انتقام مجنونة

الحلقة الاخيرة

انتقام مجنونة
بقلم سولا
الحلقة الاخيرة

احمد ،غير تعالي يا عريس مش هكي
رمزي ،اخطاني ومشي
إيهاب ،تي خيرك عليه
احمد، ناسي شني دار فيا
إيهاب ،ههههه تبي الحق انت تستاهل ليك سنين وانت تكلم في حب متعك بعد خمسة سنين تجوزتها والله انجاز
احمد ،توا نشوفيك ليك سنتين متعرف شي عليها مع دالك مانسيتها
إيهاب ،وضع يختلف
احمد ،في شني يختلف انت حبيت وانا حبيت
إيهاب ، ممكن الاني خطبتها قبل لا نحبها اوممكن .....
احمد ،او حبيتها من اول نظرة
إيهاب ،شني تخرف
احمد ،قول الحق
ايهاب ،واللهي يا فرخ عبوك عليك بتولي بوو
احمد ،متغيرش الموضوع لما نمشي نقول للكل 😝😝
ايهاب ،تعالي جاي وطلعو يجرو ورا بعض وبووووم 💥💥
احمد ،🤣🤣🤣
ايهاب ،اسفة انت كويسة
البنت ،ايه كويسة اسفة
ايهاب ،حصل خير
احمد ،من وراء البنت 👈👌👌👌😍😍
ايهاب ،سلام
البنت ،لحضة
إيهاب ،نعم
البنت ،انا اسمي سها
إيهاب ،شكلي عطيتك وجه هلبا انتلفي من قدامي احمدددددد اخرلك مرة
اابنت 😨خشت تجري 🏃‍♀️
.......
جي وقت السهرية
🎶🎵🎼🎤
امل ،يا مبروك علي وخينا
ان شاء الله يعمر زينا

