شغفها حبَّاً

شفغها حبَّاً(الجزء الخامس والعشرون)

بتصحا شغف وهية تعبانة كتير ومرعوبة،من حلم أو كابوس مدايقا كتير

بتشرب كاسة المي ومن كتر ماعم ترجف بتوقع من ايدا،بتجي امها عصوت الضجة يلي صار

ندى:شغف،بنتي انتي منيحة

بتصير شغف بتبكي لسا متأثرة بلمنام،وامها بتضما
ندى:شبك ياعمري انتي
شغف:أمي مالحقت..مالحقت افرح،مالحقت بنوب

ندى:اهدي يانضر عيني انتي تعاوذي من الشيطان وكلو رح يكون منيح..

بتروء بعد شوي،وامها بتروح لتعملا شي دافي تشربو

بتعصر مخا كتير شغف،هيييك لتطلع بتفكير واحد

شغف:أنا شفتو لهلمنام..شفت انو بعد الحادث صرت عميا،بس ايمتى،معقول وانا بلغيبوبة؟طبعاً لكن ايمتى..

بيمرء كم ساعة بعدين بيجي يوسف

بيدخل لعندا بس كانت متدايقة
يوسف:ليش معصبة هلقد؟
شغف:مو حابة احكي
يوسف:طيب فيكي تسمعي؟
بتطلع فيه بطرف عينها

بيجيب رواية من الروايات الجديدة وبيأعد يقرأ،شوي شوي بتندمج معو شغف،وبتنسى الموضوع يلي صار معها

شغف بتقاطعو وبتقول بجدية وهي منسجمة كتير:بس هاد اسمو غباء،أنا لو مكانو،برفض وببقا ع قراري وكرامتي اهم ولا انت شو رأيك

بيمثل يوسف الجدية وبيكتم ضحكتو:واللهي إن جيتي للجد،أنا شايف أنو هيك بنت مابتتفوت،لهيك بعمل متل ماعمل البطل وبلا كرامة بلا بطيخ،لك مجرد ماشرحو تفاصيل البنت انا دخت فيها

بتفتح عيونها عآخرن وبتقلو بعصبية:لأنكم جنس عاطل

يوسف بضحكة:شو؟؟
شغف:أي نعم،انتو الرجال كلكم نسونجية،روح من هون يلا،يلا يلا وهات هي من ايدك،وشكراً ألك ماعاد بدي تقرألي قال آعد بيتخيلي البطلة كمان،مو ناقص غير تعشقها ومابعرف شو

يوسف بيغمزا وبيقلا:نذكرك شغف خانم؟نذكرك بكم واحد وقعتي بلغرام ومابعرف شو

بتتذكر الملاحظات يلي أكيد يوسف قرأن كلن وبتقلو بخجل:أاا..اصلاً هدول قبل..يعني قبل ماأعرفك

بيفرح كتير أنو عم يقدر يزلقا بلكلام،بيقرب بحركة هجوم لعندها وبيقعد جنبها:شو قلتي؟بلله عليكي تعيدي

شغف:لك..ولا شي شو بدي قول يعنييي
بيمسكا من دقنها باصابعو وبيبرملا وجها مقابل وجهو وبيقلا:عينك بعيني لشوف..

بينكتم نفسها،وبتحس قلبها رح يوقف،وماعاد يطلع من تما حرف
يوسف بهمس وحنية:هاا..احكي سامعك
شغف بترفع حواجبها لفوق
يوسف:شو؟احكي انا مابفهم بلغة الاشارة

شغف بصوت يادوب طالع:بأ...بعد شوي ممكن بس شوي

بيبعد نتفة صغيرة
شغف:لاكمان شوي

بيبعد كمان،فجأة بتهرب من قدامو وبتوقف مقابل الشباك وبتعطيه ضهرا
شغف:يوسف..اناا انا كتير يعني..تعبانة فيك تتركني لحالي

مابتحس إلا صار وراها وهمسلا:لأ..ماحذرتي،ماعاد فيكي تتخلصي مني

بينهز جسدها من وجودو قريب هيك منها

بيبعدها شوي وبيوقف قدامها بتضرب الشمس بعيونها،وهو بيدوب فيها

يوسف:تذكرت هداك اليوم،جنب المعهد برا..تتذكري؟
شغف بهدوء:هأ
يوسف بيعرف أنها عم تتناسا:أمم..تعي لذكرك،يوم جبتلك نسكافيه..

