انتقام مجنونة

الحلقة الثالثة

انتقام مجنونة
بقلم سولا
الحلقة الثالثة

إيهاب ،شني مزال
انا ،مزال انت بس
إيهاب ،مني قلك ان انا نبي دبش
انا ،انا قلت شني عاجبك دبشك قرواطة وجكيت تقول ماشي لي عرس ابس كجول يطلع عليك حلو
إيهاب ،انا لبسي عاجبني هيا انتي وياها😡
روان ورزان مقالو شي وطلعو وراه
إيهاب ،تلفت وراه ملقانيش ميس وييين 😡
رزان ،والله منعرفو طلعنا وراك طول
ايهاب ،يا رب الصبر وخشو تاني يدورو عليا
ايهاب ،انتي شني دير هنا 😡
انا ،شوف هاضم حلوات خش قيسهم
إيهاب ،قتلك منبيش
انا ،بس انا وزيتهم
إيهاب ،من ق.....
سهام ،خلاص إيهاب خش قيسهم
إيهاب ،يارب الصبر يااارب
انا 😏 خش قاس وطلع
انا ،حلوا قيس هادم
إيهاب ،شني لقيتيني عارض ازياء
انا ،اي هيااااا مش وقت قلت
ايهاب خش قاس تاني وثلاث وخدة ثلاثة تركيبات لي إيهاب
وروحو
انا ،اوك عليا ان هلكو وجيت حدفت الشكاير في الدروج وقعمز عليه ومديت ضهر
سهام ،قداش ليا مطلعتش هكي طلعة
انا ،ايه والله درنا جو لكن إيهاب قفاص مباش يبل ريقنا حتي بي مية
سهام ،معلشي ومش واخد علي طلوع
انا ،احححح يالا المهم خديت يالي نبيه
سهام ،خشي ساوي بضاعتك وانزلي خلي نضمو الكوجينة
انا ، خالها غدوا والله متهنتكة
سهام ،ماهو احنا بنضموها لي غدوا
انا ،شني فيه غدوا
سهام ،غدوا الكل لازم يجو يتغدو مع بعض عادت يوم الجمعة
انا ، علي هديكة الطاولة متع الميترو ونص
سهام ،هههههه ايه هي
انا ،امممم الجنان واسع علاش منقعمزوش فيه
سهام ،بابا ميحبش التغير
انا 😒
سهام ،هي نوضي بلا كسل
انا ،هي نضت فات باقي اليوم بين ضمان وكنس وتلميع يوم
يوم جديد .....
خاشو الكبار يديرو في الغداء
انا ،يا بنات يا بنات تعالو
روان رزان ،شني فيه
انا ،نبي نفرش برا الجو قنين
إلهام ،بس جدي ميحبش التغير
انا ،جدي خاليه عليا هيا نوضو
إليان ،انا طلعوني منها
انا ،بلاش هي إلهام
إلهام ،لالا فوتيني حتي انا
انا ،لا تمشي معنا يلا انا نتحمل المسؤلية كلها حي قبل ميروحو من الجمعة
إلهام ،باهي باهي ونضنا ودرنا دورة في الجنان كتن معشب طبعا كلة اخضر درنا جلسة عربية وطوييييييل حكم طول الطاولة وتكمنا الجو عي جيت الشباب من الجامع خاشين كلهم ورا جدي
انا ،الله الله اللهم صلي علي النبي علي جدي وعمامي انا
رمزي ،غير شني قصت الكلام المعسول هدا
انا ،انا ديما كلامي معسول ولا جدوو وبستة علي جدة
جدي، ايه ايه
احمد ،ولاد عمك شني
انا ،حلوين لكن مش زي حلوة جدي الجرد عليه تحفة
اسلام ،هدي علي مني تتكلم بي الزبط
احمد ،ساير واسكت
انا ،هي تفضلو قمعزو
عمي حسين ،ويين مش داخل
انا ،كنوع من التغير درت جلسة عربية برا في الجنان
الكل فنصو فيا وإيهاب قام عيونة من التلفون وشبحلي
عمي صلاح ،كييييف بس احنا متعودين ناكلو الداخل
انا ، معليشي عموو اليوم غير
عمي حسين،علاش غير
انا ،هدي اول مرة نحضر جمعة معاكم من سنين قلت نغير ال....
