• من يُريـدكَ لا يُـعيقه شيء 💜*.
.
.
آلكہآتہبہهہ /هبة النعيمي
.
.
.............. 💍
ملاك ... كعدت ساعة 3ونص بليــــل مايجيني نوم بعد وهاذا وقتي ببيتنا لازم اكوم اكل بنصاص اليالي هههه نزلت جوا ع كيفي فتت للمطبخ شغلت الضوة طلعتلي من الثلاجة علبة لحم وطماطة ووكعدت اكل حسيت احد طب للمطبخ التفتت اشوف ازاد ياربي هاذا احد مسلطة علية ولا يمشي بنومة ههه
...
ازاد ... شتسوين بهل وقت
ملاك ... انتة شدتشوف كدامك
ازاد ... بويا انتي متشبعين
ملاك ... شنووو شنووو والله اني هيج بيت اهلي اكل بنص اليل مايعجبك عود محد جابرك تزوجني اخذ بنت خالتك الصخلة..
ازاد ... ههه مع الاسف لو انتي لو ماريد
ملاك ... ننننن دمك خفيف ... اجه كعد كبالي مهتميت ضليت اكل
ازاد ... شدتاكليـــن
ملاك ... لحم وطماطة
ازاد ... واكو احد عاقل ياكل اللحم نيئ
ملاك .. اي اني اكله طيب
ازاد ... شو لعد خل نجربة
...
سحب الصحن مني وكعد هوا ياكل واني صافنه بيه بصدمة والله عندة انفصام بشخصية لالااااا هالشخص مو طبيعي بل نهار عبالك بركان وبس يخزر ومعصب وبليل هادئ وحباب هاذا شبيه ياربي 🌚
ازاد ... بيـج صفنات هوااي
ملاك ... هااا لل لا بس هيج
ازاد ... هوا شنو الهيج
ملاك .. ممكن اسالك سوال
ازاد ... شنو
ملاك ... انت ليش دائما تخزر ومعصب وماتتحاجه واربع وعشرين ساعه بركاااااان
ازاد .. ابتسمت ابتسامة خفيفة كتلها وهسة شلوني
ملاك ... والله ولا جنك ازاد الي بنهار معصب ومايتحاجه وينطي قوانين وكلامه يرج البيت هوا اني شاكة عندك انفصام بل شخصية
ازاد ... هههه صدك
ملاك ... اي والله شخصية الشيخ ازاد... وازاد
ازاد ... وانتي ياشخصية تحبين
ملاك ... ممم ازاد !
ازاد ... باوعتلها وابتسمت علا كلامها
ملاك ... يالله اني شحجيت يافشلتااااه ... يي يعني قصدي من تكون هادئ احلى تصير والواحد يكدر يتفاهم وياك
ازاد ... اي خووش .. يلا خلصي وروحي نامي اني كايم
ملاك ... اوك ...
راح واني كملت وكمت طلعت لغرفتي وافكر شلون حجيت هيج معقولة نعجبت بيه.. ههه يانعجاب يابطيخ هوا اني صارلي جم يوم من نخطبت اله الضاهر تسودنت نامي نامي ملاك احسنلج...
...
ثاني يوم... ساعة 9:55 صباحا
ام ازاد ... حجية نحنا شنلحكك نسوي باسبوع
الحجية... اي بنيتي شبيج العرس بقاعه يعني طبخ وتنضيف وغسل مو علينا عليهم هما نحنا العلينا نعزم ونجهز ملوكة وبسس
ام ازاد ... انشالله حجية
ازاد ... يمااا اني طالع تردون شي
ام ازاد ... لا يمااا سلامتك حافضك الرحمن
الحجية .. وليدي بالك ع نفسك
ازاد .. انشالله يلا في امان الله
...
ملاك .. كعدت بل تسعه غسلت وبدلت ونزلت صبحت ع الكل ورحت اتريك
..
مريم ... ههاااا هااا من هسة نوم للضهريات لعد باجر شلون 😜
ملاك ... وجعع لجج
مريم ... ههههه اتشاقة كلببي
ملاك ... وين الكل
مريم.. بل استقبال يتناقشون
ملاك ... اي والشيخ اكيد وياهم
مريم ... لا الشيخ طلع من الصبح عندة شغل
ملاك ... اهااا اي الله وياه
..
عزلنا البيت بس شنوو تكسرت جبير ومو هين وزوجات اخو ازاد كلمن ملتهية بجاهلها اوسامة طالع بيت لوحدة وعندة 3اولاد زين وعلي واموري ودوريد ساكن وي اهله لان مرته ماتخلف بس نفسيات ماتسوي شي ابدااا وعامر متزوج عندة 2جهال بنت وولد لارا ووائل شحلاتهم مرات زوجتة تساعد مريم ومرات لا 😂 خطية نفسيات... المهم عزلنا وكملنا وتوجهنا للغدة اني الحمدلله اعرف اطبخ لان ماما تعلمني تكول احسن تعلمي من هسة حته باجر من تتزوجين مايعيبون عليج ... سويت بامية ولحم وياها ومريومة سوت تمن وانا سويت زلاطة كملنا غدة وصارت ساعه 12:6 ينتضرون ازاد يجي يلا يصبون ومحد حجه
مريم ... ملوكة انتي عندج مبايل دكي ع الشيخ شوفيه يتاخر لو يجي ترا اهلي مايهتمون هااا المهم عدهم يجي براحته وبس واني ميته جوووع
ملاك ... شنوو لا يمعودة اني شكوو خلي اخوانج يدكون
مريم ... اي ولجج كتلهم يكولون هوا يجي من راحته
فدوة دكي واسالي
ملاك ... اوك بس معندي رقمة
مريم .. اي عادي انا حافضته سجلي 077...... ...
ملاك ... اوك
مريم ... اروح اشوف امي وارجعلج
ملاك .. اتصلت عليه مارد حاولت نوب هم مارد الثالثة رد
ازاد ... الووو
ملاك ... خررب شكد يعصب دحجي بهدوئ يمعود... الوو ازاد
ازاد ... منو
ملاك ... اني ملاك تصلت حته اكولك مطول تجي لو لا
ازاد ... ليش شتاقيتيلي من هسة
ملاك ... طبعااا لا بس اختك جوعانه وكالتلي اتاكد منك
ازاد .. لا جاي
ملاك ... اوك باي
ازاد ... باي
...
سديتة منه واقلد ع كلامه شتاقيتيلي ههههه اي شلووون موت يييع اشتاقلك عود
مريم .. هاحاجيتي
ملاك .. اي كال جاي
مريم .. اوك زين
ملاك ... ممم
...
مريم ... ايي شلون علاقتج وي الشيخ
ملاك ... عادية شون يعني
مريم ... ملاك ترى الشيخ كلبة طيب تعاملي زين وياه وصيري حبابة وياه
ملاك ... الله كريم
.........
يتبع ...
