عمار :والله ي ابوي مشيت قدمته الليله ف كم جامعه وان شاء الله يشيلوني
محمد(ابوعمار) : ي ولدي الكان رزقو علي الله م بضيع بس انت عملته العليك والباقي علي ربنا
عمار: الله يحفظك لي يارب 💓😊
#مقاطعة صوت ازهار (ام عمار).
ازهار : احم احم شايف الناس مندمجه مع بعضه
محمد : م ممكن يعني الولد وابوهو يقعدو مع بعض (وكلهم اخدو ليهم ضحكه)
عمار : كنته بقول ليهو اني قدمته ف كم جامعه
ازهار: ان شاء الله تتوفق وربنا كريم ودعواتنا معاك
عمار : ان شاء الله ي امي وربنا يحفظكم لي
ازهار : يلى ارح الغدا جاهز عشن تاكلو
محمد : اي والله جعانين من قبيل
عمار : اي انا زاتي داير اكل عشن مواعد عبدالرحمن صاحبي
ازهار : ان شاء الله عافيه؟؟
عمار : لا لا عافيه تب طولنا م قعدنا
ازهار : خلاص يلى ارحكم
#بعد الغدا _ في الشارع
(دكان عمك علي)
عمار : ي عم علي عبدالرحمن ده م جا هنا
عمك علي : اها شوف ذكرنا ود الحلال قام بااان
عبدالرحمن : شفته كيف ي عم علي انا اصلاً كده
عمك علي : ههههههههه
عمار : بطل طلسك ده وخش ف الحضن والله تقول م ساكنين ف حله وحده
ميتين ابو مشاغل الدنيا البتخلينا م نتلاقه
عبدالرحمن : نعمل شنو ي اخوي حال الدنيا
#بعد مدة من السلام حق الشباب العبيط داك
عبدالرحمن : اها عملته شنو
عمار : والله ي فرده قدمته والباقي علي الله
عبدالرحمن : ربك كريم ي زوولي
عمار : اها وانت عملته شنو؟؟
عبدالرحمن :: والله انا كسرته الحنك ي عمك
عمار : كيف الكلام ده
عبدالرحمن : والله السوق بس ي مان
عمار : ي زول انت جنيت
عبدالرحمن : والله جد ده جر هوا ساي بعدين الوالد بقى م بقدر فانا مسكته المحل وان شاء الله اقدر انجز اصلا ف النهايه المطلب الزول يكون ناجح ف حاجه وان شاء الله انا بنجح
عمار : طيب والعلم والطموحات
عبدالرحمن : والله م دام انت اخوي قاعد وحتتعلم زي البقرا انا وف النهاية كان هدفنا واحد وانجز انت وانا ان شاء الله ف اي وقت تحتاجني م تتلفت تعال لي طوالي
عمار : ابشر ي اخوي بس ابقى الف علي نفسك من السوق ومن اولاد الحرام الفيهو ديل
عبدالرحمن : م تخاف انا ضهري مليان م دام انت ساندني م بتجيني عوجه تب
عمار: م تخاف ان شاء الله انا موجود وربنا يسهل
عبدالرحمن : اها ي عمك نتقابل عندي حسابات والله ماشي اجمعها
عمار : اوهو الناس بقت تقيله نحن لينا الله
عبدالرحمن : بي ضحكه اصلك حركاتك دي م بتخليها
#يضحكو الاتنين
عمار : يلى ي عمك بنتلاقه كان حيين
عبدالرحمن : عديله تب
....... يتبع🖋️
