مـلاك .. اجا يوم العقْد مريم كالت خلي شال ع راسج علمود نعقد اني وازاد وجنت لابسة مثل القفطان لونه ابيض وبيه طراز نيلي حلوو.. نزلت ووكفت ورا الباب وبدا الملا يحجي كال هل انتي راضية بهاذا الزواج دون غصب احد لكي... سكتت شوي وكلت نعم موافقة وعدتها موافقة وعدتها هم موافقة وانت وكيلي والهلاهل فوكي واني وييين بغير عالم تفكيري معقولة هاهية صرت لازاد يعني مشى كلامة وسواها اجت عمتي ام ازاد وبيبي باركولي وبعدها اجا بابا وازاد وجدو وعمامي باسني ابويا براسي وباركلي وجدو هم باركلي واجا سعد اووف ششتاكلك وربي عركات اني وياه هههه
.
سعـــد .. واخيرا خلصنا منج هههه
ملاك ... ابتسمتله وحضنته
سعد ... الف مبروك غالية اخوج
ملاك .. يبارك بيك يوم الك انشالله 😜
سعد ... ههه الله كريم
ملاك ... جنت ضحك ويا سعد والكل كعدو وبعدها شفت ازاد واكف وحاط اديناته بجيبة ويباوعلي بنضرات نصر مثل اليكول مشيت كلامي عليج.. خرب ضحكتي انداريت ورفعت حاجب
.
دوريد .. شوفو عاد اخويا واريد افرح بيه انتو اختاريتولة الزوجة ونحنا نختار العرس وين اتفقنا
اوسامه... اي فعلا كلامك صح ✅
دوريد ... شوفو الخطوبة علا كلام جدي باجر موو
الجد .. اي ليش
ملاك .. اني اسمعهم واضحك.. اضحك علا حالتي كاعدين يحجون عن عرسي وخطبتي وايمت واني اخر من يعلم حالة لا احسد عليها
.
دوريد ... لعد جدو العرس حنسوي بقاعه ونعزم لان دور البيوت رااااااح تطورنا وقاعه احسن وارتب وانضف مو ملاك
.
ملاك .. هاااا اا بكيفكم .. طبعا دوريد طبعه كلش حلو يحب يتشاقه ويخالط ويضحك ولا كانو اخو ازاد سبحان الله 😜😂😂
.
دوريد... خلاص العرس بقاعة لعد
الجد .. ع راحتكم وانته وليدي ازاد شتكول
ازاد ... والله يابا الولد مقررين الضاهر وماريد اخرب خططهم وافكارهم وكلامهم صح قاعة احسن النا انضف وارتب ومعازمينا كثار
الجد ... شي اكيد لعد غير عرس الشيخ ازاد لازم الدنيا كلها تعرف وتشوف الا اسويلك عرس ماصار
ازاد .. تسلم بويا
بيبي... وليدي روح اكعد يم مريتك لاتخجل صارت حلالك
الكل.. ههههه
دوريد ... اي خويا وشتريد سوي استغل الفرصه نحنا مو منتبهين هاا
الكل.. ههههه
ملاك .. عدلت كعدتي واجا كعد يمي جانو يضحكون ع سوالف دوريد وحركاته وحسيت ازاد اقترب يم اذني وهمس... مبرووك
.
باوعت عليه مارديت ب اي شي رجعت درت وجهي عنه ومندمجة وياهم وهالبدلة احسها خانكتني كمت رحت لغرفتي ردت اسد الباب ازاد حط رجلة كدامه ودخل وسد الباب
..
انته شلو تتصرف هيج هااا
ازاد ... صوتج
ملاك. ...
ازاد ... سمعي الراح اكولة
اولا... طلعه ماكو لاي مكان
ثانيا... لبس تلبسين دشاديش مستورة
ثالثا... الحجاب تبقين لابسته حالج من حال نسوان اخوتي وبيتنا مايفرغ ولد طابين طالعين افتهمتي
.
.