جدي ،خلاااص هي قعمزو
زادت صدمتهم اكثر
انا ،ياااااي طبعا هدا مكان الفاخمة كلها وشوية وجي العشاء
محمد ،مش ملاحظ ان جدي ميرفضش في طلب لي ميس
اسلام ،تاخد فيه ب السان يا كبدي
احمد ،حرام عليكم البنت كويسة تعرفو هضاكا اليوم كلمت نوران قلتلها كلمتين لي توا نوران بدت يالي نقوللها عليه تقولي باهي
محمد ،هدا علاش مايللها انت
إسلام ،ايه يا كبدي مزبطتلة الكبيدة إيهاب قول كلمة
إيهاب ،انا مدخلي في شي
حطينا الغداء وقعمزنا كلنا تغدو جيها للرجالة ويالي مقابلة مقعمزبن النساوين انا تقعميزتي جت مقابلة إيهاب
وقعدنا نتغدو وهما ساكتين
انا ، انتم ديما هكي
سهام ،كيف
انا ،امممم صح علي صفرة وحدة بس مافيش حد فتح فمة وتكلم
مافيش رد
انا ،ملل
الكل فنصو فيا
انا ،جدووو حبيبي
جد ،شبحلها
انا ،سمعت من البنات ان عندنا مزرعة صح
جد ،ايه
انا ،باهي علاش منمشوش نزردو فيها
إيهاب ،اسكتي
انا ،انت يالي اسكت ها قولي منها نشوفوها ومنها تغيرت جو
جد ،فيها عمال
انا ،هو يوم قلهم يروحو منه هما يىتاحو كنه احنى نغيرو جو
جد ، يصير خير
انا ،نبي موافقة منبيش يثير خير
جد ،خلاص وتو رواحكم الجمعة الجاية
الكل في حالت صدمة
انا ،يااااايييي ونضت حضمت جدووو نحبك ياأحلى جدو في الدنيا وبستة علي خدة
إسلام ،مش قلتلكم مايرفضلهاش طلب
إيهاب ،جدي
جدي ،شني فيه
إيهاب ،مش شايف ان دلع فيها زيادة كل طلباتها توفق عليهم
جدي ، علاش انت امتى طلب حاجة ومعطيتكش
انا ،😝😝😝
إيهاب ،😡😡
إسلام ،انا نطلب منك مطعتيش فيا
جد ،لما تصرفة علي حاجة مقومة توا نعطيك وبعدين ميس مطلبت شي ليها الدبش شرو جميع والزردة كل بتمشو انهونا علي موضوع الحمد الله قيمو الصفر
ناضو الكل يقيمو في الصفر شبعو ولا مشبعوش
روان ، انتي كيف قدرتي تقنعي جدي
انا ،عادي
رزان، انا نخاف منه
إلهام ،حتى انا نخاف منه
إليان ،تضحك عليه بي كلمتين حبيبي وانحبك 😕
انا ، باعي قلتيهم شني واجعك ولا حتى انتي تخافي منه
إليان ،مش بس نحترم فيه
انا ،شني لقيتيني نعيط عليه ولا نضرب فيه حتى انا نحترم فيه 🤨
إليان ،إيه لكن شوفي اسلوبك يالي تكلمي بيه فيه
انا ،واجعك اسلوبي ولا واجعك ان وافق علي يالي طلبته
إليان ،طزززز وناضت
روان ،حمقت 😏
انا ،علي قولتها طززز
ايهاب ،ميييييبس
انا ،بسم الله خيره هدا
إلهام ،شكلة حامق
خش ايهاب لدار
إيهاب ،انتي شني درتي
انا ،شني درت
إيهاب ،لما نكلمك اقفي
انا وقفت ،نعم
إيهاب ،انتم اطلعووو وطلعو يجرو
وإيهاب قعد يقدم في عيونة شر
انا ،شني فيه وهوا يقدم شني فيه لصت في حيط حط إيديه علي الحيط
