انتقام مجنونة

الحلقة العاشرة

انتقام مجنونة
بقلم سولا
الحلقة العاشرة

ايهاب ،ميس ميس
انا ،فتحت عيوني شوية إيهاب
ايهاب ،قامني بين إيديه وطلعني
سهام ،ميس 😳
روان ورزان وإليان 😭😭😭 علي خشت جدي ورمزي
رمزي ،شني صاير😳😳😳
جدي ،😳 ورجعت بيه الذاكرة
رمزي ،يا بوي خيرها ميس
جدي ،شكلها استنشقت الدخان
رمزي ،وخالد ومرته
جدي ،ملقيتهمش
سهام ،وسرين
جدي ،حتى هي مهناش منعرفش وين مشت
اسمهان ،اكيدة هربت مع واحد
سهام ،مسكينة ميس
جدي طمنا يا دكتور
الدكتور ،صار معاها انهيار عصبي وهدا مش كويس الان احتمال يسببلها حالة نفسية
سهام ،كيف وضعها توا
الدكتور ،حاليا وضعها مستقر نستنو في التغدية اتم وتقدرو طلعوها حاولو تبعدوها عن الضغوطات النفسية
امل ،شني يعني حالة نفسية
.....رجعة للحاضر
إيهاب ،فتتحت عيونها
انا ،كح كح كح سندها إيهاب عليه
إليان ،انتي كويسة
انا ،ههههه خيركم تبكو
سهام ، خوفتينا عليك
انا ،العافن ميموتش
ايهاب ،تقدري توقفي
انا ،ايه ايه وقف حسيت بي دوخة شدني من كتافي
ايهاب خالي نساعدك
جدي ،كيف ولعت النار
سهام ،منعرفش كنا نهدرزو برا بعدين شمينا صنة الدخان وميس كانت راقدة
جدي ،رمزي شوف حد يعرف شني سبب النار
رمزي، حاضر
خشيت حطوني في دار إليان
امل ،تبي شي نادي علينا
انا ،حاضر 😊
إليان ،انتي اليوم ضيفتنا فانسمحلك تقعدي في داري
انا ، دمعت عين من كرمك
روان،ههههه انتي مش في وضع يسمحلك تتباردي
انا ،ب....
إيهاب ،خلاص انتي وياها اطلعو خلوها ترتاح
رزان ،خاطب توا بحنى مني يقدرك
ايهاب ،🤨
رزان ،طالعين طالعين وطلعو
إيهاب ،وانتي ارتاحي تبي شي كلميني
انا ،علاش دير في هدا كلة
إيهاب ،كيف
انا ،تختم بيا علي اني بنت عمك يتيمة ولا علي خاطر خطيبتك
ايهاب ،لا هدا ولا هدا علي خاطر ان انتي حبيبتي وطلع
انا ،😳 حطيت ابديا علي خدودي
انا ،انا خيرني سخنت .... طلع يحبني .. لا شني يحبني هدا اكيد يتسهوك ..... لا شني يتسهوك اصلا هوا عمرة مكذب ...زعما حق يحبني ... لالا شني يحبني هدا انا مسكرة بابه مستحيل .... علاش مستحيل انا بنت ومن حقي نحب وننحب .... ايه بس مش توا لالا الوقت غلط .... كان يعرف شني مخطيته يكرهني ..... احسن شي نرقد
.....
ايهاب ، سارح في تفصيل ميس
احمد ،يتهنى
ايهاب ،مني ؟
احمد ،يالي تفكر فيه
إيهاب ،ابتسم
احمد ،استغل الفرصة
إيهاب ،شني تقول
احمد ،انت كداب لو تقولي متفكرش في ميس واستغل فرصة ان هي عندكم وقوللها ان انت تحبها قوللها قوللها
إيهاب ،غير بي الشوية وانت معاش سكتت اسكت باش نحكيلك
احمد ،🤐
إيهاب ،قلتلها
أحمد 😮 ايه شني قتلك
إيهاب ،شي شني بتقول يعني
احمد ، قولي كيف قلتهلها
إيهاب ،بصراحة اممم .....وحكالة
......
