انتقام مجنونة

الحلقة الخامسة

انتقام مجنونة
بقلم سولا
الحلقة الخامسة

انا ،شني كساد هدا
رمزي ، شني ابي الاغاني فاتح كيف ماتبي
انا ،تشوف في سيارة يالي فيها جدي
رمزي ،ايه ؟
انا ،شايف الصونية يالي من تالي
رمزي ،ايه ؟؟؟؟
انا ،نبيها
سهام ،بس جدك مش ح يوقف علي هاطر صونية
انا ،مني قال يوقف الموضوع بسيط توا رموزة سمح يجري لين يوصل فيهم بعدين نطلع انا من الروشن وناخدها بس
رمزي ،بس 😮!!!
روان ،هبلتي انتي
انا ،يس هبلت هيا عموو هيا علي ضمانتي هيا نقيت لين وافق ( سامعين بي المثل متع قوليله قوليه لين يقولك باهي )
مشي عمي يجري وصل في سيارة جدي طلعت انا من الروشن جت سيارة مصارش عمي وخر بعدين رجع تاني اسلام ،حي علي المهبولة
إيهاب ،رمزي وين من هدا كلة
احمد ، معقولة ماخافتش
امل حيييييي شوفو ميس
اسمهان شني دير هدي
المهم بعد فترة خديت الصونية
انا ،واخيرا في الافلام تبان ساهله
سهام ،علي عصابي
انا ،يا يا بنات 🎶
بديت ندربك وهما يصفقة
👏👏👏👏
انا ،سوقنا مقنينتا**
يبي حلوا مييتا 🍭
👏👏
روان ،ياسواق اجري بي هلبا ****
راهي تكرش فيك كلبة 🐶
👏👏👏
إليان ،يا سواق اجري علي المية ***
متخافش علي الباترية 📼
👏👏👏
انا ،يا سواق اجري علي ميتين ****
متخافش علي العجلتين 🚙
👏👏👏👏
رزان ،كراهبنا دارو صربوت ***
ان شاء الله لا حادث لا موت 😵
👏👏👏👏👏
سهام 🤭🤭
رمزي ،🤣🤣🤣 وزاد سرعة
وصلنا جنب سيارت الولاد فتحنا الروشن
بدينا نديرو في حركات
👋👅👎
ودينا في سيباق مع الشباب
محمد زاد سرعة شوية
اسمهان (امه) وك ليا ووووك هدي هديي
محمد 😓
وصلنا للمزرعة
انا ،اخيرا
إسلام ،المهم إحنا سبقناكم
رمزي ،غير السيارة عندي معبية كان هدا متسبقوني
ايهاب ،طلع سبلة طلع
محمد ،اخر مرة تركبوني مع العزايز فاهمين
الكل 🤣🤣🤣🤣
محمد ،البنات انا بروح بيهم بعدين
رمزي ،تروح بي عيونك كيف ماجينا بروحو
انا ،اللطف حنا كيف جينا باش تفكرو في المرواح هيا يا بنات وقدنا نزلو في البضاعة ونساو ونوتو ديرنا الفطور وفطرنا الان طلعنا بكري وبعدين درنا دورة مع الشباب كان في المزرعة اربعة خيل وبعدين روحنا درنا مكرونة علي الحطب طيبوها الشباب ومع العشية الشباب بيتسابقو
روان ،مفروض فيه حضان تاني واحد بيقعد بلاش
إسلام ،إيه ديما يزرو فيا انا لكن اليوم بنتسابق يبو ولا نيبوش محمد انت اطلع
محمد ،غير اعباء ماني طالع
أحمد ،ايه انت متزوج خلاص اطلع
محمد ،قلت لا انا
انا ،باهي عندي فكرة شني رياكم يتسابقو الاحفاد قبل ويالي فوز يسابق الابناء
رمزي ،حتى هدا راي هي انا توا نستانا من يفوز طبعا مش من مستواي نتسابق معاكم كلكم
الكل هههههههه
انا ،احم احم وانا المعلق
إيهاب ،كيف ؟؟!!!
انا ،إيه نش لازم في كل سباق يكون في معلق
رمزي ،خلاص خاليها
هما قعدو يوتو في الاحصنة
انا ، قعدت نصور
انا ،🎥 احم احم اليوم معاكم انا ميس من ميدان سباق الخيل لي احفاد جمعة ال... خالينا نشوف الفرسان كيف مستعدين
انا ،يا فارس اسلام شني شعورك وانت هدا أول سباق ليك
إسلام ،احمممم طبعا هدا اكيد اول سباق ليا بس اكيد ح يكون الفوز من نصيبي
انا ،وانا نتمنالك الفوز فارس محمد وانت يا ترا هل ستفوز اليوم
محمد ،😎 اكيد اصلا اليوم يوم سعدي
اسلام ،ناسي العزايز الصبح
محمد ،امبح راك تسكت المهم ايه اكيد ح نفوز
