انتقام مجنونة

الحلقة التاسعة

انتقام مجنونة
بقلم سولا
الحلقة التاسعة

إيهاب ،مني الكلب يالي واقفة معاه
انا ،😳 تفتت وراي لقيته قدام الباب الكلية
انا ،هدا زميل
إيهاب ،شني ديري معاه
انا ،نبي منه شيت محاضرة امس
بوعا ،فهم عليا مدلي شيت من إيده
انا خديته منه
إيهاب ،سكرة الخط وطلعنا في السيارة
إيهاب ،مهناش غيره تاخدي منه الشيت
انا ،لا فيه
إيهاب ،علاش هوا 😡
انا ،علاش تسأل تغار عليا
إيهاب ،لا مش نغار ب....
انا ،عادي وشني فيها كان غرت انا بروحي لو شفتك واقف علي بنت احتمال نريشها 🤷‍♀️
إيهاب ، وعلاش تريشيها تحبيني ؟
انا ،القصة مش في حب القصة قصة تملك لما انا خطبنا معنها انا ملكتك وانت ملكتني هدي هي
إيهاب ،يعني لو مشيت وضربت الكلب حضاكه مكنلتيش ضايقتي
انا ،اولا هوا مش كلب ،وثانية وايه علاش بنضايق بلعكس نفرح اقل شي نقول تهتم بيا
ايهاب ،املا خلي نولي
انا ،لا وين خلاص الموضوع انتهي
إيهاب ،معاش يعرف الواحد من وين بي شدوك 🤦‍♂️
انا ،انا هكي 🤷‍♀️ افتح حاجة نسمعوها
روحنا للحوش وانا طول رقدت
.......
شرطي ،سجين رقم 814 في زيارة ليك
سجين ،مني
شرطي ،لما تطلع تعرف
سجين طلع مع الشرطي
سجين ،الحاج جمعة
جدي ،قعمز يا سفيان
سفيان ،واللهي باهي يالي جيت
جدي ، كان لازم نجي نوضحو الامور
سفيان ،اي امور ان انت علاش مطلعتنيش وخلتني محكوم مأبد
جدي ، يمكن هكي
سفيان ،انا متاكد جاي باش طلعني توا صح الاني مقلتش اسمك
جدي ،اسمي هههه انت اصلا معنك شي عليا حتى السديات يالي كانو عندك خديتهم
سفيان ،شني قصدك
جدي ،اعتبره انتقام الان انت قتلت ولدي ومرته قدام عيوني
سفيان ،هههه انا قتلتهم بس شوف انت وين حطيتني هههه وقاعد نتنفس
جدي ،اولا مش انا يالي رميتك في الحبس وتاني شي متفرحش بي قاعتك فيه الان مش حطول
سفيان ،جمعة انت متقدر دير شي
جدي ،حنشوف نقدر ولا لا
سفيان ،بنت ولدك عندي
جدي ، 😏 غلطان بنت ولدي قاعدة في الحفظ والصون لازم تخاف غلي روحك سلام يا سفيان نتلاقو في جهنم
.......
العشية لميت الكل ونزلنا في حوش بوي تسيق ومسح وتنظيف الكل ومع ال11 كملنا
روان ،وك عليا هلكت
رزان ،حتى انا
إليان ،درنا انجاز عظيم
احمد ،ادعو ان شاء الله متطلعناش بي موال تاني
انا ،ههههه لالا مزال الاثاث بس
رمزي ،اثاث شني حسستيني بتسكني فيه
انا ،لا مقلتش توا انا قصدي يوم تاني
إسلام ، تعبتينا في جرتك
انا ،شني تحسابها ديما راحة وانت ديم نت و تلفونات باللهي قلي قداش عنك شفرة
إسلام مدخلكش 😠 ناض
احمد ،إيهاب خيرك ساكت ولا تفكر في العرس
انا ،عرس مني
احمد ،انتي وإيهاب وانا ونوران
انا ،كيييف ؟
روان ،ايه جدي قال بعد شهر العرس
إليان واخيرا بيجينا عرس
احمد ،رن هاتفة استاذن ووناض بعدين جت مرت عمي اسمهان نادت علي روان رزان ناضو معها إليان وإلهام ورمزي جاه تلفون وسهام خشت تشوف في جدي قعدت انا وإيهاب بروحنا
انا ،إيهاب
ايهاب ،يشبح للسماء ،نعم
انا ،خيرك ساكت
إيهاب ،نفكر
انا ،في شني
إيهاب ، في يالي جاي
انا ،العرس ؟؟؟
ايهاب ،شني رايك انتي
انا ،شبحت للسماء ،منعرفش بسىنحس فيه شهر شوية
إيهاب ، بس معارضتش جدي الان شبحت الفرحة في عيون احمد
انا ،مسكين طول هلبا في الخطبة اكيد توا يوازو في دكور غرفة النوم ةيقوللها قريب توالي حلالى وجيكونو اسعد زوجين