شغف:أي..تذكرت

بيطلع يوسف وشاح صغير من جيبتو،متل فولار عنق،وبيمسحلا طرف خدها فيه بنعومة

بعدين بيقلا:مسكيه..فيكي تكتبي ملاحظتك وتضيفيه علذكريات يلي عندك بلخزانة

بتطلع فيه
يوسف:وشاح وهم بقصة #انفصام_عاشقة متلو تماماً

بتفرح كتير وبتسحبو من ايدو
شغف:ياي مو معقول،عنجد أيي هو ذاتو
بيكتم ضحكتو،وكأنو هية شايفتو من قبل

بتركد من قدام عيونو بحركات طفولية بتفتح خزانتا وبتحطو،بتكتب ورقة وبتحطا فوقو

بيقرب لعندا يوسف:أنا رح امشي..بس قبل ماامشي بدي قلك شي

شغف:قول
يوسف:هي الحركات يلي عملتيها هلأ،إذا بتعمليا قدام شخص غيري..مارح يحصل خير

بتهز راسها بإيجاب وبيروح

واخيراً بتاخد نفس بهدوء

بيمرء فترة اسبوع،يوسف ماعاد اجا يومياً،بس عطول بخيالا،وبلفعل تارك بصمتو بكل مكان،صارت تفتح روايات قديمة لتقرأ ملاحظاتو يلي تحت ملاحظاتها وتبتسم،ومن جوا قلبها تفرح وتحس بصدق مشاعرو،كيف قدر يحبا هيك وكمان يغار عليها،حست بأنانيتو فيها

بس بكل يوم،قبل ماتنام يتعبا التفكير،والمنام عم يتكرر عندها

بس بيوما تعبت زيادة وصحيت عم تبكي،حاولت ندى تهديا وماحدا عرف شبها،لوقت أجا يوسف..

بيفوت وهية بتسكت،بتروح امها وبيبقو لوحدهم

يوسف:كيفك شغف

شغف بعصبية:مو منيحة..مو منيحة بنوب
يوسف:شبك؟طيب احكيلي
شغف بينزلو دموعا بدون إرادة:وعدتني تبقى جنبي واثق فيك،وليكك عم تتركني شوي شوي،عم تعلقني فيك وتتركني،بكل مكان انت موجود،بعقلي وبكل زاوية بغرفتي وحتى بمنامي..(بتسكت لحظات بتطلع بعيونو وعيونها كلن دموع،بتحرق قلبو بنظرتها وبتكمل):وبقلبي..

مابيقدر يتحمل بيقرب لعندها وبيخطفا بحضنو بقوة وشغف

شغف:خليتني حبك،لاتتخلى عني معناها،لاتتركني..طول الوقت مخبية مشاعري قبل الحادثة،لكن هلأ ممنوع تتركني..أنا غيرن كلن صح،انت حكيتها،وحبي رح يكون غير..مشاعري قوية،يعني كل مشاعر الحب يلي كاتمتا بقلبي،رح تنصب عليك دفعة وحدة

بيشد اكتر بضمتو وبيقلا:وانا رح احتويكي،واخد هلحب،وكون مخلص واعطيكي اضعاف،لك أنا بعشقك

شغف:معناها ساعدني،أنا تعبانة
يوسف:احكي شو متعبك،وانتي بحضني،ورح آخد كل وجعك لجوا قلبي

شغف:نفسيتي متدمرة،في مشاعر غريبة ومنامات وخيالات،انت موجود بس مو انت
يوسف:كيف يعني؟
شغف:واللهي مابعرف

بيبعدها عن حضنو وبيمسحلا دموعا

#سارة_العلي💙 #يتبع #حكاية✒ #قصص @hekaea_tna