ملاك... ضل بالي بهل تفكير وليش هيج نضراتة الي.. شبيج ملاك تخبلتي خوما تخبلتي خلاص لاتفكرين بيه؟
.
.
جد ازاد... بويا ازاد رايدك بموضوع
ازاد ـــ اي يابا تفضل
الجـد... شوف ابني انتة غالي عندي وانا رايد مصلحتك واريد اشوف جهالك قبل لاموت..
ازاد ـــــ بعيد الشر عنك بوية ليش تحجي هيج عمرك طويل انشالله
الجــد... وليدي انا اريد افرح بيك ورايدك تستقر وتكون عايلة وجهالك يكبرون كبالي تراك مو صغير
ازاد ـــ التأمر بيه يابا بس منو بالك
الجـد... والله انا بالي بنت ومستحيل تلكة مثلها وهيا تربيتنا ومنا وبينا
ازاد ـــ منيا
الجـد... ملاك بنت عمك
ازاد ــــ والله يابا ماعرف شكلك بس لتشوفه انته
الجــد... بارك الله بيك وليدي دامك موافق اليوم احجي وي ابوها واطلبها منه
ازاد... بس منو كال هيا توافق
الجـد... وليش متوافق شناقصك
ازاد ـــ هههه يابا اكو فرق السن بينا
الجـد... عادي ترا العمر مجرد رقم واليوم احجي وياهم وخلاص
ازاد... براحتكك يابااا اترخص منك
الجد... مرخوص..
.
.
ازاد ـــــ طلعت وانا افكر توافق او لا وهيا تخاف مني وبعدهي ماتعرفني ياترا تتحمل عصبيتي واسلوبي وراح تحبني او لا؟ وانا بعدني لامتعرف عليها ولا حاجي وياها! يلا الله كريم... طلعت لفوك وشفتها توها طالعه من غرفتها من شافتني رادت ترجع عطت بيها صبري
.
ملاك... وكفت بمكاني!
ازاد... ليش من تشوفيني تنهزمين شنو وحش كبالج ولا شلون هااا
ملاك... ااا لاا مو هيج
ازاد.... لعد شنو
ملاك... يعنيي شلون افهمك
ازاد ـــ ايي فهميني داسمعج.. ومركز بعيونها وهيا متلبكة
ملاك... هففف.. القصة ومابيها انو ماعرفك ولااعرف طبعك واسلوبك واخجل منك لهيج
ازاد... يعني تخجلين؟
ملاك... ايي بسس
ازاد... تمام
ملاك..!
ازاد... طلعت لغرفتي اخذت دوش ونزلت الكل كاعدين وجدي كاعد وياهم عرفت شكوو رحت كعد وياه وصارت كبالي ملاك
.
.
الجــد... انا جمعتكم هنا لان عندي موضوع ولازم الكل يسمعني وماريد اعتراض على كلامي
.
ابو ملاك... اي يابا قلقتنا كول شصاير
الجد... انا اريد ازوج ازاد وافرح بيه
ابو ملاك.. اي هاي مابيها شي يابا بس منو
الجد... اني اريد منك بنتك ملاك لازاد ومتاكد انك ماراح تردني
.
ملاك... سمعته هيج كال والصدمة اخذتني باوعت لجدو ولازاد
ابو ملاك... والله يابا ازاد ماينرد رجال والنعم منه بس القرار عند بنتي انا ماجبرها
الجد... بعصبية... هاا ومن يمته البنات يقررن انا كلت العندي وملاك لازاد وماكو اعتراض وهالاسبوع الخطوبة
.
ملاك... اسمع كلامهم وعبالك احد طش علية ماي بارد ردت احجي وابويا سكتني اباوع لازاد عادي عندة الضاهر جان يدري بل موضوع... بس اني ماريدة وماحبة واصلا تفكيري كله دراستي شلوون بيها يالله وجدوو عصب وكال كلمته وابويا سكت يعني موافق عيوني دمعن كمت ركض رحت لغرفتي..
.
ازاد...بــ؏ـــد كلام جدي محد عارض وعمي سكت وبمعنى موافق بس انتبهت لملاك مصدومة بغير عالم وعيونها مغوركة ركضت وطلعت فوك..
.
.
ملاك... دخلت للغرفه واحس نفسي مخنوكة شمرت نفسي ع سرير وابجي يعني خلاص ضاع مستقبلي ودراستي وراح اتزوج رجال لااعرفه ولايعرفني 😢😢 دخلت ماما علية
.
