البارت العاشر
الكاتبه: ليان الموسوي
اللهم لك الحمد كما ينبغي لجلال وجهك وعظيم سلطانك.
.....
ليان..كعدت الصبح شفت ساعه ب10 تفاجأت لان مو عوايد ماما تبقيني نايمه لهذا الوقت
سمعت صوت ضحك وهوسه جوه ستغربت منو عدنه هيج وكت
رحت غسلت وبدلت ع سريع ولميت شعري شلون مجان ونزلت
جان اتفاجاء انو بيت عمي يمنه ضليت واكفه بمكاني مصدومه والفرحه مسايعتني
لمياء (مرت عمي).. هلا بليانه شلونج ولج اخبارج
ليان..جانو مرت عمي وتقى ورسل وماما ديسولفون شافتني مرت عمي وحجت وياي جان اكللها هلا بيج عمهه تمام وانتي شلونج ورحت بوستها وشبكتها
لمياء..الحمدالله بخير
ليان..دومج مشتاقتلكم والله
نداريت ع تقى ورسل بنات عمي سلمت عليهم بحراره
..شلونجن ولجن ليش مكلتولي حتجون يا بذاتات
رسل..شبيج سويناها مفاجئه ههههههء
ليان..وانت تقى افندي ختلي وره اختج اني اعلمج عبالج اعوفج
تقى..والله ردت اكلج بس رسل مخلتني احجي
ليان.. يعني ماما تدرين مووو
ام ليان..البارحه خابر عمج الابوج بليل وكله بس رسل اخذت الفون من عمج وحجت وي ابوج علمود ميكلج حتى يفاجئوج
ليان..اني اعلمج رسل اصبري شويه اروح اسلم ع عمو واجي
لمياء..مموجودين طلعو
ليان..وين راحو ليش
تقى..راحو ابويه وابوج يجـ.....
جاي تحجي ورسل كممت حلك تقى حتى متكمل كلامها وهيه حجت بسرعه
رسل..راحو يجيبون حلويات من هذا اليمكم ابويه اخذه تدرين بابا يحب الحلويات
ليان..يي ادري وشبيج هيج خنكتي اختج عوفيها
رسل..هاا نسيت هههء
ليان..وين لمار اخوج لعد
رسل..راح وياهم
ليان.. هااا اكول ماما شعجب مكعدتيني من وكت
ام ليان..جيت دوعيج وعمتج كالت خليها هي تكعد وعفتج
ليان..زين وكيان بلدوام مو
ام ليان..يي وره ما اجو شويه وطلع بس سلم عليهم
ليان..اهااا زين لحك عليهم
رسل..يي ولج اصلا هو فتحلنه الباب تفاجلأت منه
حليان السمر وصاير يجيب العين
ليان..هههههههه عزااااا ولج صايره تتغزلين بي ولا تستحين صلفن هههههههههاي
رسل.. نجبي نجبي صدك تعاي نخابر ع سمر وأيلاف وحور ونفتح كامره وياهم نغورهم
أنت تقرأ
بغداد "حُب عراقي"
General Fiction-صفي لنا قصة عشقكم! -العاصمة هي التي شهدت على قصة عشقنا بغداد قصة حب كل عراقي .. نعم يا ساده هنا في بغداد العاصمة سوف تكُتب قصتنا على كل لوح أبيض يشبهني ببغداد الجميلة لذا فإنا كل بغدادهٌ وهو الوطن الذي يحتضن عاصمته هو وطني . لا تقترب منهُ اي أ...
