انتقام مجنونة

الحلقة الاولى

انتقام مجنونة
بقلم سولا
الحلقة الاولى

انفتح الباب
انا ،عمتوووو وحضنتها طول
احلام ،ميس 😳
انا ،يس يس ميس جدو وين جدوووجدوووو وخشت الداخل
شفته مقعمز جيت وراه وعمضت عيونة
جمعة ، شني اللعب هدا
ميس ،مفاجاء
جمعة ،ميس 😳
ميس ،عيون ميس الله بازين قداش ليا عليه وخشيت غسلت ايدي وقعمزت نتغدا مع جدي شوية وقعمزت عمتي
ميس ،تعرف يا جدي قداش مستاحشتكم والله اول مكان جيته هنا طول قلت لازم نشوف تاج راس العيلة الحبوب
احلام ،حبوب 😳؟؟
جمعة ،كولي وانتي ساكتة
ميس ،حااااضر 😊
جمعة ،بعدين خودي نضفي دار باش ترتاح فيها ميس
احلام ،حاضر
جمعة ،واتصلي بي الكل اليوم العشاء هنا بي شرف ميس
احلام ،حاضر
جمعة ،ميس
انا ،نعم
جمعة ،امتي طلعتي
انا ،اليوم
جمعة ،علاش متصلتيش بي واحد من عمامك
انا ،انسيت ارقامهم وبعدين وصلت طول دون اي تعب
جمعة ،انسيتي الارقام والحوش لا
انا ،يب كيف تبيني ننسي حوش وعشت فيه اكثر من 15سنة من عمري
جمعة ،هز راسة
وضمينا الصفرة انا وعمتي وبعدين ركبنا لي داري وقدت توريلي فيها وقتلي كانت دار بوك الله يرحمة سويناها طلعت عمتي قدت في الدار بروحي طلعت من الشنطة يالي كانت في ايدة ورقة
انا ،انتي يالي بتخاليهمي يحترموني غصب من عليهم 😏
رميتها تحت الفراش وخشيت دوشت ولبست توتة قطنية شوية بما ان خاشين علي شتاء و مشطط شعري ودرته كعكة ولبس وشاح ونزلت لوطا لكتهم الله يبارك القبيلة كلهم لوطا
انا ،سلام 👋
الكل مصدوم فيا
انا ،خيركم شفتو عفريت ولا شنو عمي حسين 😕
حسين ،اهلين بيك يا بنتي وجي سلم عليا وبعدين بديت من واحد لي واحد لين وصل عند إيهاب
انا ،إيهاب
ايهاب ،شبحلي من فوق لي لوطة ونزل عيونة في التلفون
انا ،بسيطة خديت التلفون منه ورميته علي الطاولة ومشيت وسيبته
ايهاب ،خيرها هدي جاية تصب في جنونها عليا
وتيت معاهم العشاء بعدين ركبت غيرت لبس سروال جشي عليه بلوزة تحت الركبة بي شوية مزركشة وعليها وشاح جيشي وشبشب حوش ونزلت
لقيتهم مقعمزين علي الطاولة جدي وبعدين عمامي ونساوينهم وبعدين صغارهم خشيت
جيت وراء جدي وغمطله عيونة
جمعة ،ميس قعمزي في مكانك
انا ،حاضر عطيتة بوسة في خدة وجيت للكرسي جنب احلام
إليان ،هدا مكان إيهاب
انا ،😊 جبت الكرسي وقعمزت ودرت رجل علي رجل وطبعا إليان مقعمزة مقابلتني
إليان ،ان....
جمعة ،خلاص خليها
انا ،ابتسم بي إنتصار
جي إيهاب لقاني مقعمزة في مكانة
إيهاب ،😒 ومشي اخر الطاولة وقعمزة
( طبعا الطاولة كانت طويلة كان فيه عشرة كراسي شوية )
بعدين جي كل وقعمزو جابو العشاء وقعدنا نتعاشو
إليان ،شني يا ميس مستاحشتيش +المجانين يالي كانو معاك
انا ،ناكل وكأني منسمع في شي
إليان ،شني شعورك وانتي طالعة من مصح مجانين ومقعزة بيناتنا
انا ،.....
احلام ،إليان 🤨
إليان ، اصلا انتي كيف انت وحدة مجنونة زيك ومقعمزة بينا بلا حشم
انا ......
إليان ،اصلا من وين بجيك الحشم لا ربايت لا ام ولا بو انتي من وين بتتعلمي
انا ......
اليان ،اصلا حتي كان تعلمتي منهم اكيد بطلعي احرف من توا علي الاقر ربوك في المصح