ملاك .. يحجي وصافنة بيه .. هههه هذني قوانينك لو شلون
ازاد بحدية.... مو عاجباتج
ملاك ... انفذهن كلهن بشرط
ازاد .. وغصبن عنج يتنفذن
ملاك... اسمع شرطي اول شي
ازاد .. اي تفضلي
ملاك .. ماتلمسني ولاتتقربلي
ازاد .. ضحكت بستهزاء على كلامها وبعد اكو
ملاك .. لا هاذا شرطي
ازاد .. افكر
ملاك ... لوكت ماتفكر ترا ولا شي من الكلته راح انفذة نداريت محس غير دافعني للحايط وصاك سنونه ومخلي ايديناته اثنينهن ع الحايط وحجه
.
شووفي من البداية واول ماجدي رادج الي وافقت وبعدها شفتج رافضه وتبجين وضجتي كلت ماجبرها علية هيا حرة وجنت راح الغي كلشي بس كلامج وطولة لسانج وتصرفاتج وياي الخلتني اعاندج واجبرج ف كلشي يصير انتي مسوولة عنه حسني تصرفاتج لا والخلقج اجرم بيج
.
ملاك .. جنت ادفع بيه مايندفع خررب شكد ضخم ووخر عني شبيك
ازاد ... حذرتج وسويت العندي مو شيخ ازاد التنكسر كلمتة افتهمتي.. حجيت هيج وطلعت دمي يفور منها
ملاك .. طلع ازاد واني عيوني مغوركة اتمنه كل هالشي كابوس بس مع الاسف هاذا واقعي اوووووف ياربي دخيلك شسويت حته تجازيني هيج اهئ اهئ اهئ.. بجيييت الا ان تعبت نمت محسيت اجتني مريم ساعه ٧المغرب نادتني ع العشة ماجيت ضليت مكملة نومتي الا ثاني يوم
.....
ثاني يوم (الخطــــوبة)
..
ملاك ... نزلت ساعه ٧صبح البيت خبصه وحوثه مخبوصين ع الخطوبة شدعوة يمعووودين اجتي مريم
.
مريم... 🤐🤐🤐ولجح بعدج ماجهزتي نفسج اليوم خطوبتج
ملاك .. عادي هسة اتجهز
مريم ... حطيت البدلة مالة الخطوبة فوك الج والصالون هية تجي
ملاك ... لالاااااا ماريد صالون انا اخلي مكياج لنفسي وهيا خطوبة عادي
مريم ... براحتجج
ملاك ... اكلت لفة جبن 🧀 وطلعت لغرفتي باوعت للبدلو حلوة نازكة من فوك مخصرة ومن جوة شوي منفوشة ولونها ماروني ونص ردن وبيها من يم الصدر تول مغطي الصدر وخرز ماروني عجبتني سبحت وطلعت لبستها بل كوة 😂 وخليت مكياج يتوالم وي البدلة وسويت شعري سرح ومن جوا كيرلي طلعت فد شي اخبل هههه اجتني مريم
.
مريم... صلوات ع نبي تخبلين حًحًــــــيِّأّآتٌــــــيِّ🔥🙈
ملاك .. عمري حلاتج
مريم.. يلا نزلي ساعه صارت 11 ونص هسة يجي شيخ ازاد حته يلبسج حلقات والذهب
ملاك.. وربي كلشي لخبطة مفروض حنة وخطوبة يم اهلي بس هنا مستعجلين سووهم بسرعه والعرس بعد 3ايام مقررين مشالله 🌚🌚
نزلنا جوا وهلاهل وعمتي وبيبي وماما يصلون ع نبي ويقرون ايات كعدت ع الكوشة كلت لمريم جيبيلي ماي عطشانه والنسوان تباوعلي وشحلاتها وهيج سوالف بدن البنات يركصن واغاني... صفنت شوي تمنيت كون شخص يحبني واحبه واليوم عرسي وافرح مو مثل هيج حالة بس يلا شبيدي خلاص ملاك راح تعيشين حياتج وي ازاد هاهية انتهت العزوبية شوي وكالو راح يدخلون كلبي يدك الف مدري ليش بس توترت.. دخلو بس صفنت ب ازاد طالع يخبل لابس دشداشة نيلية وعكال ابيض سادة ولافة لفةةعمانية وساعه وعطر يمااا شي كارثي اجا كعد يمي
.
.
ازاد ... مضيعة شي بوجهي
ملاك ... ييي شكد فشلة كتلة.. ها لالل
ازاد ... عجبتج البدلة
ملاك ... باوعتلة بستغراب كتلة اي ليش
ازاد .. اي خوش طبعا تعجبج ذوقي مو حيالله
ملاك ... ششن شنووو ذوقك
ازاد .. اي ذوقي عندج مانع
ملاك ... انداريت واني مصدومة ليش مريم ماكالتلي هيييييج ..