رزان ،تحسو في إيهاب تغير صح
روان ،ايه
إليان ،هلبا مش شوية تعرفو من هديك العركة انا وياه ودخلت ميس بدي كل يوم يسأل فيا شني ناقصك ولا تبي حاجة
إلهام ،حتى انا يقولي فيها
روان ،وجدي مقدر يسيطر عليه حد غير ميس
رزان ،ايه وإسلام قريب يموت منها اللطقة هدي
إلهام ،تعجب فيا انا ميس تحسي فيها متسكتش علي الغلط
روان ،ايه لكن تسخف فيا علي هاطر يتيمة
إليان ،مراة هدا علاش جدي يدلع فيها
رزان ،بصراحة ميس تستاهل
الكل ،ايه
........
يوم جديد
نضت علي تلفوني يشرين
انا ،الو بدون منشوف المتصل
بوعا ،ميس
ميس ،همممم
بوعا ،راقدة
ميس ،هممم
بوعا ،صحصحي في موضوع لازم نحكو فيه
ميس ،نحك في عيوني شني فيه
بوعا ،سفيان
ميس ،خيره
بوعا ،لقوه مقتول في الحبس
ميس ،😳 كييييف
بوعا، ايه
ميس ،ومني قتلة
بوعا ، منعرفش لكن سمعت ان اليوم يالي قبلة جدك زاره
ميس ،اممم تمام تمام
بوعا ،شني جوك سمعنا انحرق حوشكم
ميس ،ايه جت سليمة مافيش ضحاية
بوعا ،سكرتي راسك ودرتيها
ميس ،كان لازم يدوق يالي دقته
بوعا ،تمام ديري بالك علي روحك
ميس ،سكرت من بوعا وقفت علي الروشن
.......نرجعو
انا ،بنرقد
سهام ،باهي خشي ارتاحي
انا ،خشيت وقعدت نستني في سهام تطلع وطلعت وانا نزلت لي المحول الرئيسي متع الكهرباء و ولعبت فيه شوية بعدين فتح ضوء صالة فصارت ماصة في الحوش كلة ولعت النار في الصالة بعدين ركبت لي دار وكأني مدرت شي
.......
إليان ،صباحو نضتي
انا ،صباحو
إليان ،قتلك ماما انزلي افطري
انا ،باهي نغسل وجي ونجي
إليان ،تمام
غسلت وجهي وجيت بننزل تفكرت كلة إيهاب توترت
انا ، هدي ميس هدي متشوفلاش باش متتوتريش ونزلت
انا ،صباح الخير
الكل ،صباح النور
امل ،تعالي قعمزي هنا
انا ،حاضر وجت تقعميزتي مقابلة إيهاب وقدنا نفطرو ونتجنب في نظرات ايهاب ليا
سهام ،توا كيف بنديرو بنقعدو هنا
امل ،وشني فيها اقعدو ونسوني
صلاح ،ايه هدا حوشكم قبل مايولي حوشنا
سهام، بوي عندي اقتراح
جدي ،شنو
سهام ، حوش خالد مش سواتة ميس والبنات
انا ،شبحتلها
جدي ،ايه
سهام ،الحوش نضيف مانقصة شي غير الاثاث والاثاث مش صعب ونسكنو فيه
انا، ( برافو عمتو سهلتي عليا المهم )
انا ،ايه جدي يعني اقل شي نستفيدو منه الحوش خير من قاعدتة هكي
جدي ،شبحلي وبعدين شبح لي إيهاب خودهم وطلعهم يا خدو الاثاث
إيهاب، حاضر
انا ،ابتسمت 😊 شبحت لي إيهاب
إيهاب ،ابتسم وغمزلي 😉
انا 🙄
إيهاب ،😂
طلعنا نشرو في الاثاث وتغدينا برا
وبعدين رو٠نا نع المغرب وغدوا بيرفعو سيارة باش يجيبو الاثاث بعدين مشينا انا والبنات نديرة في مسحة لي حوش
وروحت خشيت لدار إليان ودوشت ولبست توتة وطلعت مشيت لي دار إيهاب
طق طق
إيهاب ،تفضل
انا ،فاضي
