مـلگ... آگلت وگمـت صـعدت لغرفتيـﮯ وبقيت اكلب بب تلفون شوي واحجي وي صديقاتي وسوالف وضحك ودراسه ونسيت الضوجهه كلها وياهن وكلمن ترخصت ورحنا.. طلعت لفوك واعرف غرفة ازاد اخر الطابق بس من مريت بل ممر مالته ريحة العطر تخبل باوعت يمين ويسار ماكو احد طبيت لغرفتة.. عبارة عن اسود وابيض وحته كنتورة اسود والتخم مالته وعطورته كلهن بلاك و. وايت شني هاي ستغربت صارت عيني على عطر فتحته وشميته يخبل رجعته بمكانه وداباوع للغرفه وارجع ليورة محسيت الا انطخيت بشخص وراي 🤐من الخوف ولفشلة مانداريت
.
.
ازاد... جانو الكل كاعدين واجاني اتصال لازم اروح للدوام كمت رحت لغرفتي شفت الباب مفتوح واكو احد يفتر بيها طبيت بهدووء ووكفت واشوف بنت ترجع ليورة طخت بيه وضلت جامدة بمكانها ومالتفتت الي بس عرفتها هاي بنت عمي...همست باذنها شعندج هناا
.
ملگ...يماااا شهل فشلة ياربي..كلت بتردد ااا اسفه والتفتت عليه طلع ازاد بلعت ريكي وصافنه بيه شسوي ياربي كلت اسفه والله مجنت اقصد ادخل لغرفتك اعتذر ردت اطلع سحبني من ايدي وسد الباب وخلاني وراه وجهة بوجهي
.
ازاد بحدية...وليش دخلتي همم
ملاك... ضليت ساكته هم صدك ليش دخلت اني غبية مو بيدي
ازاد... شو سكتي
ملاك...كتلك اسفة ومراح اكررها مرة ثانية نطيني مجال اطلع
ازاد.... بعدت عنها وطلعت تركض رفعت حاجب وسديت الباب غسلت ولبست زيي العسكري ونضاراتي وطلعت..
ملاك...يافشلتااااه بالله هسة شيكول عني بلا تربية او غيرها شلون افوت لغرفته هيج اففف افففف غبية غبيةةة..نزلت جوا صارت ساعه ٦المغرب ساعدت البنات بتحضير العشاء وصبينا تعشينا وكملنا وديت چاي الهم وكعدو الكل يحجون عن ايام كبل وسوالف وضحك الا اني كاعدة يم ماما بزاوية وساكته الا ان بيبي كالت
بيبي...ولجج يماا شبلاج (شبيج)لاتضحكين لاتسولفين
ام ملاك...والله حجية هيا هيج طبعها ماتضحك وماتخالط وحتىبل بيت هيجي لاحس ولانفس مادري عنها
بيبي...لا ماما ميصير تعالي تعالي كعدي يمي تاشوف
ملاك...رحت كعدت يمها وباستني بخدي كالت
بيبي...بنتي هاي البنات كلهن بكدج ويضحكن ويسولفن كعدي وياهن وفكيها شوي چنج ارملة شبلاج
ملاك...ههههه لا بيبي مو هيج بس لاتخافين جم يوم واتعود وداعتج
بيبي...ههه حبيبتي انتي..
ملاك...ضلينا نضحك ونسولف وانتبهت ازاد ماكو شوي ارتاحيت من الفشلة للساعه ١٠ونص كلمن كام لمكانه صعدت لغرفتي ومريم تنام وياي او بلاحؤة اني وياها هههه خطية خوش بنت وحبابة..من خلت راسها فورا نامت هههه دجاجة 😂😂😂اني ماجاني نوم ضليت اتكلب من الضوجه وشوي فتحت انستا وداكلب بيه وشفت صفحة ازاد..وناشر صور اله بس يخبل والكل معلقلة منور شيخ ونورت شيخ وهالسوالف ممم..طفيت الجهاز وعفته ع صفحه حسيت بطني تغرغر من الجوع اصلا ماتعشيت اكلت كم لكمة وكمت جنت لابسة كلابية بس مخصرة من عند الخصر ولونها نيلي وفالته شعري نزلت جوا بهدوء خاف احد يكعد رحت للمطبخ وشفتتت..
..
.
