بقو قاعدين عمار وخالد شويه كده خالد جاهو تلفون وطلع انو دي رتاج خلصت وهي منتظراهو ف العربي عمار قال ليهو اسي الجيه دي م سمحه معاك
المهم قعدو يضحكو مع بعض كده وخالد قاال لي عمار انت مارق معاي ول لسه
عليك شويه
عمار : والله ياخ انت امشي انا عندي النيه امشي ادخل توتي
خالد : توتي بعد ده؟؟ الساعه سبعه ي عمار كيف الكلام ده
عمار : والله ايزي ياعمك عادي قاعد اجي توتي زي الوقت ده وم بدخلها الا بليل وهي مكاني المفضل
خالد : خلاص حضران ي زول المهم بيناتنا شبكه وخلي بالك(قبل م خالد يطلع جاهو تلفون تاني من رتاج وقالت ليهو انها حتتأخر حبه ممكن ينتظرها قال ليها خلاص اوكي انا قاعد مع عمار ف النيل جمب كبري توتي
رتاج: خلاص طيب ازبط حاجه حاطلع من الجامعه واجي بهناك قريب لينا شارع النيل
خالد : خلاص زابط منها تلاقي عمار زاتو
رتاج خلاص تمام
عمار : اها ان شاء الله عافيه
خالد : عافيه قالت عندها شيتات ول شنو م عارف المهم ي سيدي
تعال نعطل هناك ونطق الحنك قالت حتجي هنا
عمار : خلاص زابط ارح نشرب كباية جبنه تاني
خالد : خلاص اطلب من المره ديك شكلو جبنتها سمحه علي بال م اتصل
علي معاذ اشوفو وصل ول لا
عمار : خلاص تمام انجز
طلبو الجبنه وبقو بشربو وبتونسو وبحكو لي بعض ف مواقف مرت بيهم المهم م يقارب النص ساعه كده ونسه وضحك لحدي م اتصلت رتاج وخالد وصف ليها المكان َجات عليهم وسلمت علي عمار واتعرفو علي بعض وسالها من حاله ومن الجامعه وبعدها خالد ورتاج استاذنو
خالد : اها مصر تمشي توتي جوه
عمار : اي اي عادي ي عمك المهم اصلو انتو انا بصل خلو بالكم بس
رتاج : توتي بعد الوقت ده 😲😲؟؟
عمار : عادي ي رتاج جيت كم مره وعادي بدخل بليل 😂😂😂
خالد : الاخو مجنون خليهو 😂😂
رتاج: الله يحفظك ياخ
عمار :ويحفظكم يلى ي جماعه ف رعاية الله
خالد_رتاج طيب يلى سلام
#عمار مشى ف طريقو وخالد ورتاج مشو ف طريقهم
عمار خشى علي توتي والدنيا بقت مضلمه والحركه ف توتي خفيفه م ف نتس كتار بقى ماشي علي البحر جوه وأثناء م هو ماشي بقى سامع ليهو صوت صراخ وكواريك.....
يتبع.... 🖋️🖋️🖋️