إيهاب ،شني فيه
انا ،زي متعرف انا انحرق الحوش وانا توا معنديش حوايج نبي نطلعو غدوا ناخدو حوايج وانا وسهام
إيهاب ،اممم باهي لكن بي شرط 😏
انا ،شن 🤨
إيهاب وقف وسكر الباب وقرب مني
انا ،إيهاب بعد شني دير هوا يقرب وانا نبعد لين لصقت علي الحيط
انا ،إيهاب 😨
إيهاب ،لو تبيني نرفعك هاتي بوسة
انا ،شنييي تحلم
إيهاب ،نحلم !!! وزاد قرب حاولت الدفه بس شد إيديها
انا ،ارخيني حول
إيهاب ،لاا
انا ،لا فعينك حول خلاص معاش نبي نمشي حول
إيهاب ،مش بي مزاجك
انا ،نعيط ره
إيهاب ،عيطي علي فكرة انتي في داري لو عيطي بتطلعي انتي الغالطة ونزوجو ابكر
انا ،إيهاب ارخيني باللهي عليك
إيهاب ،زاد قرب منها لدرجت اخطلت انفاسهم بي بعض
إيهاب ، ميس انا نحبك
انا 😳
إيهاب ،مش عارف يالي درتيه فيا شني لكن شعور حلو عمري محسيته قبل حبتك كل شي فيا يبيك مش قادر نحولك من تفكيري انتي ملكتيني يا ميس ملكتيني
انا ،😳 نزلت ( لازم يعرف بي يالي قاعد يصير لازم نقولة باش معاش يحبني لازم ) قمت راسي
انا ،إي....
قاطعها بي بوسة 💋
انا ،حولت ندفة بس هوا كان شادها لين استسلمت ورخت روحها وهوا وين حسها رخت روحها رخالها إيديها وهي شبكتهم ورا راسه وهوا دخل إيدها في شعرها
الباب ،طق طق
انا ،فقت علي روحي وحولت ندفة بس هوا قاعد يبوس
انا ،تكلمت بي الشوية إيهاب
الباب ،طق طق
إليان ،إيهاااااب
بعد شوية لكن قاعد ماسكها
إيهاب ،شني تبي
إليان ، نبي خبط الشحن افتح
إيهاب ،نغير صبري بالك وهمسلي اقعدي متتحركيش خدي سلب التشيرت المتعه وقعد في كنتيرة وخدي الشحن وفتح الباب
إيهاب ،معاش توريلي وجهك
إليان ،شكرا تصبح علي خير
سكرا الباب ورجعلي وانا كنت سرحانة في يالي صار وجي قرب مني تاني لكن المرة هدي دفيته
انا ،حول بعد
إيهاب ،😏 توا كنتي دايبة شني جاك
انا ،نحسابها ديما سايبة وجيت بنفتح الباب شدني شبحتلة
انا ،حول 😠
إيهاب ،صدقيني معاش مزال هلبا باش 🔞🔞🔞ذ
انا ،احلم حول وفتحت الباب ومشيت لي داري غسلت وجهي وشبحت للمرأة تفكرت يالي صار حطيت إيدي علي فمي
انا ،شني صار معاي انا معقولة حبيته غمضت عيوني رحته قاعدة في حوايجي ابتسمت
إيهاب ،بعد ماطلعت حطيت إيدي علي فمي ابتسمت وتكيت علي السرير لين خداني النوم ورقدت ثاني يوم طلعنا لكن رفعنا رمزي مش إيهاب الان إيهاب يبيه جدي
وثاني يوم جابو الاثاث وطبعا انا اخديت داري قبل وسهام خدت دار سرين وجدي اخدا دار الضيوف ورمزي خدي المربوعة دار امي وبوي قعدت مسكرة في خلال يومين سكنا مزال اسبوعين علي عرسي
حاطة السمعات في وداني نسمع في جدي وإيهاب يتكلمو
إيهاب ،جدي في ملف للشركة لازم توقعة
جدي ،ملف شني
إيهاب ،ملف الوردات متع .....