نوران ،يامبروك عليها حنتها
يالي مسك وعمبر صنتها

روان ،مبروك الكنة يا وخيا
فرحانة كاينها ليا

رزان ،يامبروك عليه الدار
ياوجد في العين والاقدار

سرين ،يا مبروك عليه نسيبة
يجيب الفايح في جيبة

إليان ،عرس الغالي ياوخياتي
من زمان عليه نهاتي

إلهام ،يسعيدي جيتيني جارة
نمشيلك من غير زوارة

......
إليان ،سرين متبيش تجي ميس
سرين ،مش عارفة ليا أسبوع متواصلتش معاها
روان ،خسارها السهرة ناقصتها ميس
..
رمزي ،امل يا امل
امل ،نعم
رمزي ،بنسألك جيت ميس اليوم
امل ،لالا سرين بس جت
رمزي ( وعتيني ميس وعتيني )
.....
يوم الحفلة سهام في المزين معاها إليان ورمزي ماشي يجيب في عروسته
إليان ،ايوا إيهاب انت برا ؟
إيهاب ،إيه اطلعو
إليان ،باهي طلعنا ومشينا للصالة كانت حفلة كبيرة والمعازيم ماشاء الله
خشت سهام رمزي ومعاهم مرتة اسمها شهد خشو في زفة وحدة وصلهم للكوشة وقعمزي شوي وطلع وبدت الحفلة
امل ،خالي نمشي ندخل رمزي يروح بي عروسته
سرين ،أأمرة عمي قالي بنخش بروحي
أمل ،بروحة 🤨
سرين ،إيه هكي قالي
امل ،باهي
رمزي قدام المراية يساوي في القرواطة
رمزي ،خيره مجي حد دخلني وان فتح باب الصالة
رمزي ،😳😨
..... تبي ندخلك
رمزي ،تلفت 😳
ميس ،خيرك ندخاك ولا تخش بروحك
طبعا قدام الباب مباين حد غير رمزي
رمزي ،مد ايده تعرفي كان مجيتيش كنت .....
ميس ،مديت إيدي وقربت منه 🤣
وقعدت ندرج انا وياه والكل في صدمة
سهام ،ميس
شهد ،مني ميس
وصلنا للكوشة
انا ،مبروك يا عروسة
سهام ،الله يبارك فيك
إليان ،خالي نقول لي إيهاب
سرين ،لا تبي ديرله مفاجأة
انا طبست علي شهد في ودنها
انا ،متنصدميش يا حبيبتي انا بنت خوه 😉
شهد ،ب ب بنت خوه
انا ،ايه
شهد ،مرحبتين بيك
.....
رمزي طلع العرايس الزوز واتفقت انا والبنات انهم يمشو مع احمد وانا روح ومع إيهاب اكن نحط خيمار
.....
إيهاب ،هيا امي وينك
امل ،مشيت مع محمد انا
إيهاب ،إملا البنات شني يخترفو ولعت السيارة كيف بنمشي ينفتح الباب يالي جنبي
ركبت وحدة لابسة خيمار
ايهاب ،هي انتي وين راكبة
ميس ،شبحتلة مقلتش ولا كلمة
إيهاب ،نكلم فيك انا 😠
ميس ،حد قالك لما تغصب توالي حلو
إيهاب 😳 ومد إيده بي قيم الخمار
ميس ،فكته انا الخمار
إيهاب ، م م ميس 😳
انا ،ايه ميس 😌
إيهاب ،😠 ولع السيارة وطلع بيها خط مقالش ولا كلمة لين وصلنا للحوش
انا ،إيهاب
إيهاب ، متجيبيش إسمي علي لسانك انزلي 😠
انا.......
إيهاب ،انزلي 😠😠😠😠
انا نزلت بدون كلمة
ايهاب ،شبحت لي إيدي المحروقة ميس رجعتي مش مصدق انا متأكد ان منتخيلش
نزلت ملقيت حد الان الكل ماشين وصلو في العرسان
انا خشيت القيت الحوش فاضي
جدي ،مني انتي
انا قمت الخيمار
انا ،جدووو
جدي ، 😳ميس
انا ،🥺
جدي فتحلي إيديه
ومشيت نجري حضنته
انا ،جدووو
جدي ،يا عيون جدك
انا ،سامحني 😭
جدي ،انتي سامحيني يا بنتي
انا حولت من عليه يا سرنا دموع توا تعشيت نحطلك تتعشاء
جدي ،حطي نتعشاء انا وياك
انا ،من عيوني غير خلي نبدل حوايجي
بدلت حوايجي ودرت العشاء لي جدي وقعمزنا علي خشت الكل حتى سرين معاهم
انا ،هي تفضلو
جدي ،لا شني تفضلو هدا ليا وليك بس
احمد ،لالا انا بنقعمز نتعشاء عشاكم ميشبعش فيا
وقعمز جدي طضربة بي اللقاحة
جدي ،نوض اقلب وجهك لي مرتك
الكل 🤣🤣🤣🤣
إليان ،قربت مني شني صار مع إيهاب
انا ،بعدين بعدين مدامة كلكم مجتمعين خالي نقوللكم ان بعد غدوا حناقش مشروعي باش تجو كلكم
الكل باركولي واكدولي علي الجية
أسمهان ،علاش ولت هدي
حسين ،مهما يكون في النهاية هي بنتنا
اسمهان 🤨
الكل قعدو باتو هديك اليلة وحكيت للبنات شني صار مع إيهاب شوية بدو كل وحدة تتكلم في التلفون طلعت انا علي البلكونة شفت لي دار إيهاب عرفت قاعد مروحش
ثاني يوم جي رمزي وروحو الكل والعشيةمشينا لي سهام وجي يوم حفلتي
انا في القاعة قدام الكل
انا ،فاتن كل شي جاهز
فاتن ،ايه تعرفي متوترة
انا ،شوية ونجي
انا ،إليان قلتي لي إيهاب
إليان ،قتله لكن ....
انا ، لكن ...
إليان ،قال مش فاضي
انا ،تمام
رجعت ركبت علي المسرح وبدت فاتن هي الاولى بعدها انا
انا ،شكرا علي ح.....انطفى البروجكتر ولعي وحاد تاني
عليه صوري مكتوب
( ضحكتها
همسها
لطافتها
كلامها
لا يمكنني
ان انساها
غادرت
رجعت
قلبي
مزال
ملكها
يا حوريتي ( طبعا كل كلمة علي صورة في الاخير شاشة سودة )
مكتوب فيها
( هل ...)
إيهاب ،تتزوجيني
انا تفتت لقيت إيهاب راكع قدامي قدام الكل وفي إيده باكو في الخاتم
إيهاب ،حولت نكرهك بس كل يوم نزيد نحبك اكثر كل منشوف لي إيدي نتفكرك كنتي في بالي في كل نفس اتنفسة
انا 🥺
ايهاب ،هل تتزوجيني ؟
كل يااي في القاعة وافقي وافقي
انا ابتسمت لكن بي دموعي
انا ،طبعا اكيد موافقة
ايهاب ،ابتسم ولبسلي الخاتم وحضني قدام الكل انا تفاجأة
الكل ناضو يصفقو الشباب ناضو يصفرو
ايهاب ،خيرك وليتي زي الطماطمة 🍅
انا 😊
بوعا ،مبروك
انا ،الله يبارك فيك
إيهاب ،منور يا صقر
بوعا ،ولوو
طبعا يالي داره إيهاب ملة بي مساعدة بوعا
......
بعد خمسة شهور
إيهاب ،مبروك علينا
انا ، الله يبارك فيك 😊
إيهاب ،قدم ليها وحط رساها بين إيدها
إيهاب ، وعديني مش حتمشي تاني
انا ، معاش نقدر حتي لو نبي
و .🔞......
ميس وإيهاب تزوجو وعاشو بسعادة وساكنين مع جدهم في حوش بوها
رمزي ،ساكن في حوش بوه
حسين حن قلبة علي ميس بي أسمهان لا
والبنات كل وحدة جاها نصيبها
حتي سرين جابت ولد سماته خالد
بوعا قاعد علي حالة وبعد زواج ميس خدي امه واخته وسافرو برا بوعا كان مع ميس في كل خطوة حتي يوم عرسها رغم حبه ليها إلا انه ميبيش يوقف قدام سعادتها هدا هوا الحب الحقيقي تضحية
والجد رغم يالي دراته ميس مكرهاش بلعكس زاد حبها اكثر الان خدت حقها بروحها
......

.........النهاية ........

انتظروني في رواية اخرى ❤❤❤