أثناء م المحاضره شغاله يقاطعهم صوت زول يدق الباب :
الدكتور وقف وكل الطلبه بقو مركزين ف الباب كانت فيهو بت عباره عن ايه من الجمال مفصله بكل صفات الجمال ومتوسطه ف الطول المهم القاعه كلها اتبهرت بالجمال...
البت : دكتور سلام عليكم ممكن ادخل
دكتور : الساعه كم،؟؟؟
البت : معليش ي دكتور بس انا اول لي يوم وكانت حاصله. لي ظروف
دكتور :اتفضلي ومرحب بيك وتاني م تتكرر
البت : شكراً ي دكتور
#دخلت القاعه ومشت علي البينش الفيهو ياسمين ولجين لانو الوحيد الكان فاضي المهم المحاضره انتهت...
معاذ : اسمعني الزول الغبيان ده مالو م جا
عمار : والله م عارفو الليله ان شاء الله يكون عافيه بس كدي اتصل عليهو
#يقاطعهم صوت : م تتصلو ليه ياهو ده جا براهو
عمار : كنته وين ياخ 🤦♂️
خالد؛ : والله بالنيه بس كوابيس المواصلات
معاذ : يعني اسي داير تتطلسنا بي انو من قبيل مواصلات م ف وانت ساكن الصحافه هنا
خالد : اي والله
معاذ : ياخ سيب الحنك البيش ده قول انت نايم بس هو انا ود امدرمان وصلته خليك انت
عمار : 🤣🤣🤣🤣🤣حزينه ي ود امدر بقيت تضرب المثل بي نفسك
معاذ : هوي انت ي ودسوبا مالك كمان انت اسي م ف الجزيره داير تفتح خشمك
عمار : بالله شوف ده كمان هوي
خالد : بالله انا جعان ارحكم نفطر
معاذ : شوف اشعب شوف اشعب بس متمني يوم واحد تقَل داير تقرا بس دايما اكل اكل تاكل السم ان شاء الله
خالد : ي زول انا مهوي
ياسمين : ي شباب الامو شنو
الشباب : تمام والله انتي كيف
ياسمين: الحمدلله دايره اعرفكم بي دفعتنا الجديده
الشباب : مرحبتين
ياسمين : طيب دي عناب علي حتقرا معانه 😊
عناب ده عمار وده خالد وده معاذ
عناب : عظيم الشرف
الشباب : الشرف لينا
#المهم بعدها طلعو الفطور وفطرو ورجعو قاعتهم وكل القاعه كانت بتتكلم عن البت الجديده لانو كانت ايه من الجمال وكل الناس خاته عينها عليها
مرت الأيام والتداخل بقى أقوى اكتر واكتر بس كانت ف حاجه واللي هي انو عناب البت الجديده كانت بتشم عمار شديد من غير سبب وبتضايق من كللمو حتى عمار لاحظ للحاجه دي وبقى كل م يقعدو بحاول ينفرد او يركب سماعتو بحاول اقطع ونستو مع الشله عشن م يحسس عناب باي اي شي....
#موقف جاكسون الصباح :
معاذ :(بتكلم مع نفسو ياربي الواقف هناك ده م خالد؟ الجايبو هنا شنو 🤔؟)
.... يتبع.... 🖋️
