ملاك ... نمت الى ساعة 7ونص المغرب كعدتني مريومة ع العشى نزلنا جوا تعشينا وغسلت مواعين وصبينا چاي كاعدين كلنا وجان نسمع صراخ اوسامة وازاد..
اوسامة .. ازاد خويا لاتتدخل بيني وبين مرتي رجاءا
ازاد ... اوسامة اكفينا شرك بهل مغربيات
الجد .. شكووو ولكم شصاير
اوسامة .. ماكو شي خلاف بسيط ازاد عوفني
ازاد ... ماعوفك تريد اعوفك حته تموتها مووو ولك اصحى شجاك علمود شي تافه تضرب مريتك ودور طلاك هم
الجد .. شنوو طلاك وشنو ضرب ازاد احجي شكوو صواتكم للضالين
بيبي .. وليدي شبيكم وينها مريتك وجهالك
اوسامة ... بيبي اني بعد ماصبر وياها لزينب ياموتها ياطلكها وارتاح
بيبي ... يماااا سودة بوجهي تف من اثمك شنوو طلاك شبيك تسودنت
ام ازاد ... وليدي شبيك وليش معصب احجو
ازاد ... يابا اوسامة داخل للبيت ومتعارك وي مرته وهيا من حركتها لازمه زيوني وضاربته بل كاع بس ماتاذة لاان انضرب بل فراش
الجد ... شنووووو وينه الولد
ازاد ... بل سيارة كلهم دوريد نزلهم
دوريد ... صارر
ملاك ... اني نصدمت شلون نطاها كلبها ع ابنها نزلهم دوريد وركضتلها سودة علية لافين راسة شلته لحضني ويبجي.. اشش حياتي لويش الحلو يبجي هاا يبعد عمتوو انته باوعت لازاد مكسور ضهرة عليهم
ازاد ... ملاك دخلي جوا ونطي اكل جوعان
ملاك .. حاضر.. دخلته جوا وصياحاتهم بعدها واوسامة مصر ع الطلاك من جهة حقة لان لو صاير شي للولد شلون بيهم هاا ومن جهة اكول لا حرام ميصير الطلاك ... اووف ربيي لخاطر هالطفال افرجها واهديهم.. كعدوو الكل بل ديوان مريومه رحت تنوم الجهال البقية لان زينب راحت لاهلها زعلانه فوك ماهيا المشكلة وابنها ماسالت عنه ويبجون يريدوها اني لازمة زيوني واطعمه شفته نعس شلته صعدت الجهال بغرفة مريومة نايمين كلت اخذة لغرفه ازاد احسن خليته ع السرير وغطيته وتمددت بسدة ومقهورة عليه خطية بعدة صغيرون...
.
.
ازاد بصياح... اوسامةةةة كاااافي عاد طلاك ماكوو وتنساها وباجر ترجع مريتك لخاطر الجهال
.
اوسامة ... شوف خوية هوا اني متحملها لخاطر الجهال بس لهنا وبسسس انتو خطبتوها بحجة كرايبي وكذا وانا ماحبها وصبرت ومحجيت شي بس كاااافي كاااافي ترا طكت روحي منها فوك ماهم شغل ماتشتغل وطبخ متطبخ كله جاهز اطلب الها واكول عادي بس مال تعيط بوجهي وطول لسانها وتشمر ابني بل ارض بالله خل تحمد ربها ماموتتها ع ايدي واجيت انته بوقتها... تدري ازاد نصيحة لاتتزوج ملاك لان زواجكم تقليد يعني باجر حالكم من حالنا مشاكل وماكو تفاهم
ازاد بعياط ... اوسااااامة ضب السانك ولا طلعني عن ديني واحترم ولا تقارن ملاك بزينب افتهمت ترا ساكتلك ومحجيت هالشي مايعني انك تنفلتت كافي عاد طلاك ماكو وتنجب يم جهالك وتعيشون هنا فضت وكضت وتعوذ بليس..
الحجية ... وليدي فكر بجهالك حرام عليك تحرمهم من امهم ومنك ترا ميصير عكبها لكبرو مراح يسالوك وين ماما وليش عفتها هااا تعوذ بليس وسوي الكالك عليه اخوك
الجد ... كلام ازاد صح تعالو هنا عيشو وهاهية فضو السالفه صواتنا للجوارين ونحنا بيت ابو ازاد وشيوخ عيب عليك رجال مشورب تالي عمرك دور طلاك شيلها من بالك وعتذر من اخوك الشيخ على كلامك.
