الفصل السابع عشر .....
لارين .......
ساره ... زي منا سبت فهد عشانك انتي كمان هتسيبي فارس عشاني .....
فتحت فمها بصدمه من وقحتها ثم قالت .... ها ، وانا مستحيل اسيبلك فارس
ساره بغضب ... بكره نشوف
لارين بانفعال ... ممكن تمشي
ساره بخبث ... متقلقيش انا ماشيه بس مش قبل ما اشوف فارس انا عارفه أنه فوق علي السطح بس قلت اعدي عليكي الاول عن اذنك
نظرت لها بصدمه لتشتغل غضبا وايضا تشعر بالغيرة منها لا تعرف هل بسبب فهد ام فارس ثم خرجت وغلقت الباب خلفها لكي تجلس معهم .....
...................
طرقت باب غرفته قائله ... فارس
فارس بابتسامة قائلاً ... ادخلي يامجنونه
دلفت ساره بابتسامه قائله ... وعرفت ازاي اني مجنونه
نهض فارس بأندهاش قائلا ... ساره
اقتربت ساره منه ثم حضنته وقالت ... وحشتني اوي
دفعها بعيدا عنه وقال ... ساره عامله ايه وليه جايه هنا
ساره بحزن ... اخص عليك انا غلطانه اني جيت اشوفك واطمن عليك
فارس بحيره ... متزعليش بس زي مانتي شايفه المكان مبحبش حد يجيلي هنا
ساره ... بالعكس المكان هنا مريح و عجبني اوي ، بس انت قاعد هنا ليه
فارس ... عادي ممعيش فلوس اقعد في شقه
ساره ... انا عندي شقه كويسه ومش هتدفع ايجار اهو احسن من هنا
فارس ... لا شكرا مبحبش اتقل علي حد
ساره ... وانا حد برضوا انت نسيت أن احنا صحاب قبل ما اكون خطيبة اخوك
فارس ... منستش واحنا فعلا مش صحاب وبس لا انتي اختي
ساره بضيق ... بس انا من النهارده مش عيزاك تعتبرني اختك
فارس بعدم فهم ... قصدك ايه
ساره ... انا هوضحلك كل حاجه انا سبت فهد ومتقوليش بيحبك فهد مبيحبش غير نفسه وبس عشان كدا سبته ومستحيل ارجعله تاني
فارس ... طب وانا ايه علاقتي بالموضوع دا
ساره بكل ثقه ... عشان انا حبيتك حبيت حنيته وطيبتك وكل حاجه فيك وبتمناش حاجه في حياتي قد ما بتمناك انت يافارس
رفعت يدها وكانت ستطرق الباب ثم توقف عندما سمعت حديث ساره ثم توقفت مكانها لم تتحرك لتسمع رد فارس .......
نظر لها بذهول قائلا ... ايه الي انتي بتقوليه دا انتي اتجننتي اكيد
ساره والدموع تملأ عينيها ... صدقني يافارس هي دي الحقيقه بس كنت خايفه اعترفلك من فهد لاني كنت خايفه عليك