ام ازاد .. يلا يماا كومو حته تلبسون حلقات
...
ملاك ... كمنا بس ايدية ترجف طلعو الحلقات مديت ايدي لزمها حيييل ولبسني وهوا يباوع بوجهي شكد غثيث لبسته اني هم وهلهلو وركصوو لل 4 العصر يلا خلصت الخطوبة بس شنوو متت من البدلة والتعب يايمااا راحو العالم ماضل بس خالات ازاد وعماته اني رحت للغرفه فورا للحمام نزعت البدلة واخذت دوش وطلعت لبست دشداشه كودري خفيفة ومريحه كلش نشفت شعري واجت مريم كالت جوعانه كتلها ميييته من الجوع ماتريكت
مريم ... اي خوش وديت صينية اكل لغرفة ازاد بيبي كالت ياكلون سوا
ملاك ... شنوووو
مريم ... شبيج اخترعتي هههه
ملاك ... ماتكليلي بيبي منو مسلطها علية لا ناوية تعيد شبابها بية
مريم... 😂😂😂😂عزااا بعينج شبيج
ملاك ... ههه لا شيء
مريم .. تمام يلا روحي اكلي
ملاك .. نزلت مريم واني اشلون بية خوما خبلة اروح لغرفته ههي بس شسوي بطني توصوص من الجووع ههههه مابيدي حل رحت لغرفته دكيت الباب ماكوو رد دكيت انوب سمعته كال تفضل طبيت لغرفته باوعلي بستغراب
..
ملاك ... ااا جيت هنا لان بيبي كالت خل ياكلون سوا معرف هيج شي
ازاد ... اهااا اي اكعدي
ملاك ... كعدت وكعد كبالي بس والله خجلانه امد ايدي هوا بدا ياكل ماهتم واني مثل الصنم
ازاد .. شبيج بويا ماتاكليـــــن
ملاك .. هاا ااا اي اي هسة شفته كام اخذ خاولي وكال اني فايت اسبح استغليت الفرصة كعدت اكل مليت بطني 😂😂😂
..
ازاد .. شفتها مستحية تاكل كبالي سويت نفسي طابب لحمام اسبح هوا اني توني طالع منه ههه انتضرت الا ان سمعت صوت باب الغرفه انسد عرفتها طلعت.. اني هم طلعت باوع شايلة الصينية ابتسمت ونزلت جوا..
.
ملاك .. رحت للمطبخ ومريم مخبوصة للعشى خطية وحدها شفت بنتين كاعدات يمها عابت ولا كامن كلفن نفسهن يساعدهن رحت يمها كتلها جيبي انا اكشر بطاطا وانتي كملي...
مريم.. ... اوووويلي جيتي بوقتج
ملاك ... بس اكولج كلبب مني ذني الصخول الكاعدات
مريم.. هههه ذني بنات خالتي هاي سعاد وهاي امل
ملاك .. اهاااا
سعاد ... مريومة جان كلتيلنا نساعدج
مريم ... لا تسلمين چنتنا تكفي وتوفي
ملاك .. . ابتسمت لمريم واشوف هاي عيونها يريدن يطلعن من مكانهن
سعاد ... اي عيني ست ملاك متونسة موو عرسج بعد 3 ايام ومو حيالله اخذتي شيخ الشباب هنيالج ولو ادري الشيخ شعجبة بيج بسسس يلا قسمة
ملاك ... انداريت الها كتلها.. اي والله كلش فرحانه وانتي كلتيها اخذت الشيخ مع الاسف اكو فد مضغوطات حيطكن من الغيرة بس يلا قسمة...
بيني وبين نفسي يافرحة يابطيخ هوا غير جيت لجهنم اووووف.. كملنا عشى وقدمناه تعشو وصبينا جاي وعزلت وي مريومه خطية وهاذي سعاد كل ساع ذابتلها بسمير بس مارديت عليها ادري بيها مضغوطة عفتها للعشرة.. تعبت كلت المريم حروح انام تعبانه 💔 رحت للغرفة اخذت دوش ونمت فورا شسوي والله خبصة هههع
..
يتبع
