بغداد "حُب عراقي"

البارت 20 .

البارت العشرين .

الكاتبه لَيـان الموسويَ.

الحمد لله رب العالمين.

لا تنسون تصوتون بالنجمة 🌟
وتعلقون بين الفقرات شكد ما تكدرون عيناي✨

......

اسد..بعد ما سحبوا الدم مني ، كلولنه تقريباً ساعه ونص وتكعد
ضلينه واكفين ع نار بس نريدها تكعد ومرت ساعه ونص وره شويه يلا بدت تفيق

كيان..بعد ما رجعت ليان الوعيها رحت للدكتوره أبلغه اذا نكدر ندخل نشوفها كالتلي اكثر من 3 ميصير يطبون ولازم وماتطولون لان بعدها تعبانه وحالتها النفسيه كذلك

فَـ اضطرينه يطبون بس امي وابويه واسيل
دخلو وامي بس تبجي ضليت واكف يم الباب اباوع عليهم من الجامه مالتهة واسد متكء على الحايط وصافن على الارض تعب ويانه رجعت التفتت للباب شفت
امي تحضن وتبوس باليان شويه وتقدم ابويه باسها وتحمد الها بالسلامه واسيل كذلك ضلوا شويه وطلعو من الغرفه دخلتلها مبتسم بتعب ، فتحتلي ايدها رحت حضنتها وضميتها لصدري وهي وضلت تبجي

ولو اكدر جان جان دخلتها وضميتها بضلوعي وما اخلي احد يأذي شعره وحده من راسها ولا واحد يطخ اضفر من اضافرها هاي مدللت روحي ما عندي غيرها ..

شويه وابتعدت سولفت وياها وحاولت اطمنها بس جانت مبينه متعوبه ومتأذيه من صوتها ومن عيونها المدمعه ، شويه و رن تلفوني استأذنت وطلعت لان جان المتصل

عزيز قلبي ريما ..

..

اسد..دخل كيان واني ضليت بره اكل بروحي اكل اريد اشوفها اريد ابوس ايدها اريد اتطمن عليها اجه ابوها حجه وياي وربت على كتفي وكال

..تعبناك ويانه وليدي اعذرنه

..لا عمي شهل حجي تعبكم راحه وقابل اني شسويت

..والله ما اعرف شلون اجازيك على وكفتك هاي ويانه ، و لو تريد عيوني
هم انطيها الک وانا الممنون ، لانك رجعتلي بنيتي ..

..لا عمي تسلم هذا واجبي

..شويه وراح واني ما تحملت اضل هنا واكف بس اشاهد رحت لغرفة الدكتورة اتطمن ع وضعها زين ، سئلتها وكالت زينه صحتها بس حاليا يرادلها راحه ونكدر نطلعها بس الاحسن وحتى نتأكد من وضعها تضل على باجر  تشكرت منها وطلعت بره ادخن شويه وطلع كيان من الغرفه مالتها ماعرف وين راح استغليت الفرصه  رحت طبيت لها كانت صافنه ع السكف وعيونها بيها دموع والوجه شاحب

جريت حسره جبيره وحاولت ما ابين شي على ملامحي كلت بهدوء وبرود.. الحمدلله على السلامه

ليان..طلع كيان شويه ورجع سولف ويايه لحد ما عافني ارتاح ، ضليت صافنه وافكر بالي صار ويايه كل هذا خوفت اهلي عليه وكيان الي تگطع قلبي علي من شفته ما كدرت الزم نفسي وما ابجي حاول بكل الطرق يقويني وينطيني امل بان انسى الي صار ويطمني