ام ملاك... بنيتي شبيج
ملاك احجي وابجي... ماماا فدوة كولي لبابا خل يرفض ماريد اتزوج ماااريد
ام ملاك... بنتي جدج انطة كلمته ومحد يكدر يعارضه وازاد شبيه حته متردينه شو رجال وخلق واخلاق ومعروف صيته ونص بنات العشيرة كاتلات ارواحهن عليه ومن بينهن اختارج بنتي اتعوذي بليس وكومي غسلي وانزلي عيب كبالهم
ملاك... يعني حته انتي موافقة مووو
ام ملاك... مابيدي شي بنيتي يلا غسلي ونزلي
ملاك... …
رحت امي جوا واني بس ابجي شلووووون ياربي شلووون لاحبة ولايحبني وماعرف اسلوبة وطبعه بيوم وليلة يردوني اله اووووف اووف .. كمت غسلت وجهي وطلعت. .. نزلت جوا مالي خلكك رحت للمطبخ ومريم تبوس بيه وچنتنا وهالحجي وانا ولا مهتمة اصلا؟
.
ازاد ... طبيت للمطبخ شفتها كاعدة واختي مريم وياها كلت... مريم طلعي شوية
.
مريم ... تامر شيخ
ملاك ... اجااا كعد كبالي ومخلي رجل ع رجل ومنتجي ع الكرسي ويباوعلي
ازاد ... اي ست ملاك شبيج
ملاك ... كل عقلك تسالني شبيه
ازاد ... داسمعج
ملاك ... اي هوا انته بس تسمع
ازاد ... لسانج لا اكصة الج
ملاك ... شووف من سابع المستحيلات نحنة نكون لبعض وسوا اوك لا اني احبك ولا انته تحبني ولا انته تفهمني ولا اني افهمك تمام واني لو اعرف اموووت ماتزوجك ولو اخر يوم بحياتي ماراح احبك لااعرفك ولا اعرف طبعك ولا اسلوبك ولا طريقة تفكيرك لذالك ماراح احبك ولا اتزوجك وروح شوفلك غيري انا مافيدك..
ازاد ... ممم خلصتي كلامج
ملاك ... تخبلت منه يحجي بكل بروود انتة بيك شي سمعت شكتلك موو
ازاد ... كلامج ماراح يغير شي وانتي راح تصيرين مرتي ان رضيتي او لا اول وتالي حتحبيني ويجي يوم وتعترفين
ملاك ... هههههه ضحكتني حيييل اني واحبك الك هوا منين اعرفك حته احبك
ازاد ... لاتخافين راح تتعرفين علية كدامنا اسبوع كامل ع الخطوبة وبوقتها راح تعرفين منو اني
ملاك ... خطووووبة لالا انته مو صاحي داكولك ماحبك افهمممم افهممممم شبيك مسودن انته.. محسيت عليه غير ضارب الطبلة ولزمني من ايدي حيل وجرني وياه لفوك ومحد انتبه علينا... شبيك عوف ايدي دتوجعني ... داكولك عوفني تخبلت شبيك عوووووفني.. ولا عبالك لايسمع ولاهم يحزنون دخلنا لغرفته وسد وقفله ودفعني حيل.. بلعت ريكي من الخوف
.
ازاد بعصبية ... شكلتي قبل شوية
ملاك ... شنو هالتصرفات عوفني
ازاد بعياط... شكلتيييي عيدي كلامج
ملاك ... فزيت على صياحه عيونه يجدحن عصبية وصاك سنونه ويحجي ماضل دم بية من الخوف
ااا ازاد عوفني اطلع..تقدمت لعندي وياشر باصبعه علا راسي ويحجي بعصبية
ازاد ...شوفي زواج غصبن عنج تتزوجيني وكلامج اذا سمعته مرة ثانية اشوفج شي ميعجبج ولسانج ينكص لا اكصة الج اني ووكتها ماراح ارحمج وراح اعتبر نفسي كلشي ماسمعت وتنزلين جوا وتضحكين افتهمتي
ملاك ...ميتة من الخوف كتله... والله لو اموت ماتزوجك ....دفعني ع الكنتور وصار قريب مني كلششش بحيث احس بانفاسة من عصبيتة ادفع بيه مايندفع ضخم ماكدرلة لزم ايدية اثنينهم وخلاهم ورا ضهري
ازاد ... ماتتزوجيني لعد موو
ملاك ... ععع عووفني ازاد دتوجع ايدية
ازاد ... جيتج بطريقة حلوة وحجيت بهدووء وياج بس الضاهر ميفيد بيج ومن اليوم حتشوفين وجهي الثاني.. وبكلامي وكيفي حتمشين كلمة زايدة هسة بهل لحضة اسوي شي اخليج من كيفج توافقين
ملاك ... اني هبطت من حجه هيج..
ازاد ... مفهوم لو لا
ملاك... هزيت راسي بمعنى اي
ازاد ...خووش
ملاك..ترك ايدية ووتصرف بكل بروود ولا كانو صار شي؟
ازاد ... يلا ننزل
ملاك...نزلنا جوا ومشة اليوم عادي وجدو قرر باجر نعقد وطبعا اني مالي رايي ههي
...
يتبع
