فيروز : بهزوة.. انت تتسهوك وله
خالد : قعد مركز ف عيونها... مافيش حد يعرفني زيييك! تعرفيني امتا نتسهوك و امتا ندوي بجديات
فيروز : ساكتة
خالد : اني مش جاي ناخد ف رأيك اني جاي نعطي فيك علم بس
فيروز : بصدمة... مصح وجهك 😳
خالد : ابتسم و مشي 🔥.........
نورا : اعطيه فرصة واضح نادم والله مرات تصلح 😥
فيروز : ب عصيبة... نورا اكيدة تبصري وله؟ ؟؟؟ ناسية شن صاااار ولا شن دار فياااا
نورا : فيروز معاش تعيشي دور المظلومة راهو حتي انتي غالطة مش هوا بسسس 🤨
فيروز : قلبت وجهها وقعدت تتفكر.....
💭💭💭💭
خالد : شد يديها... تحبيني انتي وله؟؟
فيروز : بخوف... اييي نموت فيك مش نحبك بس خلود خيررك
خالد : تسلفت من ولد فلوس ع خاطر امي مرضت و قتلها نردهم وقت يبدا عندي
فيروز : تشبح ف عيونه... به
خالد : شادها ف جرتي اليومين هادو يبو فلوسه و يهدد فيا بيبلغ فياا 😥
فيروز : خافت... بجديات 😰😰😰 به علاش ما يصبرش علييك مش صاحبك
خالد : كنت نحسابه صاحبي 💔... نزل راسه
فيروز : به قداش واخد منه 😥
خالد : الف بس... " ايام ما كانت الالف بقدرها 😂😂"
فيروز : حطت يدها ع يده... نحاول نساعدك
خالد : بخبث... بجديات 😍
فيروز : اي حبيبي 😍😍😍
" خالد كان عارف ان حالتهم المادية ممتازة و طمع فيها من الاخير "
طبعا ام فيروز كان عندها هلبا ذهب و هدكا الكبير ذهب صح الصح اكيدة تزبطوه... فكرت ان ناخد حديدة كبيرة و امها مش ح تحس بيها لان هلبا ل عندها
خشت ل دار امها و هيا ترعش... فتحت دولاب ذهبها و خدت وحدة و طلعت تجريي... سكرت الباب
غالية : شن ديري اهنييي
فيروز : ترعششش... كنت ندور ع شيشة الزهر المقطر ل جابتها خالتي 😰😰😰😰
غالية : 🤨🤨 في كوجينة مش اهني
فيروز : اااه نحسابها عندك اهني... و نزلت تجرييي و هيا ترعششش
من غدوا.....
خالد : 😍😍😍😍😍 حبيبتي انتي والله
فيروز : قريب طبتني امي عليها 😥
خالد : قعد يغرق فيها ف الكلام المعسول و هيا فرحانة تهز ف راسها 💔
" في هلبااااااااااااااا بنات لما يحبو حد مستعدين يديرو اي شي ع خاطره مهما كان!! ل داراته فيروز هلبا بنات داروه و دارو احرف منه... ل تهرب معاه... ل تسلم نفسها لييه... و في نظرهم ان هوا يحبهم 🙂 ل يحبك يصونك و يخاف عليك... ل يحبك ما يرضاش انك ديري الغلط و لو معاه ولو ع خاطره... الحب يبي رااااجل "
💭💭💭💭
فيروز : مستحيل نعطيه فرصة
نورا : انتي الخاسرة 🙄
___________
و فات يوم... و جي الوقت ل بيروح فيه فراس و قرر ان يتلاقى مع أمل....
أمل : مروح اليوم 💔
فراس : ابتسم... هدكا هوا ما نبيش يحسو ع غيابي
أمل : تشبحله ب حب... بتقعد تتواصل معاي 😥
فراس : نزل راسه... لو احتجتي شي كلميني
أمل : هذا هوا 💔
فراس : قعد يتأمل فيها و في ملامح وجهها... و هز راسه ب معني ايه 😩
أمل : بس اني ريت في عيونك حاجة غير هكي و كنت حاسة ب شعور!
فراس : تنهد... إحساسك غلط... اني ما فكرتش حتي نستغل وضعك للعلم
أمل : مش قصدي هكييي
فراس : مالا شن 🤨
أمل : ريت في عيونك حنية و حب ليا 😥
فراس : هذا كله شبحتيه ف ايام بس !!
أمل : نزلت راسها ب كسرة خاطر
فراس : قرب و قام راسها و قعد يشبح ف عيونها... أحيانا مش كل شي يحسه الانسان و يبيه هوا الصح ليه و الاحسن ليه
أمل : ساكتة و تشبحله...
فراس : نتمنالك كل الخير و ردي بالك ع نفسك و ح نطمنك ع امك لو عرفت عليها شي... و باس راسها... و لف بيمشي... شداته من يده
فراس : عفس ع قلبه... شن في تاني ؟
أمل : حضناته و قعدت تبكي 😭💔
فراس : بادلها الحضن شوي و بعدها... ياسر ما توجعليش قلبي
أمل : تبكي
فراس : يمسح ف دموعها... ياسر يا بنت الناس والله ل ف راسك وللي تحسي بيه صعببب و واعر ما نقدر عليه ولا نبي نظلمك معاي
أمل : ربي يهنيك فراس و صحيت ع كل شي
فراس : ابتسم... و مشي 💔.... اما هيا قعدت تشوفله لين اختفي 💔💔💔
YOU ARE READING
فيرو 💙
Romanceلقد كان فِراقاً عادياً يزول أثره مع الوقت، لكن السؤال الذي دائماً أحاول أن أطرِدهُ من رأسي ولا يذهب، كُنت دائما أضيئك، كيف أستَطعت إطفائِي؟."💙
