البارت الثاني عشر
الكاتبه ليان الموسوي
شايف من تحس غيرك سكن قلبه
هنا تغار تموت تبجي المسألة صعبه...!!
...
..جنت اركض بغابه وحدي وراي يركضون ثلاث ذئاب واحد منهم اسود وثنين لونهم رمادي اصيح على كيان واني خايفه وابجي بس محد يسمعني
ماشوف غير هذا الذئب الاسود كمز عليه يريد يعضني
واني اصرخخ بقوه وابجيي اريد احد يخلصني منه سمعت صوت ماعرف منين يكُلي صيحي اسد .. وانا هم صرخت بصوت عالي بأسم اسدددد
كعدت مفزوعه من الحلم لان ماي نكب على وجهي
اسد..سمعتها تصرخ بأسم كيان اول مره بعدها صرخت ابأسمي خلتني انصدم
.. اجه ببالي انو هيه تكون اختها لو وحده من معارفه بس بعدين نفيت الفكره وكلت لا اكيد مو اختها يمكن من كرايبه ما اعرف بس مستحيل تكون منهم
..اصيح عليها اريدها تكعد ماكو متكعد جبت ماي وجبيته على وجها يلا فزت
اسد..شبيج تصرخين شفتي كابوس .. حجه وهو عاكد حاجبه
ليان..اي مو حلو ، ساعه بيش
اسد..ب 4ونص الفجر
ليان..زين
..عفته ورحت توضيت وصليت بعد ماجاني نوم لعبت بلفون شويه صارت 6:30 كعدت بيبي ابتسمتلها اجتي يمي وكالت
الحجيه..هاي كاعده عبالي نايمه الحبيبه
ليان..كعدت صليت وبعد ماجاني نوم
الحجيه.. زين لعد تعالي دنسوي ريوك انه وياج
ليان.. تمام بس اول اغير ملابسي واجي
الحجيه..رايحه اجيب ملابسج
ليان..ماشي
..حجت بأبتسامه و كامت بيبي شويه واجه اسد للمطبخ عبرني وفتح الثلاجه شرب ماي التفت عليه جان ملابس قميص بس بنطرون وشعره نازل على عيونه ضليت اباوع عليه شفته ابتسم باوعت بعيونه ونزلت راسي شكد صايره ماستحي
شويه واجت بيبي انطتني ملابسي اخذتها ورحت للحمام بدلت وطلعت شفتهم ديحجون واسد لابس تيشيرت اسود رحت كعدت يم بيبي جان تكول
الحجيه..اكوم اسوي ريوك
ليان..اجي اساعدج
..كمت وياها شويه ونزل جدو راح بلصاله كعد خلصنه
ريوك كعدنه شويه جان يكول اسد
اسد.. يلا اني اروح
الجد..وين بعد وكت اتغده وروح
اسد..لا عندي شغل ماكدر واريد اروح اشوف امي وابويه مشفتهم
ليان..واني هم اروح بعد
الجد..وانت شعندج بعد وكت
ليان..لا اروح هسه اهلي يضل بالهم واساساً ضليت يمكم يوم كامل
من ورا عمتي اسيل ما أجت
أنت تقرأ
بغداد "حُب عراقي"
General Fiction-صفي لنا قصة عشقكم! -العاصمة هي التي شهدت على قصة عشقنا بغداد قصة حب كل عراقي .. نعم يا ساده هنا في بغداد العاصمة سوف تكُتب قصتنا على كل لوح أبيض يشبهني ببغداد الجميلة لذا فإنا كل بغدادهٌ وهو الوطن الذي يحتضن عاصمته هو وطني . لا تقترب منهُ اي أ...
