انتقام مجنونة

الحلقة الثامنة

انتقام مجنونة
بقلم سولا
الحلقة الثامنة

روان ،ماما علاش الكلام هدا
اسمهان ، الفترة يالي فاتت كلها نحاول نقرب فيكم من إيهاب باش ينعجب بي وحدة منكم لكن بناتي بنات العازة والقهرة قربتوه من هديك المجنونة 🤨
رزان ،ماما انتي شني تقولي إيهاب !!!
روان ،ولا مرة فكرنا فيه هكي 😳
اسمهان ،الانكم بلا عقل كان فكرتو شوية راهو لما يموت جدكم تحصلو الورث بدل واحد زوز انتي وإيهاب 😠
رزان ،ماما احنا اخر همني الفلوس
روان ،هدا وسخ دنيا
أسمهان ،ايه زيدو قولو هكي تاخدة هديك المجنونة وتمشي 😠🤨
روان ،ميس مش هكي
رزان ،ميس مافيش اطيب من قلبها
اسمهان ،بينا الايام وتشوفو 🤨
........
يوم الخطبة جيت المزينة
انا ،شعري نبيه ترفعيه من القدام بس من التالي نبيه علي طولة كان تبي ديريله كرلي ديري المكياج الفستان شوفت عين احمر يعني نبي مكياج خفيف
مزين ،حاضر
........
احمد ،اوووو شني الاناقة هدي
إيهاب ،انا امتى مش انيق
احمد ،إيه لكن اليوم بي زيادة مغير شوية
ايهاب ،كنت لابس بدي ازرق وعليه جاكيت بيضة وسروال جينز اسود وعليه سبيدرو ابيض
.......
البنات ،ختارو نفس القفاطين لبسو فستان اسود قصير فوق الركبة نص كم ومن الكتاف شفاف ولبسو عليه سبورت ذهبي وقامو شعرهم كعكة ونزلو منه خصلات طبعا حتي سهام لبسوها زيهم ميك اب بناتي
........
اما انا لبس قطاني الاحمر وعليه سندل كعب ذهبي وساعة ذهبية ومعاها خرصات دوائر كبار اما ميك اب فا دارت رسمة للعين زادت كبرتهم ضل ترابي وروج هادي ونزلت بس الله ما شاء الله طلعت اية من الجمال منبيش نشكر روحي عاد 😌
.......
بدت الحفلة جت فاتن وعرفتها علي بنات وقعدنا نهدرزو بعدين ناضو يدربكو وغنو

