مــلاك ... مرت ايام والحمدلله نسيت الصار وكملت امتحاناتي وضلي امتحان واحد واليوم هوا وصلني سعد وبقى منتضرني امتحنت وطلعت
..
سعد ... هاا صخلة جاوبتي
مـلاك ... الحمدلله
سعد .. يلامشي
...._______________....
وصلنـــا للبيت وبوست ماما وسالتني كتلها جاوبت وعلى الله صعدت لغرفتي بدلت وغسلت وكعدت احس من كملت امتحانات هممم ونزاح عني وربي فتحت تلفوني شوي وحجيت ويا صديقاتي واختي طبعا اختي ورجلها بتركيا عايشين لان اخذتة عن حب ومتمكن ف قررو يسكنون بتركيا باركتلي ع خطوبتي من ازاد وتعذرت لان متكدر تجي كتلها عادي ... طبيت ع صفحة ازاد شفتة ناشر فيديو هاي الاغنية ... والله طلع عندة ذووق سمعتها كامل عجبتني علقتلة ذووق راقي وشوي رجعت مسحت التعليق.. عفت التلفون وكمت مشطت شعري سمعت اشعارات
...
ازاد ... ليش مسحتي تعليقج
....___________...
ترددت شنو اجاوبه وفعلا مدري ليش مسحت التعليق لاول مرة احس نفسي فعلا صخلة ع كولت سعد 😹
..
ملاك ... عادي هيج عجبني ومسحتة
ازاد ... هاااه
ملاك ... ممم
ازاد ... ملاك
ملاك ... هاا
ازاد ... حمرة
ملاك.... شن وسدة بوجهي تخبلت اثاري قصدة يفصلة بوجهي وفعلا فصلة .. دزيتله رسالة بسيطة ياشيخ
رد علية.. هههه مثلج هم عجبني وسويته
ملاك ... نننن عجبك موو
ازاد ... يلا عاد تشاقيت حيل وياج
ملاك ... فتحت عيوني بصدمة هوا وين الشقة يمصخم ههههه
ازاد ... يلا في امان.الله
ملاك.... الله وياك
سديته ونزلت جوا سفت بابا كاعد بل استقبال بسته براسة وكعدت وسعد وماما هم كعدوو اهااا مدام نجمعنا اكو طبخة 😂ولا يستقروون اجتماعات عائلية
..
ابو ملاك ... بنتي خلصتي امتحاناتج
ملاك. ... هاا اي اي بابا خلصت
ابو ملاك ... خووش لعد حضرو نفسكم باجر رايحين لبيت جدج
ملاك. ... ليش
ابو ملاك ... شنو ليش باباتي جدج كال جيب عايلتك وتعالو نتونس يردون يطلعون للگبة والباستين كل العوائل
ام ملاك ... وايمت نطلع
ابو ملاك ... باجر من 6نطلع خوش تحضرو
سعد ... وهاي الصخلة تجي لو نربطها بل بودي
ملاك ... انجب عزيزي
سعد .. والله يابا انا اكول نربط ملاك بحبل ونحطها بل بودي تنفع 😂😂
ملاك .... بابااااا عندك يااااه
ابو ملاك ... ههههههههههه ولك اكعد
....._______________......
كمنا حضرنا عشى وتعشو وغسلت مواعين صبيت چاي وكعدنا تعللنا وبعدها بابا كال نامو من وكت لان باجر نطلع من 6 كمنا كلمن لغرفته ... حضرت هدومي بجنطة وعدلت وتمددت خليت سماعات واسمع اغنية محمد جمال من فدوة اروح لشوفتة وتراب ليدووسة لتراب رجلة انحني وابوسة الف بوسة .. صفنت وتذكرت ابو الحمرة ههههه ازاد مدري عوود من اسمع اغنية اعيش اللحضة 😂😂😂😂صدك جذب ههههه غفيت ومحسيت
.....________$$_
ثاني يوم الصبح ::
سعد .. يووول صخللللللة كوومي كوومي
ملاك ... مممم عوفني شوي واكوم
سعد ... يول تااااخرنا من وراج كومي هوا انتي يرادلج ساعة يلا تتحضرين كومي صخلة
ملاك .. نجببب عزيزي
سعد .. صخلة عزيزتي انتي 😂
ملاك .. كمت اخذت دوش سريع وطلعت لبست جينز لون ازرق غامق وفوكة عباية بشت كلش حلوة وجواتها بدي اسود وشال وردي فاااتح سويته لفة تركية حلوة طلعت نزلت جوا
....____
سعد ... ادري خوما ايشواريا راييي ساعه تتحضرين
ملاك ... احلى منها
سعد ... صخلة 😜
ملاك ... نجب عزيزي
ركبنا بل سيارة طلعنا من 6ونص ميتة نعاس خليت راسي ع كتف سعد واباوع لماما وبابا شلون يتغزلون ويبوس ايدها
احمم احممم نحنا هنا يابا
ابو ملاك ... هههه ولج بنيتي غير امج مسوية عندي جفاف عاطفي شسوي
سعد ... اي يابا عادي نحجزلكم بفندق وعيدو شبابكم
ام ملاك... يوول معرفت اربيك والله ادبسزز
الكل ... ههههههه
ملاك... الطريق كلة نايمة المهم كعدت ع صوت سعد يكول وصلنا نزلت وبوست جدة وجدو والبنات وعمامي باوعت بين الكل عيوني دورلة ماكو شوي وسمعت صوتة من ورا يرحب بينا سلم ع بابا وماما وسعد وراح ولا عبالك موجودة اني ههه طبينا جوا وتوجهت لغرفتي هههه بدلت ولبست دشداشة لون زيتوني وشال وطبت مريم حضنت وتبوس بية
....
