Pèrla ✒Antoïne💉

-العبرة-

أنا طفلة وحيدة عند دارنا عندي خويا كبير مي غير أنا طفلة يعني كونت نحب تكون عندي ختي كبيرة باش نحيكلها الوغ كانت عندي بنت خالتي ديرتها كي ختي ولا كتر نحكيلها كلش كونت كي نعرف واحد عاقل ولا شباب تقولي ليندة اخطيك وكدا منا ملهيك.... راكم علابالكم و انا كونت ب نيتي مليار جامي خممت تغير مني ولا تحسدني المهم كي عرفت هادا لي راني معاه دوك (خطيبي) كان راح يروح projet للخارج كان يقولي ليندة كي نولي نخطبك انا قتلو عادي نتا راك خدام وانا مزالني صغيرة مزالني نقرى هي كانت ديمن تقولي والله دوك يروح و مايوليش غير بلاكي باينة بلي يتمسخر بيك مع لول مشيت معاها فالخط كونت ديمن نضارب معاه و مشنفة منبعد تقول واحد مدلي كف قلت واش راني ندير ياك ادا راح ماولاش عادي ماشي راني مزوجة نخاف قلت نكمل بنيتي معاه و خليها على ربي هو علاجالي انا ماراحش باش مانقولش ولا نتوسوس منو حكاية انا بقاتلي في راسي للدوك منبعد هو قالي نجي نخطبك هاد الصيف هي كي قلتلها تبدلت ضربة وحدة ولات ماتهدرش معايا كي شغل جا بنادم وحدوخر ماشي هادي بنت خالتي لي نعرفها انا مادرت والو جبدت روحي كيفكيف خطرة كونت ف دار ماني حتى يعيطلي قالي اسمعي نتي كونتي تخرجي مع وليد خالك قبلي وعلاش ماقلتيليش وتخبي عليا باينة كنتي تحبيه و بزاف صوالح قالهم(جرحني بالهدرة) قتلو واش راك تقول قالي دوك عيطولي ماسكي و قالولي هاد لهدرة وانا كي عيطلي كانت معايا بنت خالي هوما زوج لي يعرفو بحكاياتي موراها بنهار كانت طهارة تاع (وليد خوها لبنت خالتي ) رحت انا زعمة ماعلاباليش هي ماحبتش تخرج تشوفني انا تمك فهمتك كلش وهي هادا كامل كيفاش ليندة ماعندهاش عام ملي عرفاتو حاب يخطبها وانا عندي مع صحبي 10 سنين ماخطبني ماوالو انا ماخطبنيش هاداك الصيف قتلو لالا مزال المهم ماهدرتش معاها عامين هكك حتى نهار عرسها رحت في ميزكم علاش الرسول عليه الصلاة والسلام قالك ماشي مليح تقابلو السيئة بالسيئة الوغ رحت باش تعرف بلي انا خير منها و انا نفرحلها

تعلمت من هاد لحكاية انك جامي تحكي سرك مهما كان الانسان هاداك معزتو عندك وتعلمت بلي الدنيا هادي لازم تحطنا ف مواقف كيما هادو باش نعرفو معامن رانا نمشو نعرفو المعدن تاع لبنادم هاداك وجامي تضرو انسان يالوكان هو قاسكم خلو كلش على ربي و خلو قلوبكم بيوضة ❤ مرسي كي قريتو واش كتبت نشالله تدو العبرة