اه يالا منك يا عين
روان ،شوق من ليالي سهرتيني 🎤

اه يالا منك يا عين
رزان ،وانتي بيقولت بيجيني 🎤

اه يالا منك يا عين
انا ،كيف بنسي الماضي خالني 🎤

إليان ،هدي اول مرة عروس وتغني
انا ،غني بلا كثر دوا غني

اه يالا منك يا عين
إليان ،ياعين راك ضلمتني 🎤

اه يالا منك يا عين
إلهام ،النوم هرب معاد يجيني🎤

اه يالا منك يا عين
سهام ،ضرتي حالي هلكتيه 🎤

اه يالا منك يا عين
روان ،بالله عليك ارحمني 🎤

اه يالا منك يا عين
رزان ،ياعيني حرمتيني من نوم 🎤

اه يالا منك يا عين
انا ،نسهر في الليل مع نجومي 🎤

اه يالا منك يا عين
احلام ،ياعيني نامي ورتاحي🎤

اه يالا منك يا عين
إليان ،واليلة سهرة صباحي 🎤

........
فات الوقت مع غني ورقيص لين قالو إيهاب بخش وقفت ومنزلة راسي لوطة
خش إيهاب وقف جنبي
إيهاب ،مش ناوية تقيمي عيونك في عيوني
انا ،اسكت مدايرة روحي متحشمة
إيهاب ،ابتسم علي كلمتي خلاص عرفوك متحشمة قيمي راسك
انا قمت راسي
انا ،ارتجت توا
ايهاب ،😍
انا ،الووو ورين رحت حلوا صح
إيهاب ،غير مني قال
انا ،مقلتش لكن عيونك ولو قلوب
إيهاب ،يتهيألك
انا ،صدقت
امل ،خودو لبسو الخواتم
لبسني إيهاب الخاتم وكيف بنلبسة
انا ،شبحتلة
انا، هدي لبسة واخترتها انا يوم طلعنا وله
إيهاب ،صح النوم هدا وين تفكرتي
انا ، الناس تلبس في بدلة رسمية يوم الخطوبة وانت لابسلي سروال جينز وبدي
إيهاب ،طالع حلو لكن ولا
روان ،ميس هيا شني تقولو
انا ،لبستله الخاتم والكل قعدو يباركو وجت المصورة قعدت تصور فينا جابو الطورته وبنقصوها
المصورة ،استنو قربي منه وانت حط ايدك علي خصرها
انا وإيهاب شبحنا لي بعض
ودرنا زي ما المصور قالت هو حط ايده علي خصري رعشت مع بعضي
إيهاب ،خيرك
انا ،لا شي وقصيناالطورته وكيف بنقعمزو
إليان ،لا وين نوضو ارقصو
إيهاب ،بلا هبال شني ترقصو هدي
روان ،اليوم احنا تقريرو مش انتم وجبدونا ورقفونا في ساحة الرقص
انا ،تعرف ترقص تانغو
إيهاب ،تبينا حق نرقصو
انا ،ايه علاش لا تعرف ولا لا
ايهاب ،ايه
انا ،تمام اليان تعالي
إليان ،شني
انا ،افتحي تلفوني و......
إليان ،تمام
وبدينا نرقصو عيون كل علينا
انا ،ايدك المحروقة قعدة توجع فيك ايهاب ،لالا قعد الاثار بس وجينا في الخطوة الاخير الكعب زلحق بيا وبنطيح لكن إيهاب شدني وسرحنا في عيون بعض
فاتن ،يهبلوووو
انا،احم
إيهاب ،ديري بالك مرة تانية
انا ،حاضر
إيهاب ،طلع
وتمت الحفلة علي خير والبنات قعدو معاي إلهام تفكلي في التسريحة
روان ،ميس
انا ،هممم
روان ،تعرفي ماما شني قالتلنا
انا ،فتحت عيوني شني
رزان ،قالت ........
أليان ،مرت عمي هكي قالت
روان ،ايه
انا، مدوروش فوتوها
رزان ،بلكي ديرلك شي
انا، شني بدير يعني خلاص انهو ( بسيطة يا مرت عمي مش حنفوتها هكي صدقيني ) بعد مفكيت تسريحة قعمز علي الروش نتفرج علي النجوم ونفكر في يالي قاعد يصير معاي شوي و والبنات يحدفولي تلفوني
إليان ،ردي ردي
انا الوو 🤨
إيهاب ،ايوا
انا ،ايهاب ؟؟ وشفت للبنات لقيتهم يضحكو درتلهم بي إيدي 👌 طلعو يتجارو
ايهاب ،الووووو
انا ،معاك
ايهاب ،خيرك تبي حاجة
انا ،البنات مديرات فيا مقلب اتصلو بيك بدون علمي
إيهاب ،ايه يعني متبي شي
انا ، سلامتك
أيهاب ،باهي باي
وسكرت منه وحطيت إيدي علي قلبي وتفكرت لما رقصنا مع بعض ابتسمت قلبي بدي ينبض ( لالالا ياربي لا انا توا مش في بابه حب ياربي لاااا) 😨
ايهاب ،سكرت منها وحطيت تلفوني في جيبي وقعدت نشبح لي إيدي المحروقة ابتسمت ( شكلها بتهبلني معاها 😊)
