نزلت ندى مع مديحه في جوله كبيره على محلات الموبليا لفيلا عمر
ندى : ذنبي ايه انا ادوخ الدوخه دي على المحلات واشتري لوحده تانيه
مديحه : مين جال كده بس
ندى : انا مش ناويه اسامحه ولا ارجعله
مديحه : خلاص سامحي وانت بتنجي العفش وبجي انويله على الشر بعد كده وبعدين اعتبرها بيتك وبتنجي فيه
ندى : ماشي فعلا فكره أنقى بنفس واستمتع اعكنن على نفسي ليه
مديحه : والله يا ندي انت طيبه جوي يا رب ريم تبجي زيك
ندى : لا ريم شريره كبيره مش بتعرف تسامح ربنا يكون في عون عبد الرحمن
مديحه : اللي ليها مرات اب زي الهام ليها حج تعرف تجيب حقها علمتها الجساوه ولوعه الجلب
إما في طريق دهب ركبت ريم بجوار عبد الرحمن السياره في طريقها إلى القاهره لتسليم الأطفال لوالدته لم تتحدث ريم بكلمه وكلما حاول عبد الرحمن فتح حوار لا ترد عليه
فجأه وقف بسيارته على جانب طريق والتفت اليها
عبد الرحمن : ريم ممكن اعرف زعلانه ليه
ريم : وازعل ليه بالعكس انا أشكرك شكر كبير حمتني واتجوزتني علشان تحميني و خايف عليا شكرا يا عبد الرحمن بيه مهمتك انتهت
عبدالرحمن : ايه الكلام الفارغ ده انا بحبك واتجوزتك عن حب
ريم : لا يا باشا انت كنت بتحميني زي متفق معاك ابن عمي وانتهت المهمه على خير ونجحت كفايه تجبر نفسك اكتر من كده
عبدالرحمن : انتي مراتي عارفه يعني ايه
ريم : صوتك عالي البنات نايمين
نظر إليها عبد الرحمن بغضب ووجع وقال
عبد الرحمن : اوصل البنات الأول ولينا كلام تاني
وصل البنات الي امهما التي حضنتهم بخوف من ابيهم
الأم : انتم جيتم ازاي وابوكم عرف مكاني يا ويلي يلا يلا الحق اهرب بيكم
عبد الرحمن : مش محتاجه تهربي تاني خلاص هو ميعرفش مكانك اساسا بنات ممكن تعملوا لي شاي فدخل البنات للداخل
ريم : زوجك توفي النهارده والبنات محتاجين اوي تقفي جنبهم لأنهم شافوا بيموت أدام عينيهم
بكيت الأم بشده : لا إله إلا الله قلتله الطريق ده آخرته وحشه حرام عليك عيال الناس بهدلني وحاول يقتلني
عبد الرحمن : خلي بالك على البنات وخاصه الكبيره عرفت كل حاجه وشفته وهو بيقتل نفسه
الأم : حرام يموت كافر ويعيش قاتل
عبد الرحمن : لو محتاجه اي حاجه قولي لي دي أرقام تليفوناتنا
خرجت ريم مع عبد الرحمن ليواجه مصيره معها
إما في الاسكندريه اختارت ندى ألوان الحوائط وتابعت العمال واتصلت وهي تختار الألوان
ندى : الو
عمر : مش مصدق نفسي ندى بنفسها تتصل بي
ندى : شفت الايام تخليني اتنازل واكلمك
عمر : وحشتيني يا قمر
ندى : عمر ألوان الفيلا
عمر : اختاري الألوان زي متحبي
ندى : ومكتبك
عمر : انت عارفه مكتبي بني طبعا غير كده العبي في الألوان زي متحبي
ندى : ماشي راجع امتي
عمر : ليه وحشتك
ندى : لا طبعا تعبت وعايزه ارتاح لولا مديحه بتلف معايا ولا كنت عبرتك اساسا
عمر : راجع الأسبوع الجاي واعملي حسابك راجعه معايا ضروري ايطاليا
ندى : كفايه عليا خدامه اهلك في مصر كمان بره
عمر : اقسم لا أصدق انك تقولي هذا الكلام
ندى : لا اتعود على كده
عمر : اتعود ماشي يا حبي اشوفك الأسبوع الجاي
أغلقت ندى الهاتف بتافف لكنه وحشها فعلا
أنت تقرأ
سامحي قلبي ( كامله)
Romantikفتاه تحاول أن تنسى حبيبها لكن الايام تجمعهما فهل يستطيع حبيبها ان يجعل قلبها يدق من جديد