مريم ... يولييي اشتاقيتلج والله.
ملاك ... هههه اني هم
مريم ... اي شكو ماكو اخبارج
ملاك ... الحمدلله بس المفروض انا اسالج شكو ماكو شصار بسالفتج
مريم .. تقدملي كمال ووافقو اهلي وافقت اني هم وكال من يكمل هاي السنة نخطب
ملاك ... اي خوش بيها الخير حياتي
مريم ... خير يصيبج يلا ننزل
ملاك .. يلا
نزلنا جوا وجانو الكل كاعدين بل استقبال طبيت للمطبخ كلت لمريم جيبيلي موبايلي فوك خطية راحت تجيبة طلعت كلاص اشرب مي نداريت ازاد وراي وشبه ابتسامة ع وجههة سويت نفسي ماشايفتة..
ازاد .. اي بوية شبيج متتحاجين
ملاك ... ممم اعتقد انتة مو اني سلمت ولاعبالك شايفني والبارح هم منسيتها الك تسدة بوجهي يشيخ
.. شو هاذا تقرب مني طخيت بل ثلاجة حاوطني بديناتة كال
ازاد... يعني تريدين اسلم عليج
ملاك .. ءء ل ل لااا لا مو هيج
ازاد ... مم بس اني عندي الج ترحيب مميز
ملاك بمكر .. والله وشنو. هواا شيخخخ مطيت الكلمة .. شو هاذا تقرب وباسني بخدي وكال
ازاد ... وياهلا بيج يعشكة للشيخ
ملاك ... اني بس فاتحة عيوني ع وسعهن من الصدمة هسة هاي شيسموها .. عافني وطلع واني اتحسس مكان بوستة وممصدكة ولااا وكالي عشكة للشيخ يعني يحبني احتاريت واللله ضربت راسي وطبت مريم انطتني التلفون وكعدنا سولفنا وشقانة لل12 حضرنا الغدة تمن وباچة وزلاطة ومرك حمص صبينا الهم وكعدو سوية الكل اني ماكل الباچة اكطعوو راسي ولا اكلها
..................
الجدة ... ملووكة تعالي تغدي
ملاك ... بيبي ماشتهي
ام ملاك .. ماتشتهين لو ماتحبين ههه
ملاك .. نحرجت اووف منج يايمااا
الجدة .. اهااا لازم انتي من بنات الاوووع والويييع والاووووي
الكل .. ههههههههههه
سعد ... الله عليج بيبي تخبلين من تتموعين شوو بالله عيديها
الجدة .. جببب عاد انته ادبسز
ازاد ... وليش ماتكلين بوية
ملاك .. باوعتلة مبتسم ويحجي .. اني ماحب الباچة واصلا ماجوعانة عود اذا جعت اكل
الجدة .. براحتج بنيتي
...