اوسامة ... هففف استغفر آلَلَهّ واتوب اليه خلاص التردونه يصير... وخوي اعذرني ع كلامي والله جنت معصب ملاك ماكو منها طيوبة
ازاد ... هاهية خويي مسامحك
بيبي ... شو الجهال وينهم
ام ملاك ... زيوني يم ملوكة تنومة فوك والبقية يم مريومة نايمين
ازاد ... من رخصتكم اروح ابدل وارجع
الكل .. مرخوص شيخ
ازاد ... طلعت لفوك ودخلت للغرفة شفت زيوني نايم وملاك مددة يمه وحاضنته ضليت صافن بيها وتذكرت شلون ركضت حضنت زيونه وانا اشوف الدمعه بعيونها عليه عدها فد برائة حلوة .. احمم احمم
ملاك ... فزيت ع صوت بل غرفه.. عزااا ازاد هنا وشعري مفلت ودشداشتي مخربطة.. تعدلت وكفيت شعري.. اا اسفه والله محسيت ع نفسي غفيت يمة
ازاد ... عادي بويا مصار شي اكل موو
ملاك ... ايي طعمتة ونايمته خطية والله نقهرت عليهم اوسامة والجهال شلون بيهم وصدك شيخ شقررتو بخصوصهم
ازاد ... استغربت منها اول مرة تناديلي شيخ بس عجبتني بلسانها // ماكو طلاك وراح يعيشون هنا ويانا وهاهية
ملاك ... وراح يرجع زينب
ازاد ... يرجعها لخاطر الجهال ولا هيا متستاهل
ملاك ... اي والله صحيح خطية الجهال البقية شلعوو كلب مريومة يردون امهم
ازاد ... اي هما متعودين عليها اما زيوني مايل النا حيل
ملاك ... ههه شحلاته والله ماتعبني خطية
ازاد ... خوش
ملاك .. واني هم راح اطلع اخذ راحتك انته.. كمت عدلت ملابسي وشالي وردت اطلع زيوني كام يبجي رحت يمة... هاحبيبي زيوني شبيك
زيوني ... لاتلوهين دلي هينا
معناها لاتروحين ضلي هنا هههه افهملة
ملاك ... باوعت لازاد ورجعت نداريت لزيوني.. بس حبيبي ميصير هاي غرفة عموو ازاد عيب.. كام يبجي اني حتاريت شسوي
ازاد ... ضلي هناا
ملاك ... هاا
ازاد ... ااا قصدي يعني علمود زيوني ميصير نخليه يبجي نامي هنا اليوم يمه وانا ع الجرباية
ملاك ... لا شيخ ميصير شلوون تنام ع جرباية
ازاد ... عادي بوية ماكو شي المهم زيوني مدام رايدج ضلي يمه
ملاك ... بسس..
ازاد .. لا بس ولا غيرها كلمتي متصير ثنين
ملاك ... براحتك شيخ
ازاد ... انا فايت ابدل
ملاك ... اوك ... دخل للحمام واني خليت زيوني بحضني ونيمته خليته ع المخدة وغطيته.. طلع ازام من الحمام لابس بجامه سودة وبيها خطوط من الجوانب سود والتيشيرت اسود وهوا ضخم لابد عليه طالع يخبش بلون الاسود بقيت صافنه شلون يمشط ويتعطر... ضربت راسي هاي شبيج صافنة يل صلفة استحي
ازاد ... وياي
ملاك ... هااا لا لا ويا نفسي
ازاد ... انتي مسودنه بويا بيج شي
ملاك ... داااشوف شكد خبلة اني.. لا شيخ جنت اتشاقة وياك ههه
ازاد ... زين
ملاك .. اني مكدر انام بنفس الدشداشة لازم اخذ دوش والبس شي خفيف كمت من زيوني ورحت لغرفتي ومريومة شكلها يضحك ههههه مخلية الجهال كلهم بصفحة وحاضنتهم ونايمة وشكلها يضحك فتت اخذت دوش ولبست دشداشة كودري نص ردن خفيييييفة ومريحة لونها وردي فاااتح وبيها دانتيل من يم الصدر خليت شال ع راسي وصعدت للغرفة طبيت ازاد متمدد ع جرباية ويلعب بمبايلة رحت يم زيوني تمددت وغفيت يمه
..
