شغفها حبَّاً

شغفها حبَّاً(الجزء السابع)

بتضربو عكتفو بمزح

ندى:بس انت وياها شو مفكرين حالكن اطفال،يلا خدو هلطبقين وروحو علفطور..

بتخلص فطور وبتروح علمعهد..

أما عند لينا ورند،راحو علكشك عند زاهر وهنن عم يحكو عن يوسف
رند:خلصنا ولوو انتي بتعرفي اطباعو وماعم تعرفي كيف تجيبيه لطرفك

لينا:شو اعمل يعني
رند:هس سكتي هلأ...احم كيفك زاهر(وبتغمزو بمزح)
زاهر متدايق بسبب سيرة يوسف:من الله بخير..
لينا:عطيني قهوة
زاهر عن قصد:قهوة ولا نسكافيه؟
لينا:لا قهوة طبعاً ليش انا ايمت طلبت نسكافيه؟
زاهر:لا مو هيك بس من كم يوم يوسف اخد نسكافيه وشوكولا من يلي انتي بتحبيا فكرتن ألك
لينا بقلق:شو؟ومن ايمتى يوسف بياخد نسكافيه..

زاهر بمكر:أااه صح نسيت نسيت،بيوما ماكانو ألك
لينا:لكن لمين؟عن اي يوم عم تحكي انت؟
زاهر:لك يوم شغف طلعت من أول الدوام وصارت تمشي،اعدت هنيك عهاك الكرسي،واجا يوسف طلبلا نسكافيه وشوكولا واخدلا ياهن

جمد الدم بعروقها،وحست بقهر تملكها كلياً،تمنت الأرض تنشق وتبلعا

رند:أي وشو صار كمان كمل؟
زاهر:لا ولاشي
لينا بعصبية واضحة:لك احكي نطوق..
زاهر:لو في شي كنت حكيت،هو بس وقف معها حكو شوي،ورجع وهو سارح وفات علمعهد
لينا:أنا بفرجيكي ياشغف،عم تلعبي عليه،ونحن يلي قلنا عليكي جدبة ومالك بهلقصص،لا والتاني يومها حكالي بدي جبلك شوكولا

زاهر:اي ليش الكذب بيوما اخد تنتين،عم يعدل بينكن الزلمة

بتشيل لينا بسكوتات من قدامها وبترميهن ع زاهر:انت لاعاد تورجيني خلقتك بنوب

بتبرم بعصبية وبتروح علمعهد
زاهر:لك انا شو خصني
رند:هسس لك سكوت ماناقصنا تعصب اكتر،يلا يلا باي زاهر..

بتفوت وراها لتهديا شوي وماتعمل فضيحة بلمعهد..

لينا:لكن انا يبدلني بهلهبلة الجدبة،يلي كلمتين مابتعرف تحكي..

بتحاول رند تهديها بس بدون فايدة بتأعد لينا علكرسي ونازلة هز برجلها من التوتر وبتفوت شغف

بتخبط رند ايدها عراسها وبتهمس:ياريتك ماجيتي ياشغف🤦🏻‍♀️

بتقوم لينا وبتتوجه لعندا:اخيراً شرفتي ياخانم
شغف بصدمة:نعم؟؟
لينا:لك انتي شو مفكرة حالك آه؟كلك عبعضك مابيطلّع فيكي،بس انتي وحدة مو نضيفة،وعرفتي من وين تجيه،عملتي فيها البنت البريئة لأنو مافيكي شي يلفت نظرو لا شكل ولا لبس ولا شي
شغف:لينا احترمي حالك احسنلك فاهمة

رند:كرمال الله يابنات اهدو،تعالي معي لبرا لينا

بتفلتها لينا بعصبية:تركيني،خليني عرفها قيمتها ،ليكي وليه لك كلمتين عبعض مابتعرفي تحكي،رح امسح بكرامتك الارض ولسا بتقولي احترمي حالك،عفكرة أصلاً يوسف مابيشرفو يرافق بنت متلك،لك إذا مشيتي جنبو بلشارع بيخجل

رند:لينا؛خرسي بقا مو هيك..
القهر بيتملكا لشغف،وحروفا خانتا وماعاد تقدر تنطق

بتطلع المديرة واستاذ زياد وبعض الطلاب

زياد:شو عم يصير هون؟لينا ليش صوتك طالع

لينا:لأنو هلبنت مافيا اخلاق،دنيئة وعم تركد ورا الشباب

فجأة بيوقع كف ع خد لينا،كانت صدمتها مو أقل من صدمة كل الموجودين،صح شغف لسانها مانطق بحرف بس ماقدرت تمسك اعصابا،وكان لازم تدافع عن حالا

شهقات الصدمة بكل طرف،حتى لينا حاطة ايدها عخدها وعم تطلع ب شغف وعيونها متل الجمر

زياد:لينا..امشي من هون،طلعي من هاد المعهد أنا مابشرفني كون بمكان انتي فيه..

كلامو خلا شغف تروء شوي،أنو في حدا ساندها

لينا:والله لندمك ياشغف..(بتقرب منها اكتر)يومين بلكتير بتطلعي معو وبعدا بيرميكي،لأنو انتي حتى ماعندك جنس الانوثة ولا التميز،انتي اتفه من ما بتتخيلي..

بيسحبا زياد من ايدها:لك سكتي لينا،لاتخليني اتصرف بطريقة تانية

بتصير تضحك لينا بهيستيريا:لك روحي تطلعي عشكلك بلمراية،هاد شكل بنت؟لك حتى شعرك مابتقدري تخليه يطول لأنو مابتعرفي تهتمي فيه..

بتحس شغف أنو الكل عم يتطلع فيها،رند بتقرب وبتربت عكتفها بس هلشي مستحيل تسمح فيه،بتدفع رند عنها وبتطلع راكدة

زياد بيقول ل لينا:أنتي طلعتي أحقر من ما تخيلت

بيدفعها عطرف وبيروح ورا شغف

بتركد شغف لتختفي من عن كل نظرة كانت متوجهة ألها،بدها تروح للناحية التانية من الشارع لتاخد سيارة اجرة وتهرب،كان بس بدها تروح لمكان بعيد ماحدا يعرفا فيه وتبكي...هي أول مرة بحياتا بتحس حالا بحاجة البكا

الدموع بيتجمعو بعيونها وماعاد تشوف،بس عم تسمع صوت سيارة عم يعطيها الانذار لتبعد بس كأنو عقلها وقف عن التفكير...

كان يوسف كلعادة مستعجل،رح يوصل للمعهد بأسرع وقت،بس ماتوقع بنوب بآخر لحظات وصولو تطلع بوجهو شغف بهي الحالة..كان متمني يوقف الزمن كلو يوقف عمرو بس مايصير يلي صار..صوت احتكاك عجلات السيارة بلأرض مع صوت ارتطام جسدها عحديد السيارة،خلا كيانو ينهز وبلفعل يتمنى الموت..

نزل فوراً وتجمعت الناس وأولهن كان استاذ زياد وهو عم يندهلا وماسكا بين ايديه

بيحاول يوسف يتماسك ويطلع من صدمتو،الدم كان مغطي وجها،بيحملها من بين ايدين زياد وجسدها كان مرتخي بلكامل،بيحطا بلسيارة من ورا،وبيقعد زياد ورا ليسطحا بحضنو..

لحظات قليلة وبيصيرو بلمشفى،القلوب خايفة والتوتر مانع يطلع حرف من تمهن..

#سارة_العلي💙 #يتبع #حكاية✒ #قصص @hekaea_tna