الساعه 7:30
الصينيه مركزي
يدخل جرس 📞📞📞📞
عمار : ي ربي م بترد ماله؟؟
عنااب : صباح الخير ي حلو
عمار : صباح النور يااخ طيرتي قلبي مالك م بتردي
عناب : ههههههه معلش مفاجآت وكده
عمار : احلى صباح واحلى مفاجأة والله شنو الحلاوه دي كلها
عناب : بطل يااخ
عمار : 😂😂😂😂 طيب طيب م تصدقي
عناب : كريه 😒
عمار : الله يسامحك اها شغالين كم م عندي نت انا
عناب : قالو 10
عمار : طيب وقت كده ارح نشرب لينا كباية قهوة ظريفه ونقعد نتونس كده لحدي م الزمن يجي
عناب : زابط
#بعد مرور ساعتين من القعده يتصل معاذ علي عمار
عمار : ي امدرماني صباحات ي
معاذ : يسعد صباحك ي جميل الخبر شنو
عمار : تمام الحمد لله اها وين؟
معاذ : والله ف الجامعه ومعاي الشباب ديل قاعدين تحت الشجرة
انت وين
عمار : خلاص انا قريب عشره دقايق واكون معاكم
معاذ : خلاص زط عشن المحاضره قربت نطق الحنك شويه ونخش
عمار : منتهي ي كاارب
عناب: قال ليك شنو
عمار : قال قاعدين ف الشجرة
عناب : خلاص ارح عليهم دي زاته ياسمين بتتصل
عمار : خلاص ردي عليها
عناب : زابط الو...... الخ
#ف الجنوبي :
خالد : ياا بشر انتو شايفين الانا شايفو 😲😲😲😲😲؟؟؟
الشباب : ف شنو ي زول
خالد : عاينو هناك
كلهم اتلفتو البياكل جدع الاكل والبشرب ف شاي كشحو وكلهم بقو منططين عيونهم 😲😲
معاذ : معقووول 😲😲😲😲
ياسمين : لا مستحيل 😲
لجين : 😲😲😲😲😲😲😲م بصدق الاتنين سوا
خالد : لا وكمان بضحكو كدي صحوني لو انا نايم
معاذ : شكلي انا زاتي اتلاقيت معاك ف الحلم ده 😲😲
عمار،: الوووووو ف شنو ي عالم
عناب : اجي جنيتو 😂😂😂
خالد : لا لا والله نصيحين بس انتو الجنيتو شكلكم
عمار : بطلو فارغه وقومو ارحكم المحاضره لانو بدت خلاص 😂😂😂😂
معاذ : هي بضحك جد جد
ياسمين : سبحان مبدل الاحوال
عناب : بطلو تتريقو وارحكم
لجين : لا احكو لينا اول
عمار : اوووف استغفرالله 😑😑بعدين يلى ده م وقتو
الشباب دخلو المحاضره والوقت كلو بتلفتو وبعاينو لعمار وعناب وعمار وعناب بضحكو عليهم بعد المحاضره خلصت كلهم نطو لي عمار وعناب
عناب : دقيقه دقيقه براحه براحه 😂😂😂
عمار : بدا يسرد ف القصه لمن مشيتو انت ورتاج وخليتوني........ الخ
معاذ : اولاد الكلب اخخ بس لو قعدته
عناب: 😭😭😭😭😭😭
لجين : ولايهمك حبيبه حقك برجع
ياسمين : الله موجود
خالد : نحن معاك م تخافي
عمار : قلنا م عايزين بكى يخ (ويجيهو اتصال من عبدالرحمن)
عبدالرحمن : ي كاارب اسمعني الناس ديل جبناهم
عمار : كيف كيف قبضتو عليهم..........
يتبع 🖋️🖋️🖋️🖋️
#الحلقه ال16 والأخيرة :
عبدالرحمن : ايوه اسي حاليا ف القسم حق ال.*****
عمار : متين وكيف يعني نجيك اسي؟
عبدالرحمن : ايوه عشن تتعرفو عليهم ونفتح المحضر
عمار : خلاص تمام اسي جاين عليك
معاذ : اها؟؟
عمار : اسي قبضوهم يلى عشن نتم الموضوع واتصلي علي واحد من اهلك
عناب : بابا بره السودان لكن اشوف خالو القاعده معاهو
عمار :طيب يلى م ف وقت حيجينا عبدالرحمن هنا
بعد نص ساعه :
ف القسم :
تعالو من هنا
الضابط : وين البت والولد
عمار: ايوه نحن هنا
الضابط خلاص تمام تعالو بهنا
ديل ياهم
عناب: ايوه ديل هم ي سعادتك
عمار : اي ديل هم العواليق ديل انا بخليهم ي جنابو( باخر صوتو)
معاذ :تعال تعال أهدى نحن ف قسم
عمار : بعد نهده طيب طيب ارح نشوف الحيحصل شنو
الضابط : تمام ان شاء الله المحكمه حتكون بعد تلاته يوم
عبدالرحمن : تمام ي جنابو
يلى ي عمار ارجعو عشن نجي بعد تلاته يوم للمحكمة وحنشوف محامي شاطر
خالد : انا عمي محامي دفاع شاطر
عمار: خلاص تمام كلمو واشرح ليهو الحاصل
خالد : تمام
عناب : ي شباب انا بتشكركم كتير والله
الشباب : م تقولي كده نحن م بيناتنا كلام زي ده ربنا يديمه بس
عناب: الله يحفظكم لي
عبدالرحمن : يلى ي شباب عشن اوصلكم ف طريقي يلى ي خال
#يوم_المحكمه
اتحكم علي المتهمين بالسجن لمدة عشرين سنه بتهمة الاعتداء وعناب اتبسطت شديد وكل الشباب فرحو واهلها كمان فرحو شديد واتشكرو الشباب
واتطورت العلاقات بين الشباب وعمار وعناب ارتبطو وباقي ليهم سنه من التخريج خالد خطب رتاج وعمار كمان خطب عناب ومعاذ ارتبطو هو ولجين اما ياسمين اتزوجت من ود عمها وكل الشباب عملو عرسهم ف يوم واحد وعملو ليهم شركه وحده لمقاوله والمعمار وربنا فتحها عليهم وامورهم كلها اتزبطت........
ودي اخر العلاقات النضيفه المبنيه علي الثبات والتعاون والوقفه الوحده مهما
حصل
ف امان الله لحدي م نبدا الروايه الجديده 😊👋🖋️..
