البارت الثاني والعشرون.
الكاتبه لَيـان الموسويَ
اللهم صل على محمد وال محمد.
..
..مرت الايام بسرعه بعد ما كيان خطب ريما واليوم الزفه
كاعده بالسياره وي اهلي و مطلعن اغاني ورانا كومه سيارات من اقاربنا واقارب العروس عدا اصدقائه الي ويا بالشغل وصلنه القاعه دخلنه شويه وودخلو كيان وريما جانت دخوليتهم تجنن بالمعنى الحرفي ، واكفه اصورهم ومبتسمه شويه وحسيت بايد التفت حول خصري وبوسه انطبعت على خدي باوعتله كان اسد كال
..ادري شطالعه كيمر خو ما كيمر
..هههء حلوا موو
..تخبلين شو باوعيلي
..التفتت علي فرحانه باوع عليه وعلى الفستان وكال
..ادري شدعوا كل هل جمال هذا
.. اوووييي اسددد ترااا اخجللل .. حجيت بضحك وحطيت ايدي على وجهي عود خجلانه ضحك وكرصني من خدي وكال
..شو وين حلقتج شو ما لابستها
..باوعت على ايدي بتوتر وكلت .. شسمه نسيتها بالجنطه اوكف
..عكد حاجبه بانزعاج وكال .. ليان كم مرا كايل لا تنزعيها من ايدج ليش تعاندين
..والله مو اعاند بس شسمه نسيتها بالجنطه ، لان ما احب البس بايدي محبس او شي
..ضل ساكت مجاوبني.. واكفين يم الطاوله وحدنه كنت لابسه فستان اوف ويات مخصر على الجسم وطويل وشعري مسويته كيرلي وبيدي جنطه صغيرا وهو لابس سترا رسميه ولونها اسود طالع يجنن باعت على كيان وريما جاي يركصون سلو والمصورا تصورهم والمعازيم هم يصورون بيهم .
التفتت الاسد وكلت ..خلي ناخذ صور شنو رأيك
..باوعلي وكال .. نركص اول
ومدلي ايده حتى نركص ابتسمت وحطيت ايدي بايده وصلنه للستيج كانو اكو من المعازيم يركصون وي العرسان ، حاوط خصري بايديناتا واني لفيت ايدي حول رقبته وحطيت راسي على صدره وبدينه نتمايل وي الاغنيه
رفعت راسي اله وكلت .. تحبني
..لا
..عبست وجهي وضليت خازرته ابتسم وكال
..مو بس احبج اموت عليج
..رجعت ضحكت وكلت ..عباليي
..ضلينه نركص لحد ما كملت الاغنيه بعدها طلعو اغاني ردح والولد كامو يركصون والاجواء تجنن رحت تقربت يم ريما وكلت
..ها شلونها المعنويات مرت اخويه هههههء
ريما..يمعوده متوتره وخايفه
..اي توتر البدايات بعدين يروح وشكو خايفه
..اي نشوففج بعرسج عود
أنت تقرأ
بغداد "حُب عراقي"
General Fiction-صفي لنا قصة عشقكم! -العاصمة هي التي شهدت على قصة عشقنا بغداد قصة حب كل عراقي .. نعم يا ساده هنا في بغداد العاصمة سوف تكُتب قصتنا على كل لوح أبيض يشبهني ببغداد الجميلة لذا فإنا كل بغدادهٌ وهو الوطن الذي يحتضن عاصمته هو وطني . لا تقترب منهُ اي أ...