ازاد .. شفتها طبت ولون الوردي طالع يخبل عليها وهيا بيضة راحت تمددت يم زيوني وغفت بقيت افكر بكلام اوسامة ومعقولة كلامة صدك يصير اني وملاك مو هالكد تفاهم وماكو تشابه بينا ياترا راح تكدر تتقبلني... يلا ازاد الله كريم .. نمت
..
...
..
ملاك ... كعدت الصبح ساعة 7 عدل تعجبت من نفسي ههه شاطرة عفية علية البيت هدووء الضاهر محد كاعد انتبهت ازاد بعدة نايم وزيوني هم كمت نزلت جوا لغرفتي سبحت وبدلت وخليت شال نزلت جوا سويت چاي وحضرت ريوك ومديته ع الطاولة وحسيت بجدو وبيبي كعدو صبحت عليهم
بيبي ... صباح النور حياتي شهل نشاط الصايبج من الصبح
ملاك ... هههه والله بيبي حت انا متعجبة من نفسي ههههه
كعدو ع سفرة وبعدها كعدو الولد كلهم واهلي هم وحت ماما متعجبة مني ههههههه يمعودين شايفيني عفنة خوما عفنة 😂😂😂 كعدو وجدو سال عن ازاد كتلة بعدة نايم
الجد .. بنيتي كعديه بساع ورانة طلعه نحل مشكلة البارح
ملاك ... حاضر جدوو ... رحت للغرفة بعدة نايم زيوني جان كاعد اا ع فكرة زيوني عمرة سنتين وست شهور.. شلته وبوسته حبيبي الحلوو واضحكه واعضة دنيت يم ازاد .. شيييخ شيييخ اكعد
ازاد ... فتحت عيوني وملاك كبالي
ملاك ... صباح الخير
ازاد ... صباح النور بويا
ملاك ... جدوو ينتضرك جوا كال كعديه حته نروح نحل مشكلة اوسامة
ازاد ... مم هاااا حبيب عموو كاعد اليوم
ملاك ... اي نشيط مثلي... حاطته بحضني وواكفه بيه وازاد يلعبة ويضحك انتبه بتفاصيل شحلاته وضحكته تخبل
ازاد ... شبيج بويا تصفنين
ملاك ... هااا لا شيخ ولا شي يلا انزل جوا نحنا سابقينك
ازاد ... تمام
ملاك ... نزلت جوا واحجي ويا زيوني.. عمك حلوو موو هوا صح عصبي بس محبوب وحلوو يلا كلبي كول اي واقنعني
ههههه زيوني يضحك علية حقك حياتي خبلة داحجي وياك واخذ رايك ههههه.. رحت كعدت وزيوني بحضني شوية ونزل ازاد واجا كعد يمي ويلعب زيوني مجنا منتبهين ع الكل انا اطعم زيوني وهوا يلعبة ويحجي وياه
.
بيبي ... انشالله يوم النفرح بيكم ونشوف جهالكم
ملاك ... نتبهت عليهم كلهم يباوعولنه ويضحكون صرت طماطة باوعت لازاد مبتسم درت وجهي سويت نفسي العب زيوني
ازاد ... ههه الله كريم حجية
الجــد .. يلا بوية ازاد نمشي
ازاد .. اي يابا اوسامه وينه
ام ازاد ... جان ديغسل
ازاد .. خل يتحضر ويجينا بساع
..
ملاك .. راحو جدو وازاد واوسامه علمود يرجعون زينب ويفضون السالفة لميت مواعين الريوك وغسلتهن وكعدت زيوني ع الميز ونطيته مبايلي يلعب بيه ومحد موجود بيبي وماما وام زاد بل غرفة ودوريد راح وياهم ومريم نايمه وي الجهال.. شغلت اغنية قيس هشام ياشيخ كلبي ودنيتي ومندمجة العب زيوني واغني وفجاة اجه بالي ازاد وهيبتة وطولة وعطرة وشخصيتة وعصبيتة شو كمت اكمز اغني واضحك باوعت لزيوني.. ولك يحلوو معقولة اني بديت احب عمك هههه والله تخبلت شبيج ملاك شو كايمة افكر بيه وانا الجنت ماطيقة وماريدة هسة صرت افكر بيه واتخيلة يعني معقولة بديت احبة ياربي حتاريت وي نفسي..
...
يتبع .. خلينا نسمع اغنية ملاك شوية ههه ندمجو وياها بل اجواء وشتتوقعون ملاك حتحب ازاد لو لا
