انتقام مجنونة

الحلقة الحادية عشر

انتقام مجنونة
بقلم سولا
الحلقة حادية عشر ماقبل الاخير

جدي ،مني دار هكي
انا ،انا 😌✋
الكل في حالة صدمة
انا ،خيركم اللطف انتم سالتو وانا جاوبت
جدي ،علاش
انا ،انتقام 😌
جدي ،شني
انا ،ايه انتقام منك من يالي درته
ايهاب ،شدني انتي شني تقولي
انا ، حولت إيديه يالي سمعته
محسن ،انا قتلكم من الاول ان البنت هدي جاية بخير وحدة رخيصة جاية علي خاطر الفلوس
انا ،لالالا ياعمي متغلطش راك قاعد في حوشي ونقدر نلزك منه محد يدخل ف ألتزم حدودك
جدي ،علاش هدا كلة ويالي تبيه درتهولك
انا ،يالي نبيه انت عارف شني نبي اصلا انت كل يالي همك سمعتك بين الناس وميهمك شي تاني حتى لو لدك مات قدام عيونك
ان صدمو الكل
جدي 😳 انتي شني تقولي
انا ،يالي سمعته قتلو ولدك ومرت ولدك قدام عيونك وانت ساكت متكلمتش واختي الله اعلم وين ديارها يمكن حتي هي ماتت ومكفاكش هدا ولعت في الحوش النار وغير هكي غيره نتيجت الطبي الشرعي وخاليتهم ماتو بي الاختناق دخان مش بي رصاصة في راس بوي وحدة في قلب امي ماتو في وقتهم متعرفش شفت كل شي بي عيوني مقدرتش نتكلم والمسكينة اختي نازلة لابيها لعليها تغمها تخطفها ومسدكش هدا كلة واتهمتني مجنونة محطيتني مع المجانين ثلاثة سنين مسالتش عليا وجاي توا تقولي ندرلك شني تبي
إيهاب ،انتي شني تقولي
انا ،نوضحلكم في الحقيقة يالي غايبة عليكم كلكم مش هكي بس مهدم الحوش الان كان يبي ورق مشمعرف وين محطوط هل انحرق مع النار ولا لا هدا علاش ردلي الحوش وخلاني نظفة صح والله بس يالي متعرفاش ان بوي عنده خزنة محدش يعلم بي مكانها وانا شفتها صدفة وهداك اليوم لما روحنا من الحوازة متعب قلكم رقتو إلا انا مشيت للحوش وفتحت الخزنة وخديت الورق وصلتهم لي واحد نعرفة وهوا كمل الاجرات نحبس مني مني شني كان اسمه إيه صح سفيان و وطبعا جدي خاف ان يقول عليه دز حد بقتله في الحبس يناري عليه جدي طلع خاين العشرة وطبعا لما انحرق حوشك يا جدي انا يالي لعبت بي المحول وخليت النار تولع في الحوش و بعدين خلتك توقع علي الاملاك دون علمك وطبعا هدا بمساعدة إيهاب الان كان يحبني وعامي علي قلبه المسكين بدون علمه ساعدني
إيهاب، تفكر يوم يالي خبطت فيه
كل شي كان ماشي تمام لليوم يالي قرر فيه حضرتك تزوجني من إيهاب هدا مكانش علي البال بكل فكرت اكثر من مرة نوقف يالي ندير فيه علي خاطر إيهاب الان بجد انا حبيته بس انتقامي كان اقوي وكملت فيه طبعا خطتت هدا كلة في ثلاثة سنين يالي قعدتهم في المصح وجيت وقعمز علي ركابي قدام جدي
