##تـــٓذكير
~~ملاك شبيج لعد مووو
...
ازاد .. ليش هيج مكبرة الموضوع وبجي وعياط ليش مو انتي نفسها البنت الجانت تكول لو اموت مااحبك ولااطيقك وهاج اجاج الزين شتريدين بعد
.
ملاك ... لزمت ايديه وابجي .. ازاااد شبيييك والله انته مو هيج ليش ليش تسوي بية هيج هااا لان حبيتك دتعذبني وبعدين مو كتلي انتي عشكة للشيخ شو وين كلامك هااا فدوة لاتسوي هيج ازاد والله احبك احبك
.
ازاد .. انسي كلامي وبعدين اني ماحبج الج
ملاك ... لعد
ازاد .. اكو بحياتي بنت ورايدها
ملاك ... بهل لحضة تمنيت الموت ولاسامعته منه كتله بصوت مبحوح .. تحبها
ازاد .. اي
ملاك .. صفنت بيه وسكتت كتله .. الك التريدة
ازاد ... ماراح يرضون بهيج
ملاك .. منو هماا
ازاد ... اهلنا وحاليا البنت اهلها مينطون ف اريد نمثل انو نحب بعض كدام اهلنا وراح نتزوج بس زواج عادي اما كدام اهلنا نحنا سعيدين لبين ما اهل البنت يرضون
ملاك ... جان يحجي وانا دموعي تجري واسمع كلامة مثل السجاجين كتلة .. تمام نزلنا جوا وكعدنا سوا حجة هوا كال
.
.
ازاد ... اعتذر منكم جميعا جنت بحالة غضب ومزعوج من ملاك وحجيت هيج وطبعا عمي ماراح الكي مثل بنتك الي اتمنة تقبلون اعتذاري
الجد .. بويااا انته موش صغيرون وماريد بعد تغلط هيج
ازاد ... نشالله يابا
ابو ملاك ... بنتي ملوكة راضية بكلامة
ملاك .. باوعت لازاد كلت .. اي بابا راضية
ابو ملاك ... ههه يابني وكفت كلوبنا بحجيك لاتعيدها بعد
ازاد ... ههه لاعمو اسفين
ملاك .. ترخصت من الكل وكمت لغرفتي سديت الباب وخليت ايدي ع حلكي وكعدت ابجي ليش هيج يربي ليش شنو ذنبي بس لان حبيتة يطلع حبة الي كلة جذب لان اكو ببالة بنت ليش هيج ليششش ياازاد ليش.. رحت تمددت ماجاني نوم شفت البنات دخلن سويت نفسي نايمة حسيت عليهن طفن الضوا واجن تمددن ورا ربع ساعة ضليت نفس الحالة ماجاني نوم جنت مخنوكة واريد افضفض لبداخلي طلعت من الغرفة وحتة شال مالبست رحت لعند الشط جانت ساعه 12 كعدت غمضت عيوني وانا اتذكر كلام ازاد واتمنة الصار كلة حلم بس لا هاذا واقع فتحت عيوني دموعي تجري كمت كوة اخذ النفس احس اختنكت رحت ليم الشط شوي وهوا مو عميق عادي يعني طبيت بداخلة وابجي...
..
♡____________________________♡♡_•••
...
...