انا ،نتمنالك الفوز الفارس إيهاب يا ترا الفوز حيكون من نصيبك
إيهاب 🤨😒
انا ،الواضح ان الغرور واصل بيك لدرحة مش فاضي ترد علنا المهم نتمنالك الفوز الفارس احمد كيف الاستعدادات ؟
احمد ،كل شي تمام مش ناقص غير الركبة فوق منه
انا ،نسبتك في الفوز اليوم
احمد ،اللهي صعب شوية الان إيهاب فارس لايستهان بيه 😊
انا ،تمام نتمنالك الفوز 😊
احمد ،كذابة تمنيتي للكل قبلي😒
انا ،ايه صحةبس انت غير 😁هادم الجمهور نبو تشجيع
ناضو البنات يعيطو
انا ،3 عدو معاي 2......١انتلق
انا ،كح كح كح غبر فيهم قريب قتلوني المهم الان لقد بدأ السباق وإلي الان احمد هو المتقدم ياليه إسلام يالي إيهاب ومحمد في الاخير ماهدا ان المجهور غير متحمس هيا اهتفو وكل واحد بدي يهتف في يالي ليه
بعدين بدو يتعركو وانا نضحك
انا ،والان الفرسان قربو يوصلو إلي خطةالنهاية واحمد قاعد في المقدمة لحضة لحضة ما هدا إيهاب يتقدم بي سرعة خيالية وااااااوااااااوااااااا والفوز من نصيب إيهاااااااب ههههههههه نزلو
انا ،إيهاب شني شعورك وانت الفايزة
إيهاب ،😂😂😂 مش عادي
انا 😐
ايهاب ،اه شني قلتي
انا ،شني شعورك وانت والفايز
إيهاب ،مافيش شعور بنستنى المسابقة الثانية وخلاص
انا 😒 وبدت المسابقة الثانية بينه وبين رمزي وفي خط النهاية الزوز مع بعض
انا ،كح كح كح شني هدا
رمزي ،انا فزت
إيهاب ،لا انا
رمزي ،قلت انا
انا ،استنو انا صورت خالي نشوفو من الفايز والكل جاء احشي راسة لين انا مشفت شي
رمزي ،قلتلكم انا الفايز 😎
انا ،هههه مبروك
إيهاب ،😒
انا ،طبعا اكيد في جائزة للفايز
رمزي ،شني هيا
انا ،شوية مشيت كلمت البنات وجيت
انا ،الجائزة هي وشرين تلفوني جبتة من اسلام ومسجل بوعا سكرت عليه
انا ،جائزة تجيبيلنا بطاطة و ومكسرات وحجات هكي
رمزي ،بالله عليك الجائزة تعطا مش تتخاد
انا ،ايه بس احنا غيرنا مفهوم الجائزة وبدت تتاخد مش تعطا
رمزي ،إيهاب ممبروك عليك الفوز
إيهاب ،لا خلاص طلعت انت الفيز
رمزي ،لالا غير زود شوف يا راجل انت الفزت
انا هههههه بلا عراك برو الزوز انت فزت في هدي وهوا فاز في يالي قبلها الخاسرين بولعولنا النار وبشوو
وطلعو زي ماقتلهم وشوية وجو ولتمينا علي الشواية
إسلام ،هدا امتى يطيب
أحمد ،صبر بالك شني المجوع هدا
انا ،محمد وين احلام
محمد ،مع العزايز
انا ،روان بري ناديها خالي نلعبو وجيبي معاك شيشة
روان ،معنديش جهد نوضي رزان
رزان ،لا منبيش نوضي إليان
إليان ،مرت خوي ولا مرت خوكم
انا ،اففف بلاش توا ناديها انا
ناديت احلام وقعمزنا دورة طبعا إيهاب مقعمز علي الشواية وقعدنا نلعبو صراحة وتحدي
اسلام ،صراحة ولا تحدي
روان ،صراحة
اسلام ،امممم منس تفضلي بين خوتك 🤨
رزان ، هدا ناوي يفتن
إسلام، جاوبي
روان ،افففف اممم احمد
إسلام ،شني وعلاش احمد 😒
روان ،سؤال وإيجابة مش زوز 😁
كل مرة يحي علي واحد وكان كل واحد ياخد في صراحة
زران ،مييس دورك
إيهاب ،صراحة ولا تحدي
انا ،تحدي
ايهاب ،اممممم غني
انا ،انا
إيهاب ،ايه ولا متعرفيش غير في سيارة تغني
انا ،طيح سعدك انا صوتي حلو
احمد ،غني بلا كثر كلام
إليان ،غني حزين
أنا ،اوك ،وخديت نفس
( ضميني من جوا الكفن **** 💔
وابكي علي روحي ...😭
غدار يا إمي الزمن **** 😵
بالوجع مدبوحي .....