انا ،انا مش شريرة ياجدي مش شريرة كل يالي درته محسرتي خليتني يتيمة بين يوم وليلة وحرمتني من حنان الام وعطف الاب هدا كلة علاش بس علي خاطر سمعتك وفلوسك يا جدي تعرف الورق كانت حتودرك انت بس في النهاية انت جدي مسخيتش فيك تخش للحبس في هدا العمر 😢 طلعتك منها القصة اخليت بس المجرم يتعاقب بس في نفس الوقت وجعني قلبي الان انت قعدت ساكت ومتكلمتش المهم توا رتحت شوي بس نبي نعرف حاجة وحدة اختي وين لو ميتة قولي بس
جدي ،ابتسم مسحلي دموعي في الحفظ والصون متخافيش اختي عندي تبيها نجيبهالك
نصدمنا لما ابتسم كأنة مهماش يالي نقال كله
جدي ،كنت بنجيبها يوم زفتك لكن توا ندير تلفون وتكون هنا
انا ، جيبها
جدي خدي تلفونه ودار اتصال ورجع قعمز بحداي
جدي ،سامحيني يا بنتي مقدرتش نحافظ علي امك وبوك سامحيني بس وقتها مقدرتش ندير شي الان هو كان نفوده اقوة مني لوفتحت فم احتمال كان يقتلني حاولت اكثر من مرة مع بوك انه يسكت بس بوك مكانش يبي يسكت وياكل حق الناس زيك بي الزبط صح مهدمتش الحوش علي خاطر الورق قنت نبيهم مش باش نحمي سفيان لا بي العكس كنت نبي ندفعة ثمن لكن فجاء طلعتي انتي قدامي ورديتيلي يالي كان غايب في بالي من السنين ضحكتك ومشيتك وحتي صوتك نسخة من امك تعرفي امك كانت معزتها عندي اكثر من الثانين وشجاعتك ونبرة صوتك لما تعصبي زي بوك وتعرفي بوك الوحيد يالي كان يقدر يطلب مني حاجة وكان قلت لا يواجهني بي المنطق وونرجع نقولة باهي يا بنتي صدقيني ندمت علي هداك اليوم ندمت الاني شتت العيلة كلها حولت نمشي نشوفك لكن بي أي وجه بنقابلك كنت خايف من رد فعلك مكنتش نبي نخسرك انتي وسرين انتم الواحدين يالي قعدة فيهم صنتهم عارف مهما نقول مستحيل تسامحيني لكن يالي نبي نطلبه منبيكش تكرهيني
انا ،كيف بنتكلم
شرين الحوش طلعت نجري طلعو الكل معاي افتحت الباب لقيتها واقفة قدامي
انا، سرين🥺
سرين ،ميس 😳
انا ،ايه وحضنتها وقعدنا نبكو
وبعدت عليها شوية ونمس في خدودها وجها وطولها كبرتي والله كبرتي سرين استحشتك دورت عليك هلبا بس ملقيتكش
سرين ،ميس 😭😭😭😭 قداش كنت مستاحشاتك ونحكيلك ونشكيلك شني صار فيا بس كنتي بعيدا
انا ،خدوك مني يا نور عيوني لكن معاش بنخليهم يخدوك تاني 😭😭😭 انا ...انا...م......
إيهاب ،ميييييس وجي يجري شدها
سرين ،ميس ميس خيرك
ايهاب ،خبط علي وجها ميس فيقي لكن لاحياة لما تنادني
جدي ،دخلها لي دارها خالي ترتاح
إيهاب ،قامها بي دخلها لكن كانت شادة في إيد سرين
سرين ،شافت وراها وكان فيه راجل طول وعرض وشرلها بي معنا خشي سرين خشت مع إيهاب لين حطاها علي السرير وهي شادة في إيد سرين طلعو وخلوها مع سرين
.......
لوطا الرجالة قعمزو في الصالة والنساوين دار الجلوس حايرين
حسين ،توا شني بصير يا بوي
جدي ،مابصير شي
حسين ،كيف مابصير شي متخليلها الاملاك
جدي ،حقها
حسين ،حق من....