جدي ،وينه ؟
إيهاب ،نسيته في السيارة توا نجيبه
.....
انا طلعت من داري علي خشت إيهاب
إيهاب ،لما شافني قرب مني
إيهاب ،مزال اسبوعين يا حلوا
انا ، احلم 😌
إيهاب ،توا نشوفو وزاد قرب
انا ،نادي جدي ره
إيهاب ،بعد سيورك وتحصلي ومشي كيف وصل للباب
انا ،إيهاب
تلفت نعم
انا،الورقة هدي طاحت منك
قرب مني وانا جبت الملف وخرت حطيت الورقة فيها بعد متفكرش تقرب
إيهاب ،انتي ناديتيني
انا ،ارميت الملف لوطة بعيد عليه 😜 ومشيت جري
إيهاب ،هبلت والله وخديت الملف وخشيت لي جدي وقع الورق وكلمته شوية وبعدين طلعت وانا نازل من الدروج شرين هاتفي
إيهاب ،الووو
انا ،شفته نازل خديت تلفوني ودىت روحي لهيا معاه وخبطت فيه طحوالملفوالورق حاس
انا ،اسفة مشفتكش
إيهاب ،صكر التلفون مشفتينيش ولا درتي روحك عميا وقرب
انا ،إيهاب خليك بعيد ووقعدت نلم في الورق وهوا يلم معاي
ايهاب ،معقولة الجمال هدا كله ليا
انا ،شبحتله ،ايه شفت امك دعيتلك بوس إيدك علي النعمة يالي عندك
ايهاب ،شد إيدي وباسها
انا ،توترت ا ان انا قلت ايدك مش إيدي
إيهاب، مش فرقة انا وانتي واحد
انا ،لا شكلك بديت تخرف احسن شي النوض
إيهاب ،شد إيدي نهون عليك تخليني 🥺
انا ، قربت منه وراسك ......تهون 😝وهرب منه
إيهاب ،😳 بسيطة يا ميس توا تشوفي
رجعت من فوق الدروج
انا ،إيهاب غدوا ترفعني للكلية راه
إيهاب ،مش فاضي
انا ،اوك توا نقول ل إسلام وانت عارف اسلام ك....
إيهاب ،اسسي خلاص توا نرفعك
انا ، نجيك ليا 😜
ومشيت لي دار وطاعت الورقة يالي خبيتها في ملابسي وابتسمت
انا ،من اليوم انهيت يا جدي 😏
......
يوم جديد في الطريق ماشية للكلية
إيهاب ،امتي روح بيك
انا ،متعبش روحك توا نكلم رمزي وجيت بننزل
إيهاب ، شد إيدي تعرفي نجي بعدين نلقاك واقفة علي الولد هداك نبحك
انا ،ميجيش لازم نردلة الشيت
إيهاب ،نازل معاك
أنا ،مش قلت مش فاضي
إيهاب ،توا فاضي انزلي
انا ،إيح علينا
ونزلنا وخشينا للكلية العيون كلها عليا
بعدت رسالة لي فاتن وين انتي
رد عليا في الكفتريا معا ربيع نستنو فيك
انا ،تعالي منه اكيد اهنا
إيهاب ،وانتي شني عرفك
انا ،الان صاحب صحبتي توا بعتلها رسالة قتلي هنا
إيهاب ،باهي هي وخشينا للكفتريا وعيون كل عليا
انا ،صباحو وسلمت علي فاتن وبوعا مد إيده بسلم سلم علي إيهاب
إيهاب ،شني تبي في البنات خليك معاي
بوعا ،عفوا 😠
انا شديت إيد إيهاب ،إيهاب خلاص مدار شي هوا
إيهاب ،شبحلي حتي انا مدرت شي وخدي الشيت من ايدي وحدفه عليه
أنا ،إيهاب مش هكي احترم نفسك عاد
بوعا ،ساكت ميبيش يغلط قدامي
