كنته كل يوم بنطلع سوا لحدي م يوم جمعته كل قوتي واعترفته ليها قلته ليها انو انا عندي مشاعر اتجاهك بس سمعت كلامي ونططت عيونها وبقت مخلوعه وم قادره تتكلم 😲وسككت مسافه قلته ليها ان شاء الله م اكون ضايقتك بي كلامي ده ☹️قالت لي م عارفه اقول ليك شنو قلته ليها اخدي راحتك وفكري بي مهلتك وان شاء الله الفيهو خير ربنا بيسوق عليهو بعدها اتفارقنا انا وهي واي زول مشى بي اتجاه المهم الوقت داك انا كنته شغال وبعد تلاته يوم من الحصل ده حتى انا فقدته الامل 💔لاقيته جمب الدكان وانا راجع من الشغل الكلام ده قبل الجامعه 💔المهم سلمته عليها وانا متردد وخايف وقالت لي عايزاك ف موضوع بعدين حاجي بيتكم م تطلع بس اخد راحتك وروق وانا بجي طبعاً انا بقيت مخلوع وبعاين ليها 😲قلته ليها طيب بقيت بسأل ف نفسي ياربي عايزه تقول شنو؟
إذا كانت موافقه كان قالت لي ف الواتس او هنا او ف اي حته تانيه بس بيتنا دي شكلها ف مصيبه الله يستر 💔
مشيت البيت واخدته لي دش والموضوع بقى لي ف راسي ومنتظرها بفارق الصبر خشيت رقدته ف الصاله كده ومسكته تلفوني جات داخله سلمت علي ف اللحظه ديك انا قلبي وقف عديل 😂😂😂
المهم رديت ليها السلام وبقينا قاعدين ف الصاله قامت هي سكتت مسافه وانا قلته ليها اها عايز اسمعك من قبيل مقلق قالت لي طيب حاقول بس اتقبل مني اي شي وم تزعل طيب 💔اللهم اجعل خير ان شاء الله الله لا جاب الزعل بيناتنا 💔طيب ي خالد انا عايزه اقول ليك انو ☹️💔اها قولي طيب م تسكتي 💔عايزه اقول ليك انو انا من زمان كان عندي ليح مشاعر برضو بس م كنته قادره اعبر ليك ف اللحظة دي انا بقيت م قادر قمته وقعدته وادردقته من الفرح والانبساطه 💔😊وبقيت م قادر اتكلم قلته ليها يخ مش بتحبيني
خلاص تاني م مشكله الفات مات ☹️🖤وان شاء الله م اتحرم ياخ
معااذ : (صفاره وصفقه 👏👏👏👏) اصلي كيف الله عليييك ي روميو
خالد : خلاص داير تجنن
عمار : ي الله ياخ ان شاء الله ربنا يحفظكم لي بعض
البنات : وااااي من الجفاف العاطفي ☹️
خالد : 😂😂😂😂خلاص ي جماعه واقول ليكم حاجه يوم نطلع طلعه ظريف كده وبجيبه ليكم تتعرفو عليها
معاذ : والله بمناسبة الطلعه دي دايرين لينا يوم نعز نفسنا ياخ
عمار : اي والله بس متين ووين
ياسمين : الغااابه حقت ديشانكو جمب الغربي او بالأحرى ف كبري الفتيحاب
معاذ : وهميه يخ
عمار : نمشي مزرعه
معاذ : عان عان ود سوبا ده كملن عشن جمبكم المزارع مش😒
عمار : ياخ ده راي بس وتاني علي كيفكم
لجين : توتي : بس ☹️
خالد : حديقة القرشي ازبط
سكتو كلهم مسافه كده وقال خلاص قداااام بس اليوم متين نشوف لينا يوم فاضي كده ونمشي
ياسمين : اظن بعد اسبوع عندنا يوم فيهو اوف ونقوم نمشي من الصباح
الشباب : خلاص منتهي
..... يتبع..... 🖋️