ازاد...طلعنا واجب ومارجعت للبيت الا ساعه 11الضاهر نايمين لان هدوء وضلام طبيت للمطبخ طلعت بطل ماي 💦 علمود اشرب انداريت بستغراب شفت ملاك واكفه هاي شبيها بنصاص الليالي اشرت بحاجبي بمعنى شكو شو هاي رادت تنهزم..
.
ملاك...اني من الخوف ماعرفت ارجع لو اضل المهم ضليت واكفه الا ان انتبهلي ردت انهزم وعاط بية
.
ازاد...اوكفي بمكانج
ملاك...ربي سترك وكفت
ازاد بستغراب...تعالي
ملاك...رحت لعندة وانا اشوف نضراته كلها استغراب وعصبية كال
ازاد...شعندج بنص اليل هااا
ملاك...نحرجت منه معرفت شجاوبة خوما اگولة جوعانه وجيت اكل عزااا ياربي
ازاد...بتنهيدة استغفر الله هم رجعت سكتت يبنت الناس سالتج جاوبي شدتسوين
ملاك...جج جنت عطشانه وجيت اشرب ماي وشفتك هنا
ازاد...وليش نهزمتي من شفتيني ؟
ملاك...!
ازاد...جاوبي
ملاك...لان خجلت منك وخاصتا اليوم
ازاد بخباثة...قصدج من طبيتي لغرفتي
ملاك...يابة كتلك اسفه مجنت اقصد والله شبيك
ازاد...تمام المهم اشربي ماي ورجعي لغرفتج
ملاك...هزيت راسي بمعنى اي شربت ماي وسويتلي لفة جبن 🧀 ورجعت لمكاني كله من وراه حته مالحكت اسويلي شي اكله هففف ساعه بل 1نمت
.
ازاد...طبيت لغرفتي سبحت وبدلت وتمددت ع سرير بس مدتطلع من راسي غريب امر هالبنت عدها خجل وهدوء مو طبيعي وكلمرة تشوفني تنهزم هيج تخاف مني لو مثل مكالت تخجل...شبيك ازاد تالي تشغل بالك هالبنت طلعها طلعها نمت..
.
ثاني يوم الصبح ساعه ٧:30
الكل كاعدين ع ريوك ماعدة ازاد وملك..
ام ملاك...مريومة وين ملاك
مريم...والله خالة بعدها نايمة
ام ملاك...عزا بعينها روحي كعديها بساع
مريم...صار خاله
ملاك...جنت نايمة محسيت غير مريم دتكعدني ممم مممممم كعدت يمعودة
مريم....هههه امج تناديج جوا والكل كاعدين ع ريوك يلا نزلي
ملاك....تمام جاية سبقيني نتي..راحت مريم فتت اخذت دوش ولبست تراكسود بس طويل ولفيت شال علا راسي وطلعت وشفت ازاد دينزل من الدرج معرف ليش خفت وسويت نفسي راجعه للغرفة وسديت الباب
.
ازاد...دانزل وانتبهت لملاك طلعت بس من شافتني رجعت لغرفتها!؟ ماهتميت نزلت جوا صبحت ع الكل وكعدت
.
ملاك...شفتة راح ارتاحيت نزلت جوا وصبحت ع الكل باوعت اريد مكان اكعد شفت كرسي فارغ ع المائدة وصاير كبالي ازاد انجبرت ورحت كعدت بس مارفعت راسي جانو الكل ملتهين وي جدو ويضحكون على سوالفة رفعت راسي شوي وشفت ازاد مخلي اصابعه ع راسه ويباوعلي بنضرة غامضة .. معرف شسوي كلت..دايمة انشالله وكمت
بيبي...بنتي مااكلتي شي
ملاك...بل عافية بيبي هاهية خوما اضل لباجر اكل عود اصير جني دجاجة
الكل...هههههه
ابو ملاك...واحلا دجاجة.ههههه
الكل ضحك عليهم وملاك رجعت لغرفتها فتحت تليفونها شوي بس ازاد ونضراته مادتطلع من بالها ياترا ليش يباوعلها بغموض ضلت تفكر بهل شي
.
يتبع
ازاد يشبه الفنان علي يوسف حييييل
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
هاي البنت تشبه ملاك بس الفرق عيون ملاك ينطن لون زيتوني
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
🔥🔥♥