إيهاب ،باهي انا وانتي شنو؟
انا ،شنو ؟
ايهاب ،انكونو اسعد زوجين ولا قرارنا متسرعة 🤔
انا ، مش حنعرفو لين نشوفو بعدين كان الوضع باهي قعدنا وكانش تمام انفصلنا عادي يعني
إيهاب ،شبحلى انت علاش تشوفي في الامور بي بساطة هكي
انا ، الان مافيش داعي تعقد البسيط لانا
اول وحدين يتزوجو ولا اخر وحدين ينفصلو ( هدا كان تزوجنا اصلا )
إيهاب ،😍
انا ،خيرك سكتت وشبحتلة لقيته يشبحلي وانا نشوف لي عيونة نحاول نفهم المعة يالي فيهم
إيهاب ،انتي من قبل حلوا ولا توا بس 😍
انا ،لا من قبل غير انت كنت معمي 😌
إيهاب،يمكن 😍 زاد قرب
انا 😨 بنوض يشد ايدي نجي طيحة عليه يلف يخليني تحته
انا،بعد
ايهاب ،علاش
انا ،شني علاش بشوفنا حد
إيهاب ،خالي يشوفو انتي خطيبتي
انا، ايه بس مش مرتك والعرس مزاااال
إيهاب ، شني بصبرني بس
انا ، علي اساس يالي يسمعك يقول تحبتي
إيهاب ،مني قال لا 😌
انا،شني 😳
ايهاب ،😏 شي ناض وسيبني
انا ،لالالا مستحيل لا ياربي كيف حنكمل هكي ....بس نضرته تجنن لحته 🤤 ....ميس فوقي شني يالي تقولي فيه احسن شي نمشي نتمرقد
.....
يوم جديد نفس الروتين نمشي للكلية وروح وجي اليوم يالي عمتي نوال ترجع تسافر جدي دار عزومة كبيرة ليها ودعنها واليوم يالي بعدة مشت للمطار مع جدي ورمزي وقعدت انا سهام بروحنا في الحوش
انا ،سوما انا بنمشي ناخد نومة لين يجو
سهام ،باهي بري
ركبت دراي
سهام لقت تلفون روان قاعد رنت علي رزان قتلها جو وقعمزو في الجنان
روان ،تشموو 👃
رزان ،ناسية خاجة علي النار
سهام ،لا لكن خلي نشوف وفتهنا الباب الدنيا سودة ودخان طاعلة من دار الضيوف
روان ،خلي نتطلعو
سهام ،ايه هي ولعت في الدنيا النار
طلعو جو عمامي وإيهاب واحمد
احمد ،شني فيه
سهام ،منعرفش فجاء الدنا دخنت مع بعضها
إيهاب ،المهم كلكم بخير
رزان ،ايه بخير
إيهاب ،ميس وين
سهام ،ميس قالت تب....😥 ميس قاعدة الداخل
إيهاب ،كيف ؟؟؟
سهام ،قالت تبي ترقد برا شوفها إيهاب شوفها
......
عندي انا
بابا ،ميس سرين خشو ارقدو
انا حاضر وخشينا
شوية وسمعت دوشة لوطة نزلت ةشفت كل شي
جدي ،سفيان هدي مش هكي
سفيان ،نهدي قول لي ولدك يصكر فمه خير متجي علي راسه
خالد ،انا مش ساكت وحتشوف ح نفضحك باش الناس ترتاح منك
جدي ،خالد هدي
خالد مش مهدي وي.....
جدي ،😳
ماما ،لااااا......
انا حطيت إيديا علي فمي ونبكي
سفيان ،الحقيه معندك علاش قاعدة
خدي ،ب ب باهي خلاص اطلع توا
سفيان،احسلك دور الورقةيالي قان هددني بيه
جدي ،باهي باهي اطلع توا طلع سفيان وجدي وانا تخبيت ورا العرصة ،باش ميشوفنين لكن قعدت نبكي شوي وخش جدي معاه بدون فيه بنزينة وصبه في الحوش علي نزلت سرين كانت نعسانة تحك في عيونها
سرين ، بابا شني الدوشة هدي جاها جدي قبل متشوف شي
جدي غمضلها عيونها
سرين ،شني فيه
جدي ،اسسس عندي ليك مفاجاء وخداها طلعها ورجع ولع النار في الحوش
انا ،خشيت لداري نبكي شوية وخش عليا جدي
جدي ،ميس نوضي الحوش ينحرق نوضي جي جدي وقامني وطلعني وانا نبكي
انا ،ماما بابا
جدي ،هما كبار يا بنتي يدبرو روسهم
انا ،لااااا مامااااا بابااااااا
جدي ،ميس هدي ميس
......
إيهاب ،ميس ميس فقي
ميس فتحت عيوني
....
يتبع

رايكم يهمني ❤