شغفها حبَّاً

شغفها حبَّاً (الجزء الرابع)

..
يوسف:هسس هلأ بيكونو الاساتذة وصلو..
لينا:تمام يلا نفوت

بينتبه يوسف لشغف انها مو عبعضها بس بيمشي ومابيحكي شي

لأول مرة بكل حياتا بتنقهر من التجاهل ،كل عمرا وتجاهل الناس بيفرحها لتبقى مرتاحة بس هلمرة غير،لدرجة كان بدها تبكي..بتبقا برا وحدها

بعد شوي بترجع بتلاقي يوسف طلع من الغرفة وتوجه ليشرب مي
بيجي وبيعطيها كاسة
يوسف:تفضلي
شغف:يسلمو بس مو عطشانة
يوسف:اي بس المي بتريح ويمكن تخفف عنك وتمنع هلدموع تنزل بهلوقت يلي مو مناسب

بتنتبه شغف انو في دموع محبوسة بعيونا،بتتلبك وبتنزل عيونا بلأرض
يوسف:مافي داعي لهلارتباك..صدقيني كلشي بينحل لاتاخدي أمور الحياة اكبر من حجما صغريها كتير ورح تمرء..يلا الاستاذ ناطرك

بيفوت يوسف ووراه شغف،وهلشي لفت انتباه لينا،بيأعد وبتلتفت عليه وبتقلو بهمس

لينا:عأساس رح تشرب وترجع،شبك ماعاد رجعت
يوسف:لك كنت عطشان كتير
لينا:بلله،وهي شو جابا وراك
يوسف:ندهتلا بطريقي ماسمعتي الاستاذ قلي اندهلا..

زياد:تمام ياشباب انتبهو كلكن لعندي،اليوم رح نعيد بدرس اغلبكن حكولي ماقدرو يستوعبوه ركزو منيح...وانتي شغف انتبهي عندي لأنو هلدرس ماكنتي موجودة وقت اعطيتهن اياه

بتهز راسا بإيجاب،فوراً بتقدر تطلع من الكركبة يلي كانت عايشتا قبل دقائق وبتركز بلمهم يلي هية هون كرمالو

بنهاية الدرس..
زياد:شغف،رح اعملك دروس مكثفة للي اخدنا قبل
شغف:تمام
زياد:وانت كمان يوسف في درسين لازم تعيدن معنا

(مابتعرف شغف شو سر الفرحة يلي جواتها)
يوسف:لااستاذ مو محتاج رح حاول راجعن لحالي
زياد:بس انا بشوف لازم تجي،بكرا قبل بساعة ماشي،مو تتأخر كلعادة
يوسف:تمام وعفكرة اليوم ماتأخرت
زياد:منيح كتير في تقدم..

بترجع شغف عبيتها الهادئ تماماً،بتفوت عغرفتا وبتبدل تيابا وبتأعد ع كرسي المكتب،بتفتح روايتا يلي ماصدقت ايمتا ترجع لتعرف شو صار فيها،وبتمسك القلم يلي بيكون معها عطول وقت تقرأ رواية،وتسجل عطرف الورقة اي شي بتحسه

وبتبلش،وللأسف كل ماينذكر يوسف يطلع بخيالها يوسف تبع المعهد

شغف لنفسا:اووف ياا..وبعدين لك خلص علق بذهني صورتو وكأنو كل يلي اسمن يوسف هو وبس

بتقرأ نص من الرواية يلي بيقول..

((أكمل يوسف تبديل ثيابه،وبعثر على اطراف قميصه القليل من رذاذ عطره ذو الرائحة المميزة))

وقفت لحظتها شغف،لما قشعر جسدها وشمت ريحة العطر وكأنو حقيقة مو كلمات بكتاب

شغف:ياربي أنا وين شامة هلعطر🤔

وبتكتب عطرف الورقة(هناك رائحة تغزو فؤادي في هذه اللحظة،هلّا امتلكتها عزيزي،كي ينهار قلبي في حضرة وجودك)

بيمرء اليوم وتاني يوم بتوصل شغف علموعد

شغف:صباح الخير استاذ
زياد بابتسامة لطيفة:صباح النور جاهزة
شغف:اكيد..
زياد:حبيت حماسك كتير،مع أنو متل ماخبرتيني مامرء بحياتك استاذ كان منيح
شغف:والحمدلله مرء هلمرة،انت استاذ رائع صراحة
زياد:شكراً ألك..يلا فوتي ننتظر يوسف افندي..

بترتبك شغف أول ماينذكر اسمو،وبتفوت ورا الاستاذ بتأعد علكرسي وهية سارحة بأفكارها،ليش هلشخص عمل فيها هيك،مع أنو متجاهلا متلو متل كل شخص مرء بحياتا..شو المختلف فيه عن غيرو؟

شغف لنفسا:شو يعني شو المختلف،لك كلشي مختلف فيه..هو بيشبه ابطال الروايات وهلشي بيكفي..نبرة صوتو يلي صرلي سنين وانا اسمعا بخيالي وقت اقرأ،نظراتو المختلفة من وقت لوقت...اسمو يلي سرق تفكيري من أول مرة سمعتو،شخصيتو المتناقضة..

فجأة بتشم ريحة عطر بتغزي قلبها
بتهمس بينا وبين حالا:وريحة عطرو..يوسف

فجأة بتنأز وقت تسمع خبطة ايد زياد ع طاولتو
زياد:بكير استاذ يوسف،كنت أجلها شوي نحن ماعلينا شي قلنا منأعد مننتظرك..
يوسف:شو منعمل استاذ عجئة مواصلات،مع العلم اكلتا مخالفة بسبب السرعة
زياد:بطريقة وحدة بتحمي نفسك من السرعة،وبتجي عدوامك نظامي،انك تصحا بكير وتشرف قبل دوامك لو بربع ساعة

يوسف:انشالله..طيب بلشتو درس؟
زياد:لاكنا مننتظرك..رح جيب قلم للسبورة وأجي

بيلتفت يوسف ع شغف ليعتذر منها،بيلاقيها سارحة فيه،لحظات قصيرة وبتنتبه عنفسا بتجلس اعدتها وبتنزل عيونها بلأرض

كان عم يتطلع فيها مستغرب نظراتها،وشكلو مو بس نظراتا،كان مستغرب من شي فيها ماعرف يحددو،يمكن بساطتها الناعمة..يلي مخلية البنات يكونو كتير مختلفين عنها..

يوسف:صباح الخير..

شغف لحظتها نبضات قلبها تسارعو،ونفسها صار بصعوبة يطلع من صدرها..يمكن بسبب وجودهن وحدن بلغرفة..ويمكن لأنو ريحة عطرو لسا مأثرة فيها..ويمكن لأنو أول مرة بينتبهلا

شغف:صباح النور..
بيلاقيها بترجع بتنزل عيونها بلأرض وبيفكر أنها متدايقة
يوسف:بعتذر أني نطرتكن،بس عنجد ظروف
شغف:ولا يهمك..

تدايق يوسف أنها تصرفت وكأنو متجاهلتو،وهي ارتدلا حقا بس للأسف بدون قصد..

#سارة_العلي💙 #يتبع