البارت الثالث
الكاتبه: ليان الموسوي
لا تستطيع ان تنسى شعورك لحبيبك الاول مهما حدث.
....
مهدي: انتَ تدري صار فتره اريد اشتري سياره
كيان:اي ادري وشفت واحد يريد يبيع سيارته مارسيدس سوده نضيفه هم
مهدي: اي اذا زينه و متأكد منها احجيلي ويه الولد وباجر الصبح انروح نشوفها فدوه لعينك
كيان: ماشي احجيلك ويا واردلك خبر بس انت شوكت عرسك
مهدي:والله بعدنه ممحددين
..حجيت بمزاح وضحكه خفيفه..
كيان:الله يساعدها لتاخذك ههههه
مهدي:ليش ولك يجيك الدور لاتخاف ههههه
كيان:هههههه اني شايل هل فكره من بالي حالياً واهلي ميلحون الحمدالله
مهدي: الله كريم بس ازوج وازوجكم بل سره انت ومحمد واسد وين تروحون مني
كيان:اسد مستحيللل يتزوج عنده عقده تدري بي
مهدي: يا اخي قابل يبقه عزابي طول عمره ، وبعدين ذيج فتره وانتهت صار 3 سنوات ع هاي السالفه بعده محلب بيها
كيان:الله كريم الله كريم
مهدي: يلا اني اروح أخذ راحتك
كيان: الله وياك حبيبي
.. كملت شغل ورجعت للبيت هاكان كانت ساعه ب1:00 الضهر بسرعه لفين راسي ونمت ،، عكب باجر لازم اروح للدوام صارلي 4 ايام خفاره
..
.. طلعتنه المدرسه الساحه الخارجيه كعدنه بمكانه المعتاد اني وصديقاتي نسولف
ونضحك ونغني لحد ما كالت ملاك
ملاك: سما شوكت يتحدد عرس اختج مو كافي صار تقريباً بل 6 اشهر مخطوبه
سما:والله مادري حته اني مليت اريد عرس حفله شي مليت من جو الدراسه اربع وعشرين ساعه بس ادراسه
ليان:اي والله بنااات اني هم اريد فد عرس حفله
ملاك:يلا عود اتزوج واعزمكم بعرسي ههه
ليان: زين شنو رآيكم تجون اليوم يمي صار هواي مجاين ؟؟
ملاك: اي والله صح اني اجي بس اشوف اهلي اذا قبلو
سما: واني هم اجي عادي نغير جو ونطلع للحديقه الي يمكم
ليان: لا صار فتره ساديها ديشتغلون بيها ويزرعون عود نكعد بحديقتنه
سما: ميخالف
ليان:ماشي انتضركم اليوم العصرر مو متجون اذبحكم ترا وتعرفوني من احجي
ملاك:بس باجر عدنه امتحان عربي
سما: لا ولجج اجلته ع الخميس
أنت تقرأ
بغداد "حُب عراقي"
General Fiction-صفي لنا قصة عشقكم! -العاصمة هي التي شهدت على قصة عشقنا بغداد قصة حب كل عراقي .. نعم يا ساده هنا في بغداد العاصمة سوف تكُتب قصتنا على كل لوح أبيض يشبهني ببغداد الجميلة لذا فإنا كل بغدادهٌ وهو الوطن الذي يحتضن عاصمته هو وطني . لا تقترب منهُ اي أ...