انا ،وخر إيهاب
ايهاب ،قرب اخرلك مرة تطلبي من جدي حاجة
انا ، وانت شني يخصك نطلب ولا لا
إيهاب ،يخصني جدي معاش تطلبي منه شي
انا ،بس كان مطلبتش من جدي من مني تطلبي لا عندي بو ولا اخ باش نطلب منه
إيهاب ،انا ورمزي موجودين 🤨😠 وزاد قرب من وجهي فاهمة
انا ، وانا زدت قرب من وجهه لين هوا توتر انا حنطلب من جدي شني نبي وانت ملكش علاقة باهي وتعرف شني حنطاب منه المرة الجاية
ايهاب 🤨
انا ،حنطلب منه مفتاح حوش بوي 😠
إيهاب ، مش حيعطيهولك حتي لو وافق انا حنرفض
انا ،صدقني بيعطيهولي وانت يالي بتحطة في إيدي صدقني
إيهاب ،تتحديني ؟ 😡
انا ،نحب التحدي 😌
إيهاب ،الايام بينا يا ميس وطلع
انا ،ااااه واخيرا وقعمزت وحطيت ايدي علي قلبي رعبني شني يحساب روحة هدا لما نوريه لما نخليه يجري في جرتي هدا التافه
رمزي ،خيرك تكلمي في روحك
انا ،لالا شي دطيتها انا وإليان
رمزي ،دوت مفرخ اسمعي الاحد تبي تكشي الكلية
انا ،حق ياااااااي وحضنت رمزي فرحتني شكرا عمووووو نحبك
رمزي ،ههههههه باهي غير حولي توا
انا ،بنمشي نبشر سهام
رمزي، باهي بري
بشرت سهام وجدي وبعدين تعشينا براحنا وخش كل واحد في دارة خشيت انا فتحت روشن داري قابلني الحوش بوي
........عودة للماضي
انا ،بابا
بابا ،ياروح بابا
انا ،توا انا لما نكبر نقدر نخدم زيك في شركة جدي
بابا ،ايه وتقدري تفتحي شركة بروحك يا بنتي وتكوني المديرة عليها
انا باهي علاش انت مش فاتح شركة بروح
بابا ،باس راسي ووقف يا بنتي مدامة جدة حي انا منقدرش يا حبيبتي جدك هو مدير منقدر نسيبة
انا ،علاش
بابا ،توا لما تكبري انتي وتشتغلي معاي وقتلك بري افتحي شركة بروحك تمشي
انا ،لالا نبي نقعد معاك
بابا ،هاشفتي حتي انا زيك
انا ،امممم
بابا ،سلام وباس راسي وراس سرين وخد ماما وطلع
.......الحاضر
مسحت دمعتي ورقدت
وجي يوم المشي للكلية
انا ،عمووو رموزة رمووو هيااا نوض باالك وقت
رمزي 😴
انا ،اففف رمزيييييييي
رمزي ،خير بلاك في حد ينوض حد هكي
انا ،وقت عليا في الكلية هيااااااا
رمزي ، شوفي غيري ورجع رقد
انا ،نووووض
رمزي 😴
انا ،جديييي
رمزي ،اسسس اسس خلاص نضت
انا ،ماهو من الاول لاش تشيطلي ريقي
نزلنا وفطرنا بعدين رفعني للكلية
انا خشيت للكلية
انا، واخيرا توا لازم ندور مكتب المسجل
لوسمحتي
بنت ،نعم
انا ،مسجل الكلية وين
بنت ،جديدة
انا ،ايه
بنت ،البناية هدي يالي قدامك الدور الثاني اخر مكتب علي اليسار
انا ،شكرا
بنت ،العفو سلام
انا ،سلام ومشيت انا وين قتلي البنت كيف بنخش سمعت صوت نعرف كويس تلفتت
انا ،بوعا 😳
.......يتبع

رايكم يهمني ❤