انا ،رميت الكشيك بي قوة علي الطاولة الكل انتبهو حولت الصونية من قدامي وركبت علي الطاولة وصلت في إليان ومسكتها من شعرها والكل في حالت صدمة
انا 😊 شوفي ياحلوا قلتي مجنونة ومتكلمتش وهزيتي عليا متكلمتش لكن توصلي في بوي وامي اهنا خط احمر وكان عوتيها مرة تانية شهدي علي روحك كان قدرتي ايه صح انا مجنونة ونديرها 😊 وقعمزت في مكاني وليت ناكل
إليان ،ان....
جمعة ،إلياااااااان نوضي
اليان ،😡 وانضت
شوية ونضت
انا ،الحمد الله صفرة دايمة ونضت قمت صونيتي وغسلتها واستغليت الفرصة ان الكل علي صفرة العشاء وخشيت لي مكتب جدي درت فيه دورة وقعدت نشوف في الملفات والحاجة المهم نصورها لين حسيت بي حد برا
جمعة ، شني ديري هنا
انا ،كنت ندور في كتاب نقرا فيه
جمعة ،علاش ماقلتيش
انا ،منسحابش لازم نستأذن باش نقرا
جمعة ،من لو جاي استأذني
انا ،حاضر 😊
جمعة ،اطلعي توا
انا ،ناخد معاي الكتاب هدا
جمعة ،خودي
انا ،تسلم جدو وبسته علي خدة وطلعت
إيهاب ،جدي مش مرتاحلها
جمعة ،ماعندها مابدير قعمز خالي نحكو شوية
.......
انا ،تمام خالي ننزل ندير عليهم دورة
وخشيت للمطبخ لقتهم كلهم يحوسو
انا ،الله يعاون
امل ،الله يسلمك يا سمحة
انا ،نساعدكم في شي
امل ،لالا بري هدرزي مع البنات
انا ،اوك سلااام
اسمهان ،مش مرتاحة للبنت هدي
امل ،معليشي البنت يتيمة
اسمهان ،مشفتيهاش كيف كلمت بنتك
امل ، تستاهل حتي هي ماسكتتش
اسمهان 😒
........
خشيت مع البنات وقعدت نهدرز مع روان واختها واما إليان شادة اختها وتشبحلي بي حسد شوية وخش احمد
روان ،طبعا عمي رمزي وإيهاب ديما مع بعض يالي يسيبة هدا يكملة هدا تقولي خوت
انا ،محبتاش ايهاب شايف روحة عمي قاعد احلى والطف
رزان ،هههههههه في هدي معاك حق الي توا ايهاب نشفناشي ضحك
إليان ، نحسابيه خفيف يضحك بدون سبب
انا ،عندك علم ان الضحك يطول في العمر لكن يا حسرة من وين تعرفي وانتي كلمة خير متعرفيش تقوليها
رزان وروان وإلهام 🤭
إليان،حتي انتي يا إلهام نوضي بالك خالي روحو نوضي
إلهام ناضت معاهم شوية وطلعو الكل روحو وقعدت انا وعمي وعمتي وجدي
انا ،جدوو حبيبي
جمعة ،شني نبي
انا ،مش انا حبيبتك
جمعة ،شني الكلام هدا
انا ،باهي بلاش وراس الشيبات البيض السمحات هضم
عمي 🤭 وعمتي 🤭
جمعة ،قتلك شني تبي
انا ،انا نبي نرجع لي قرايتي
جمعة ، وباهي
انا ،زي ماتعرف لما صار حادث بوي كنت في الشهادة الثانوية والحمد الله نجحت فا توا نبي نخش جامعة
جمعة ،وشني تبي تخشي
انا ،إدارة اعمال
رمزي ،وعلاش إدارة أعمال
انا ،ماهو هدي طموحي من وانا صغيرة
جمعة ،خلاص رمزي برا سجلة وين تبي
انا ،ايه ونلي هادف ونبي لابتوب
جمعة ،وشني يطلع هدا لبوتب
انا ،🤣🤣 لابتوب ياجدي يعني كمبيوتر محمول
جمعة ،خلاص جيبلها شني تبي
انا ،انت احسن جدووو في دنيا ربي خليك لينا ومايحرمنا منك
سهام ،فالحة يا كبدي خوديه بي الكلام
انا ،😏😝
خش جدي لي مكانه ورمزة وسهام وانا خشينا لمكاناتنا
فتحت الروشن قابلني
........
....يتبع .....

رايكم يهمني 😘