جدي ،خلاااص معاش تعالي صوتك
صلاح ،لكن يا بوي بلكي دير فينا حاجة
إيهاب ،لالا مش حدير شي
حسين ،شني خليك واثق فيها هكي
إيهاب ،صدقوني حترجع وتسلم الاملاك بروحها
اسلام ،كنت واثق فيها قبل لكن شني دارت عكس
جدي ،انهوووو إسلام برا قللهم ديرو قهوا عندنا ضيف
ضيف ،لالا متعبش روحك
جدي ،اصلا انا نبي نوض يا سلام
.......
إسمهان ،ريتو ميطلع منها المجنونة
سهام ،متوقعتش ممكن دير هكي
أسمهان ،اصلا عرفتها جيتها مش علي خير
إليان ،ميس نغلطتش لو كنت في مكانها كنت ندير احرف منها
أسمهان ،مغلطتش عيونك يا....
امل ،التزمي حدودك لما تتكلمي مع بنتي بعدين كلامها صح
أسمهان ،اسكتي انتي وبنتك تحبو ميس شوفو شني دارت فيكم خلتنا بلا حياش وبدون ورث
روان رزان ،ماااماااا
سهام ،انتي همك في الورث 😠 معنها باهي يالي خداته ميس علي الاقل تعرف كيف تتصرف فيه
.......
انا ،فتحت عيوني سرين
سرين ،عيونها
انا ،واخيرا تلاقينها بعد ثلاثة سنين وشهرين
سرين ،ههههه ايه والله مش مصدقة عيوني بس قوليلي شني صاير هنا
انا ،توا نحكيلك بعدين لكن توا تعالي معاي
.....ايهاب مقعمز يهز في رجليه بي توتر
شوي ونزلت ومعاي سرين ومعاي شنطة حاطة فيها حوايجي
إيهاب ،اول ماشافني وقف خل الكل ينتبهولي
خليت الشنطة جنب سرين وقدمت لي جدي
انا ،جدي ياريت تسامحني بس ملقيتش حل غير هدا ونزلت راسي
حسو بيا الكل طلعو
جدي ،شد راسي بين إيديه سامحيني انتي يا بنتي انا مقصر في حقق ولازم الكل نطلبو السماح منك
انا ،متقولش هكي المهم هدا الورق التنازل تنازلت علي الملاك لي إيهاب مش عارفة علاش درت هكي لكن هوا اول واحد جي في بالي وانا متأكدة يكون نفس المسؤلية يالي عطيتهاله سامحني وان شاء الله نشوفك علي خير
جدي ،ابتسم وحظني واشر لي سرين تعالي جت حتى هي وسلمت علي الكل أسمهان مبتش تسلم عليا فتها
جيت وقفت قدام إيهاب
إيهاب ،متمشيش
انا ،بعد يااي درته منقدرش نقعد
إيهاب ،بنستناك
انا ،نحيت الدبلة من صبعي حطيتها في إيدة لا متستنانيش وتلفتت علي الضيف يالي عندنا
انا ،حاتم صح
حاتم ،ايه
انا ،ممكن توصلني مشوار علي طريقك
حاتم ،اكيد
انا ،سلاااام
رمزي ،ميس مني بغنيلي في عرسي
انا ،انت غير اتزوج حتلقاني يوم زفتك
رمزي ،وعد ؟؟؟
انا وعد 👋👋
وركبنا في السيارة
انا قبل لا تتحرك السيارة نبي نعرف امتى تزوجتو غير بكري مش فاضية بيكم 🤨
سرين ،🤣🤣🤣🤣
حاتم ،😳
انا ،خيركم احكو
.........
بعد سنتين
......
روان ،رزااااان
رزان ،خير بلااك
روان ،جيبي الكلينكس
إليان ،جيبي معاك صفرت العبمبر
رزام ،ايح باهي باهي
امل ،إلهام بري مع بوك جيبو البكلاوى
إلهام ،حاضر
نوران ،جابها بكري احمد ورميتها في دار عمي رمزي
أمل ،تمام وين مرت عمك
نوران ،تلبس في سهام في البودري
......
احمد ،يا رمزييي
رمزي ،تي خيرك ياراجل مش فاضي بكل
احمد ، غير تعالى يا عريس
.......
يتبع