ملاك ... لليل حضــرنا العشى بس ازاد ماكو تعشو وكملو وبعدها نتعلل وسوالف وضحك للساعه 10 كلمن كام لغرفتة ...
.... ....... .......
ازاد ... من طلعت من البيت جنت ضايج حيل وجاعد افكر بل ماضي وابوي وكلشي للساعه 11 ونص رجعت للبيت هدووئ شفت غرفة الحجية عالگ ضوة بيها رحت الها.. هــ̺͈͡ـا ⁞♩⁽ يماا كاعدة
.
الحجيــة ... هلا وليدي وينك لهسة وطلعت مالگ خلك شمالك
ازاد ... رحت دنكت لرجليها وخليت راسي .. لا يماا ماكو شي هيج بس
الحجـية ... يمااا انا مربيتك واعرفك وشفتك ضجت من بيت عمك جابو طاري رجعتهم شبيك وليدي احجيلي ولاتضم علية
ازاد ... معرف يايمااا حت انا احتاريت وي نفسي مدري ضجت مدري حيرة
الحجيـة ... وليـــدي اسالك سوال جاوبني صراحة هااا
ازاد ... اي شنوو
الحجيــــة ... شنو رايك بملاك
ازاد ... سكتت شوي يلا حجيت.. يما شهل سوال وشنو مصدرة
الحجيــة .... شوف وليدي انا ادري بيك البنية عاجبتك ورايدها هالشي مبين بعيونك ولاتجذب علية انا اعرفك اكثر من نفسك بس دتكابر وتقنع بروحك لاا شوف بني الماضي ماضي والراح راح ومو اصابعك سوة يعني من كرهت النسوان ليش كلهن نفس بعض هاا شو اني مو هيج امك مو هيج عماتك مو هيج
ازاد ... يمااا كل عقلج تقارنين بيهن وبيكم
الحجيــة ... وهاذا مقصدي يوليدي عيش حياتك وعوف الماضي انت مرتاحيت بطفولتك وعشتها سواد خلي هالبنت تفوت لكلبك وتشوفك الاهتمام والحب
ازاد. ... ههه يمااا الدتحجين عنها زعطوطة تدرين موو وينها وين هالسوالف
الحجيــة. ... يمااا ترا ملاك مو ع عمرها عقلها اكبر من عقلها زين كلي لحد هسة عاندتك سوت شي يعصبك شوو دوم واكفه ويانا انت سوي الكتلك عليه وريح كلبك تراهي بنية حبابة وطيبة ماتلكه منها ...
ازاد. ... الله كريم يماا يلا تصبحين على خير .. بستها براسها وطلعت
.....
ملاك ... احمم احمم ميحتاج اكللكم ليش كاعدة لحد هسة لان طبعاا اذا مانزل للمطبخ واكل مكدر انام مو بيدي 😂😂))
...
جنت دنزل وشفت ازاد صاعد سويت نفسي ممنتبها اله كملت نزولي
ازاد ... عرفتها ليش نازلة جوعية ههه
.. احممم شكوو نازلة بوية جنج بزون
ملاك .... نازلة للمطبخ اشرب ماي
ازاد بمكر ... اهااا تشربين ماي .. هزيت راسي وابتسمت صعدت فوك لغرفتي ..
.... ......
ملاك ... نزلت للمطبخ طلعتلي طماطة وليمونة وسويت لفات واكلت كمت غسلت ايدية وصعدت بس ضل بالي ليش ازاد جان ضايج معقولة مني بس اني مسويت شي يلا شدخلني اني فتت بغرفتي بس وربي مكدرت انام عندي احساس انو جان ضايج مني كلت خل اروح واعتذر حتى اذا مو غلطانة عادي جانت. ساعه 1 عدل رحت واتردد خاف يكول شجابها بهل ليل اهووو. ملاك جيتي يلا فوتي ..
دكيت الباب
... دخلي بوية
... عزا شلون عرفني طبيت احمم اسفة جيت بهل وقت بس والله مكدرت انام لان اكو سوال براسي ولازم اعرف جوابه
