لارين .... الفصل الاول
الفصل الاول ....
ابطال الروايه فهد الاخ الاكبر وفارس الاخ الأصغر ..
وايضا لارين التي ستقتحم حياتهم علي فجاه وايضا أملاكهم ....
..........
في قصر عائلة فهد العزازي
حضر المحامي الخاص بالعائلة ليفتح وصية جدهم كبير العائلة بعد موته بأيام ....
تكلم المحامي امجد وهو ينظر لهم بتفحص ... الكل موجود حسب الوصيه
فارس الاخ الاصغر .... كله موجود اخلص بقي
والدة فهد تدعي سهام ... فارس ثم نظرت له بحذر شديد
المحامي بابتسامه ساخره .... وفر عصبيتك دي عشان اللي جاي هيعصبك اكتر
شعرو بالقلق ينظرون لبعضهم بتوتر
تكلم فهد بجديه ... بلاش الغاز يامتر وأقرأ الوصيه
المحامي ... تمام وبعد لحظات بعد قراءة وصيه جدهم .. نظر لهم قائلا ... فين لارين ...
نظرو لبعضهم بعدم فهم
فارس بنفاذ صبر ... لارين مين ماتقرأ صح احنا معندناش حد بالاسم دا في العيله
سهام ... ممكن قصدك ع ايسل بنتي
المحامي ... انا متأسف بس اللي مكتوب قدامي لارين بنت جميله وهي تبقي حفيدة المرحوم مجدي بيه
نهضت سهام بصدمه قائله ... بتقول ايييييه بنت جميله
تكلم فهد باستغراب ... جميله مين
جلست بغضب قائله ... جميله تبقي عمتك بس هي هربت مع حبيبها واتجوزته عشان جدك كان رافضه لأنه فقير ومن وقتها قطعنا علاقتنا بيها
فارس بانفعال ... يعني ايه حتة بت زي هتشاركنا في املاكنا
فهد بغضب ... ما تهدأ انت كمان
سهام بتذكر ... بس جميله ماتت من سنين ايه اللي فكرو ببنتها ولا عرفها ازاي
نهض المحامي قائلا ... انا متأسف بس الوصيه مش هتتفتح الا بوجود لارين عن اذنكم
تكلم فهد بغضب ... احنا لازم نجيب البت دي بسرعه
................
في مكان شعبي .....
وتحديدا في بيت لارين
سمعت أصوات عاليه بالخارج ثم اقتربت نحو الباب لتسمع اكثر.....
تكلمت كريمه جارتهم بزعيق ... معلش دي هتعملي ايه يا احلام بقولك كسرت صباع البت
احلام بحزن ... طب حقك عليا ياستي انا هخلي لارين تعتذرللها
كريمه بتأفف ... انا مش عارفه انتي مستحمله قرفها ليه ماترميها في الشارع هي حيالله بنت جوزك واهو جوزك مات