ملاك .. كملوو غدة شلنا المواعين وغسلناهن وصبينا چاي وكعدو يسولفون وهيج واني كل دقيقة اتذكر ازاد من باسني بخدي وكلامة عشكة للشيخ باوعتلة جان ملتهي وي جدوو يحجون ع بيوت وبساتين ومدري شنوو المهم لل3كالو تحضرو نروح للگبة انا توقعتها چرية وطين وهيج كمنا تحضرنا كلنا لبست فستان طويل مورد لونه اسود والورد اصفر ولبست شال اصفر وحذاء اسود وجنطة سودة وخليت مسكارة وحمرة خفيفة وردية ونزلت وكفنا ننتضر ازاد نزل وجان لابس بنطلوون صحراوي وقميص اسود لازك ع جسمة وهوا ضخم وساعة وسبحة وعطرة اليخبل ونضاراته باوعلت ابتسم ورفع حاجبة درت وجهي طلعنا والكل ركبو بسيارات واجو بيت عمامي هم كلهم بيبي وجدو ركبو ويا ماما وبابا وسعد وعامر ودوريد والجهال بسيارة دوريد والبقية كلمن بسياراته ماضل مكان ومريم ركبت وي سعد ودوريد بقيت اني باوعت لازاد راكب بسيارته ومنتجي ويباوعلي اشرلي اجي يما رحت ليمة ركبت من كدام ومشينا اليشوف السيارات يكول عرس هههههه
....
ازاد ... شلون طالع
ملاك .. عادي حلو
ازاد .. عادي لعد موو
ملاك ... لعد شكولك طالع تخبل وتموت صفنت بروحي شكلت اني خررب. حضي
ازاد .. ههههه اي من البداية هيج
ملاك .. كوة خفيت ضحكتي ونداريت ع جهتي وابتسمت .. سمعته طلع اغنية محمد عبدالجبار شمسين .. امم شكلك تحب هالاغنية لانك ناشرها هم
ازاد .. اي احبهاااا
ملاك ... وصل لمن يكول عيون الناس وازاد غنة وياااه اول مرة اسمع صوته بل غناء شكددد حلوو واسلوبة متغير قبل جان اربع وعشرين ساعه معصب هالفترة هادئ ويبتسم يمكن بس وياي مدري .. كتله احمم ازاد اسالك سوال
ازاد .. جواب
ملاك .. احمم لمن جنت بل. مطبخ ووو
ازاد .. ابتسم مم ووو شنوو بستج
ملاك ... عزاا خجلت .. اي اييي المهم انته كلت كلام ضل بالي
ازاد .. شنو هوا
ملاك .. كلت عشكة للشيخ
ازاد .. ايي
ملاك .. اييي وستقصد يعني
ازاد .. ابتسمتلها كلشي بوقته حلو بوية
ملاك .. ممم اوك
...
وصلنا للگبة ع كولتهم اباوع للمكان اخضر وشط اكوو وبساتين يخبللللل عبالك جنة كلت.. اللللله شكد المكان ياربي
ازاد .. ههه عجبج
ملاك بدهشة .. اي والله يخبل
ازاد .. يلا ورا الزواج اجيبج. هنا
ملاك لاراديا كتله.. احلف
ازاد .. وداعتج
ملاك .. ابتسمتله ومشينا يم بيت ثلاث طوابق بس شنو شكد ماكوللكم جبيرررر جبيررررر يعني قصر مو بيت توزعنا للغرف انا ومريم وطبية بنت عمو بغرفة وازاد بغرفة لوحدة وسعد ودوريد بغرفة والچناين بغرفة كلهن هنا رادن يتعللن وبيبي وجدو بغرفة وماما وبابا بغرفة وعمامي جوا كلمن غرفتة .. طبينا غسلت وبدلت لبست دشداشة بس شكلها شكل فستان مخصرة ومن جوا عريضة وبيها حزام وردن خليت شال ونزلت جانو الكل كاعدين وملتمين ضحك وسوالف رحت يم سعد
احمم سعودي حبيبي اخويا
سعد .. عندج مصلحة كووولي
ملاك... امااانة كومي وديني للشط
سعد .. ولجج الطريق ساعه ماتعبتي
ملاك .. لااا لاا ماتعبت كووم امانة
بيبي .. شبيج يماا
سعد .. تريد تروح للشط وانا مابية حيل
ازاد .. كومي بوية انا اوديج
ملاك .. كمت اباوع للكل يباوعولنا ومبتسمين
طلعت ويا ازاد هوا يمشي وانا وراه .. يااي الجو يخبل
ازاد ... فعلا
ملاك .. تمشينا ووصلنا يم الشط اويييلي صوت الماي والهوا يخبل مكان جنةةةة جنةةة كعدت وهوا هم كعد كال
ازاد .. اشوفج مندهشة مشايف هيج اماكن
ملاك .. لا والله ماطلع هناك مالي خلك
ازاد .. اهاا
ملاك .. اي
...
يتبع