عمري انطفى ...!
مثل الشميع .....!
قلبي نكوى.....!
بحر الدمع ....!

ياريت في شوفك
لاخر مرة يا أمي ..
ياريت فيي ضمك
لاخر مرة يا امي ..!

.......)
انا ،شني رايكم هههههه إلهام علاش تبكي
إليان ،حيوانة متوقعتش صوتك حلوا هكي
انا ،ههههههه توا انتي طلبتي حزيت
إيهاب ،خلاص ان اهوا الحم طاب
انا ،لا وين يا غزال مزال دورك صراحة ولا تحدي
إيهاب ،تحدي 🤨
انا ،امسك جمرة في ايدك
الكل ، شنيييي
إليان ،هبلتي كيف تبيه مسكها
انا ،والله هدا تحدي عجبة باهي نعجباشي...
مكملتش كلمتي لين هوا مسك جمرة في إيدة وفتحفتها تحت إيده
الكل 😳
انا 😏 نضنا قعدنا ساو في العشاء ومع الساعة 12 ركبنا في سيراتنا مروحيت الكل رقدو من التعب إلا انا قعدت نايضة
رمزي ،خيرك مرقدتيش
انا ،ميجينش نوم والسيارة تتحرك
رمزي ،الغلب الناس عندها منوم السيارة
انا ،لكن انا لا رني هاتفي وكان بوعا سكرت عليه وبعتلة رسالة وشفت من الروشن لقيت إيهاب يسوق والباقي راقدين انتبهلي شبحلي
انا ،ابتسمت 😊
إيهاب ،مد إيدة ورهالي كان كف إيدة كلة محروق
انا ،😳 درت لقطة متع الهنود شديت وداني و وقتلة اسفة لكن بدون كلام
إيهاب ،ضحك ضحكة خفيفة وهدي كانت أول مرة نشوف ضحكته طلع عنده غمازة علي خدة الايمن سرحت فيه هو زاد في السرعة وسبقنا
وصلنا للحوش ونزلو الكل تاعب خشو رقدو وقالو البضاعة ينزلوها الصبح وخشينا رقدنا
الصبح .....
علي سفرة الفطور خش إيهاب يجري
إيهاب ، جدي في نوضوع لازم تعرفة
جدي ،خير
إيهاب ،مش خير بكل 😓
انا 😏
جدي ، تعالا للمكتب ميس ديري قهوة
انا ،حاضر 😊
مشو للمكتب
جدي ،......
إيهاب
يتبع .....

رايكم يهمني ❤