بعد م الدكتور طلع...
الشاب الجديد : سلام عليكم شباب كيف الحال
عمار وخالد : وعليكم السلام مجدداً
الشاب : اموركم كيف
عمار : والله الحمدلله
خالد : نحمد الله بس الناس مبسوطه والبرلمه جاريه ف دمها
(واخدو ليهم ضحكه كده كلهم)
عمار : م وريتنا اسم الكريم
الشاب : انا معتز محمد علي
عمار : ي محاسن الصدف وانا عمار محمد موسى
خالد : خالد حسن ابراهيم
معتز : لي عظيم الشرف والله
عمار : شرف الله قدرك ي ملك
خالد : اها ياراسطات نمرق نفطر ول حتقضوها لي شرف وعظيم
والله انا مهوي لمن بهناك
معتز : ارح ارح الزول ده شكلو حياكلنا 😂😂😂
عمار : 😂😂😂😂😂😂
#عمار وخالد ومعتز اتداخلو مع بعض بطريقه حلوه كأنهم بعرفو بعض ليهم سنين وكانو بضحكو مع بعض بطريقه عفويه وأثناء م كانو قايمين علي الفطورجوهم بتين والبتين ديل اللي كانو قاعدين قدامهم نشوف حصل شنو :::
البتين : بصوات واحد /سلام عليكم
خالد وباقي الشباب : وعليكم السلام
البتين : ازيكم وكيف حالكم نحن قاعدين قدامكم كنا
خالد : اي شايفنكم والله سبحان
البتين وعمار ومعتز :(قعدو يضحكو)
عمار : شنو ي عمك طوالي شمال 😂😂😂
معتز : اسي م كنا جعانين
خالد : والله تقول شنو اسي زي الرحت بي سببكم من قبيل بقول ليكم ارح
البتين : (وهم ميتات من الضحك) انت ظريف والله
معتز : (بصوت واطي لعمار) والله ده شكلو الليله حيتكهرب فينا
عمار : 😂😂😂😂😂😂😂😂😂😂😂
البتين : طيب بحكم انو دفعه واحده عادي نتعرف
انا ياسمين وانا لجين
الشباب : عظيم الشرف والله
انا خالد وانا عمار وانا معتز
ياسمين : ولينا الشرف نحن كمان
عمار : شرف الله قدركم
خالد : يلى ممكن نفطر
لجين : انت والله شكلو الجوع مسيطر عليك
(وكلهم ضحكو)
عمار : طيب يلى تجو معانه
ياسمين : يلى اصلا م بنعرف زول شكلنا حنتبرلم حنتبرلم
معتز : يلى علي الله
خالد : المهم بوش بس نمشي بره نزبط بوش
عمار : ياخ ارح كشفته حالنا 🤦♂️
#المهم مشو الفطور حتى البنات معاهم وفطرو ورجعو حضرو محاضراتهم
وكملو اليوم وطلعو مع بعضهم واي زول رجع بيتهم
#ف بيت عمار:
عمار : اها ي نبع الحنان امسيتي كيف
ازهار : اهلين بالباش مهندس الحمدلله انت كيف واول يوم كيف معاك
عمار : الحمدلله تمام واليوم كان حلو
#يقاطعهم صوت حاج محمد :
محمد : سلااااام عليكم اوو مهندسنا اها كيف اول يوم معاك
عمار_ازهار :وعليكم السلام
عمار : والله الحمدلله ي ابوي اليوم كان سمح شديد (وبعدها بدا يحكي ليهم ف الحصل) واتبسوط ليهو وبعدها اي زول مشى نام
وعدا اليوم الثاني والثالت والاسبوع الاول وعلاقة الشباب ماشه تقوى لحدي م تمو اسبوعين وف الاسبوع التاني ف اول يوم فيهو الصباح وأثناء م المحاضره شغاله......
..... يتبع🖋️.....