استنين البنات رقدو بعدين خشيت للحمام ( حشاكم درت كريمة وبعدين درت بودرة كثرت لين ولت طبقة بيضة علي وجهي درت ضل اسود وروج اسود ولبست عدسات كان يبوني نلبسهم في حفلة لكن قلت لا ودرت بودىة علي يديا خليتهم بيض ودرت زمالطو اسود وشبست عباية سودة وشفشفت شعري وكان حوالي الساعة 4 الفجر مشت لي حوش عمي حسين وخشيت بعد ماخنبت المفتاح من إلهام وعمي و الولاد كانو حتي هما بايتين في حوش جدي إلا مرت عمي بايتة بروحها في الحوش ومخشيت لي دارها قعدت نفتح ونسكر في الضي لين خسيتها فاقت
اسمهان ،روان رزان بلا لعب مفرخ اطلعو نحيت من عليها الغطاء صحصحت وانا شديتها من رقبتها
اسمهان ،😨😨
انا ،غيرت صوتي بعدي من علي ميس خاليها في حالها لو نشوفك بس جاية جيهتها حتشوفي مني شي مش حيعجبك فاهمة
اسمهان ،😭😭😭ح ح ححاضر بس ارحميني
انا ،اطلبي الرحمة من ربي اسمهان محمد ال..... لو تمسي شعرة منها ميس نفصل راسك عن جسمك وانا معندي شي نخسره فاهمة
اسمهان ،ح ح ححاضر 😨😭😭😨
قمت الورغان وغميتها بيه وطلعت نجري من الحوش وانا نضحك وعاش نحس إلا بي إيد شدتني وغكت علي وجهي وخشكي معاش نتنفس
إيهاب ،اششش
انا ،خلاص النفس ان قطع عليا
إيهاب ،اهفتي مرت عمي في البلكونة
انا ،خلاص نفس مقطوع نخبط فيه ولا علي باله
إيهاب ،خلاص خشت
انا ،ضربت علي بطنة وخر
ايهاب ،خير... ميس
انا ،نزلت علي ركابي كح كح كح كح
إيهاب ،ميس ،انتي كويسة
انا ،قريب قتلتني الواحد لما يسكر الفم كح كح يخلو في الخشم مفتوح باش الواحد يتنفس كحكح
إيهاب ،اسف مكنتش منتبه
انا ،كحكحكحكح انت شني دير هنا
ايهاب ،شفتك لما طلعتي قلت خلي نشوف هدي وين تبي بي المنضر هدا
انا ،حلوا ولا 😊
ايهاب ،تشبهي 👻
انا ،هدا المطلوب
إيهاب ،علاش درتي فيها هكي
انا ،يالي درته شوية قاعد ماشفت شي
إيهاب ،هدا كلة علي خاطر الكف
انا ، مدامك شفت علاش مدخلتش ولاعجبك يضربو في خطيبتك قدام عيونك 😒
إيهاب ،وقتها مكنتيش خطيبتي
انا ،😒
ايهاب ،ميس
انا ،همممم
ايهاب ،لو ممشاش الاثر يالي في إيدي بتسيبني
انا ،مش حيمشي
إيهاب ،بتسيبني ولالا
انا ،شني جاك ولت عاطفي هكي
ايهاب ،شبحت لي ميس ورقبت منها ،وليت عاطفي كيف
انا ،يعني تتكلم وكأن ..... خيرك
إيهاب ،خيرني ؟؟؟؟
انا ،بعد حول بنخش
إيهاب ،شد ايدها وردها علي الحيط وحط إيديه غلي خصرها
ايهاب ،وكان منبيش نحول
انا ، اءءءانت شني تبي مني
إيهاب ، نبي نشوفك ضعيفة قدامي وزاد قرب مني
انا ،( كنت نساير فيك لكن توا تشوف مني يالي بيضعف )
انا 😊 حطيت اي علي لحيته وإيدي التانية ورا رقبتة وزدت قربت وقعدت نحرك في إيدي علي خدة قربت من ودنة وبصوت ناعم
ايهاب، غمض عيونة
انا ،مش انا يالي نضعف فاهم ودفيتها ومشيت نجري
إيهاب ،😳 حط ايده علي لحيتة وين كنت مدايرة ايدي ،مجنونة وابتسم
......
انا خشيت للحمام وسكرت الباب وتكيت علي الباب قعدت نخبط علي خدودي
انا ،الحمد الله مصار شي التافه يحسابها سايبة بعدين تفكرت الموقف ضحكت غسلت وجهي ومشطت شعري ورقدت
......
ثاني يوم مشيت للكلية مخر شوية
بوعا ،وين تاخير اليوم
انا ،واللهي نحس كرات الدم مديرات عرس في راسي
بوعا ،ههههههه شني جو الخطبة امس
انا ،ماشي حالها
بوعا ،ورني الخاتم اممم حلو لكن تحسي فيه بسيط
انا ،ايه عجبني بسيط وانيق قتلي عمتي ان كان دوق إيهاب
بوعا ،ايهاب🤨 تقدري تكملي خطتك بعد الخطوبتك
انا ، خطوبة متقدرش توقفني ان ممكن نحس بي مشاعر لي إيهاب هدا يالي مخوفني
بوعا ،أ....( حتي انا نتمني متحبيشي ) 😣
فاتن ،ميسوووو عروسة جتنا اليوم وين المحاضر الاولى
انا ،جيت تأخير اليوم
فاتن ،تعرفي وين قلت للبنات ان انتي انخطبتي مصدقونيش لين ورتلهم الصور
انا 😊
.......
جدي ،إيهاب احمد
الزوز نعم
جدي ،عرسكم بعد شهر من اليوم تأجيل مافيش
احمد ،واخيرا
اما إيهاب قعد ساكت
......
انا ،واخيرا بروح نرقد
بوعا ،ديري بالك علي روحك
انا ،ح.... تلفوني شرين إيهاب ؟
بوعا ،بدير جو خطيبك توا
انا ،اسكت الووو
إيهاب ،مني الكلب يالي واقفة معاه
انا 😳
...... يتبع

رايكم يهمني ❤