصرية عليااا... و طاح فيها ضرب و حاول حتي ان يعتدي عليها 💔 بس هيا قعدت تقاوم فيه و اخر شي ضرباته بقوة ع الحيط و هربت تجرييي.... تركب ف الدروج و تعثر و خااايفة
أمل : طق ف باب شقتهم بالقوة...
سكينة : بخوف... ان شاء الله خير ياربي 😰😰... فتحت الباب.. أمل 😱😱😱😱😱.... أمل خشت تجري و سكرت الباب بالمفتاح...
سكينة : بخوف و تشوفلها كيف وجهها دم و مضروبة... شنن فيييي 😰😰😰😰
أمل :.....
YOU ARE READING
فيرو 💙
Storie d'amoreلقد كان فِراقاً عادياً يزول أثره مع الوقت، لكن السؤال الذي دائماً أحاول أن أطرِدهُ من رأسي ولا يذهب، كُنت دائما أضيئك، كيف أستَطعت إطفائِي؟."💙