إيهاب ،انتي اسكتي ونحصل ونلمحك بس نلمحك واقفة معاه ندفنك فاهمة 😡
انا ،الجو كان متكهرب كان بنقول كلمة بزيد يولع
انا ،تعرف تولي احلى لما تعصب
فاتن وبوعا 😳
إيهاب ،شني تخرفي
انا ايه زي مسمعت مزال لما تضحك توالي أحلى
إيهاب ،ابتسم هبلة والله قدامي لي محاضرتك
بوعا ،شني صار توا
فاتن ،الواضح ان هي تحبه
بوعا ،( وانا حتي انا نحبها لكن هي تعتبر فيا صديق ) تنهد بقوا وشد الشيت وقعد يشوف فيه لقي في الصفحة الاخيرة
( اسفة علي الوقف البايخ هدا هدا لما يعصب معاش يشوف في شي قدامة اسفة مرة تانية في ورقة في الشيت زايدة تصرف فيها 😉)
بوعا ،المشكلة منقدرش نقول لا
فاتن ،شني ؟؟؟
بوعا ،سلاام وقت علي محاضرتي مشي
فاتن ،شني صاير توا اليوم مش طبيعي والله
.......
فات اليوم وانا نحاول نتواصل مع بوعا بس ميردش علي رسائلي ولا مكلماتي
انا ،اففف شكلة متكنطي من إيهاب
في اليل تعشيت وضميت المطبخ وهدرزنا شوية بعدين ركبت لي داري لقيت بوعا باعتلي رسالة
( كل شي تم علي خير يالي تبيه صار من غدوا كل شي بي ليك ليليتك سعيدة )
وقفت علي روشن وحولت نتصل بيه بس مردش
انا ،بعدين معاك رن هاتفي إيهاب
انا ،الووو
إيهاب ،خشي صقع قمت عيوني قابلني واقف علي روشن
أنا ،وانت مش صقع عليك
إيهاب ،تخافي عليا
انا ،أكيد مش عديمت الاحساس انا
إيهاب ،لمها يالي تخاف عليا وقعدنا نهدرزو وخشينا في سبوع العرس
انا نطلعو حكم كل يوم نبضعو ونوتو للكسوة أحمد وإيعاب وعرسي ولعد العرس بي أسبوع بنخش في الامتحانات
رمزي ،إيهاب برا معاي للمصرف باش نسحبو شوية فلوس ونشوفو الصالة
إيهاب ،تمام وومشو للمصرف
موظف ،اسف متقدروش تسحبو
رمزي ،علاش
موظف ،للاسف توقيع الشيك مش نفس توقيع الحساب
رمزي ،من وين طلعتولنا توا بي هدا دوما نسحبو شني الجديد
موظف ،هدا لالي عندي
إيهاب ،زيد تاكد
موظف ،شوف بعينك ها
إيهاب 😳
رمزي ، تخريف هدا
إيهاب ،هدا توقيع ميس
رمزي ،انت شني تقول
إيهاب ،إيه توقعها شوف ركز هدا اسمها
رمزي ،الموضوع مش طبيعي لازم نشو للشركة نتاكدو
.......
احنا نقعمزين وضحكو وجونا حلو خشو علينا رمزي وإيهاب وجوهم ميتفسروش
إسلام ،خيركم اللطف تقول قاتلين حد
الزوز ساكتين الكل قربنا منهم وإيهاب عيونة عليا
جدي ،خيركم
رمزي ،رفضو الشيك
جدي ،وباهي علاش وجهك مقلوب
رمزي ،،ماهو مش هنا المشكلة
جدي ،تكلم شني فيه
رمزي ،الان حساب تغير
جدي ،🤨 تكلم بسرعة
إيهاب ،يعني في حد خدي الملاك كلها وحتي حساب المصرف لي إسمه وشبحلي
كل انصدمو
انا ،😏
جدي ،منى دار هكي
انا ، انا 😌✋
الكل مصدوم 😳
.......
يتبع

رايكم يهمني ❤