ازاد ... احس الدنيا فترت بيا شلون كدرت احجي هيج واكسر كلبها شلوووون ولجججج ااااخ يملاك لو تعرفين شكد صعب طلعت الكلمات مني بس وربي لمصلحتج ... نرجع بل وقت لمن ملاك باست ازاد وكلتله اني عشكة للشيخ ازاد بوقتها ملاك راحت بس ازاد جان حاسها متحبة لااا مجرد شفقة لان مرة سمعهم هيا وبيبيتة يحجون وبيبيته توصي ملاك باازاد وعن ماضييه بس ماحجتلها كلشي كلتلها انو من صغرة متعذب وماشاف الحلو بحياتة وتوصيها بيه حييييل ف من ملاك اعترفت لازاد انو تحبة حس انو ماكو مشاعر بكلبها تجاههة جانت مجرد تريد تساعدة حتة يطلع من ماضييه بس صار العكس ملاك طلعت تحب ازاد اما هوا مفكرها علمود كلام بيبيتها هيج حجت ف فكر انو ملاك تستحق الاحسن وتعيش حياتها قرر انو يكللها انه يحب بنت ورايدها بس لازم ملاك تضل وياه بزواج عادي لبين ما يخطب البنت .. نرجع لواقعنا
______________••••٪
ملاك ... بقيت كاااعدة الا ان حسيت خلاص تعبت كمت ورجعت للبيت ومن دخلت جنت كلي ماي واصلا جسد بلا روح يجوز تكولون بالغتي لا والله صعبة يعني حبيتة وهيج يجازيتي) دخلت وهوا جان بل كاعد من شافني تخبل كام لزمني ويصيح بية شبيج ووين جنتي وليش هيج منضرج جنت صافنه بيه وخرت ايديه عني ومشيت بكل برود صعدت لغرفتي والتفيت بفراشي واني مبللة مابدلت نمت محسيت..........
::
..
...
ملاك ... كعدت الصبـــح ارجف فتحت عيوني مغوشات بس شفت ماما تسويلي كمادات وتحجي علية ليش هيج بنتي وليش مدري شنو اصلا جنت بغير عالم المهم رجعت نمت •••♡
.
.
ازاد .. كعدت الصبح وشفت الكل بغرفة ملاك بعدتهم وشفتها مريضة ووجهة.اصفررر وعمتي دتسويلها كمادات طلعت ليش تسوين هيج بحالج يملاك ادري بيج متحبيني ادري وراح تخلصين مني بس بعد جم شهر..
..
...
..
ملاك .. كعدت العصر جنت شوي مصحصحة نزلت جوا الكل كاعدين وازاد وياهم كعدت يم. بابا وخليت راسي ع جتفة
ابو ملاك ... ها بنيتي شون صرتي
ملاك برود .. زينة
ابو ملاك .. بنيتي ديري بالج ع نفسج
ملاك .. لارد كمت ردت اطلع
ابو ملاك ... وين بنتي
ملاك ... اشم هوا
طلعت وجنت امشي معرف وين بس جان اكو شجرة بعيدة عن البيت والبستان كلشش رحت ليمها وكعدت وغمضت عيوني وبعدها نسيت الوقت وكلشي ..
.
.
سعــد .. يما وين ملاك
ام ملاك .. والله مدري وليدي راحت تتمشى شو لهسة ماكو
سعـد ... شون ماكو ... مريم متعرفين وينها
مريم ... لا والله ودورتلها بل بستان ويم الشط هم ماكو.
ازاد ... شبيكم شكو
مريم ... اا شيخ مم ملاك
ازاد بخوف ... شبيها ملاك
سعد .. من العصر طلعت تتمشى ولحد هسة مارجعت دورنالها بكل مكان ماكو البستان والشط والبيت منعرف وينها
ازاد .. رجعو دورو وانا هم راح ادور .. جنت خايف عليها لان فقدتها مرة وماريد. تتكرر خوووما طفلة وينج ملاك دورت البيت كلة والبستان مدري شلون جنت دامشي ولمحتها كاعدة يم شجرة ركضت الها وحضنتها .. ويييينج لهسة هااا
ملاك برود .. عوفني .. كمت من يماا ورحت للبيت والكل جانو مخبوصين علية
سعد .. ويين جنتي ساعة ندور لج
ملاك برود .. هاياتني ماكو شي .. عفتهم وصعدت لغرفتي وتمددت
..
ازاد ... والله عجيب امرها بس لو افهم شتريد ع الاقل ارتاح ااااخ منج
..
...
...
....
.....
......
