#ف الجنبه :
عمار : ي سلااااام ياااخ طولنا من الجبنات
عبدالرحمن : والله ي حليل زمن العطله وزمن اللمه
عمار: بالله باقي الشله العطاله ديل م قاعد تلاقيهم
عبدالرحمن : والله لاقيت اباذر قبلي فتره معاهو صهيب لكن تاني م لاقيت زول
عمار : ي سلااااام ياااخ والله ان شاء الله الزول يتلم معاهم تاني ياخ
عبدالرحمن : لا لا بنتلمه ي زولي ان شاء الله كدي انزل جامعه وبعداك بنعرف الحاصل شنو
عمار : ان شاء الله
بعد القهوه اي زول مشى عبدالرحمن وصل عمار بيتهم واي زول خشى بيتهم
#بعد مرور اسبوع واللي هو كان اول يوم نازل فيهو عمار :
#الصباح : اناقه واخر شياكه ووجاهة :
ازهار : بسم الله ماشاء الله ولدي المهندس ربنا يحفظك ان شاء الله
محمد : الله يحفظك ي ولدي ويحقق ليك احلامك وترفع راسنا
عمار :امين يارب ويحفظكم لي ان شاء الله يلى ف رعاية الله
انا طالع (وسلم علي امو وابوه)
#ف الجامعه :
عمار اخد وقفه قبلي يدخل وبدا يتكلم مع نفسو :اخيراً وصلته للنفسي اوصل ليهو قدرته احقق اول خطوه من حلمي م معروف بعدها حاوصل لي وين بس الله كريم وربنا يقدرني علي الطريق البديتو ده (كان بعاين وبتكلم كانو اعظم انتصارتو بين ايدينو بعد التعب التعبو ف ثالث ثانوي وجاب 85 كان مبسوط لي درجة م قادر يواصل يدخل الجامعه بعدها استجمع قوتو ودخل الجامعه
ومجرد م هو دخل الجامعه بدا يملا نظرو ومن الجامعه كانت ظاهره عليهو اثر انو برلوم 😅والناس بتشغله ليهو هو ومجموعة البرالمه المعاهو بس م كان هاميهو كان همو انو يشوف الجامعه لانو كان زول عفوي شديد المهم دخل الجامعه وعرف مكان قاعتو وبعدها دخل القاعه ومجرد م دخل القاعه بدا اتذكر الايصال حق الدخول والبطاقه وباقي الإجراءات دي قام هبش جيبو عشن يطلع الجزلان واتفاجأ انو......
.... يتبع.....🖋️
